பொருளாதார சரிவில் இருந்து நாட்டைக் காக்கும் சீனா ! | NRI | NRI latest news | NRI updated news | NRI tamil news ::

பொருளாதார சரிவில் இருந்து நாட்டைக் காக்கும் சீனா !

மே 21,2020 

Comments

பெய்ஜிங்: கரோனா வைரஸ் தொற்று பரவத் தொடங்கியது முதல் இதுவரை, பல்வேறு சிக்கல்களை எதிர்கொள்ளும் ஆற்றலையும், பொருளாதார நெருக்கடியை சுயமாக சமாளிக்கும் திறனையும் சீன கொண்டுள்ளது.. குறிப்பாக, கடந்த மார்ச் மற்றும் ஏப்ரல் மாதங்களில் வெளியான பொருளாதாரக் குறியீடுகள் சீனாவின் பொருளாதாரம் விரைவாக மீட்சி அடைந்து வருவதைக் எடுத்துக்காட்டுகின்றன. 

ஏப்ரல் மாதத்தில் சீனாவில் ஆண்டுக்கு 2 கோடி யுவானுக்கு அதிகமான வருமானமுடைய தொழில் நிறுவனங்களின் கூட்டு மதிப்பு கடந்த ஆண்டில் இருந்ததை விட 3.9 விழுக்காடு அதிகரித்துள்ளது. ஏற்றுமதித் தொகை கடந்த ஆண்டில் இருந்ததை விட 8.2 விழுக்காடு அதிகரித்துள்ளது. தொழில் அடிப்படை, சூழலுக்கு ஏற்றவாறு வளைந்துகொண்டுக்கும் ஆற்றல், மனித வளம் முதலியவை சீனாவின் மேம்பாடுகளாகும். தவிரவும், சீரான சரக்கு புழக்க அமைப்புமுறை மற்றும் தடையில்லா போக்குவரத்துவசதிகளும், பொருளாதாரத்தின் இடைக்கால மற்றும் நீண்ட கால வளர்ச்சிக்குத் துணை புரிகின்றது.எனவே சீனச் சந்தை மீது அந்நிய நாட்டவர்கள் கொண்டுள்ள நம்பிக்கை சற்றும் குறையவில்லை. 

எடுத்துக்காட்டாக, தற்போது சீனாவுக்கும் ஜெர்மனுக்கும் இடையில் வணிக விமான போக்குவரத்து நெறியைத் துவக்க இரு நாட்டு அரசுகளும் விவாதித்து வருகின்றன. ஜெர்மனியுடன் முழுமையான தொழில் சங்கிலியை உருவாக்கவும், நிதானத்தைப் பேணிக்காக்கவும் சீனா விரும்புவதாக சீனத் துணை வெளியுறவு அமைச்சர் லே யேட்சங் தெரிவித்தார். மேலும், கள ஆய்வுகளின் படி 40 விழுக்காட்டு வெளிநாட்டுத் தொழில்நிறுவனங்கள் சீனாவுக்கான முதலீட்டுத் தொகையைத் தொடர்ந்து அதிகரிக்க விருப்பம் தெரிவித்துள்ளதாக சீனத் தொழில் மற்றும் தகவல் தொழில்நுட்ப அமைச்சகம் வெளியிட்ட புதிய அறிக்கையில் தெரிவிக்கப்பட்டுள்ளது.

கடந்த பல ஆண்டுகளாக உலகப் பொருளாதார வளர்ச்சிக்கு சீனா 30 விழுக்காட்டுக்கு மேல் பங்களித்துள்ளது. இன்றைய இக்கட்டான சூழலில் கரோனா வைரஸ் பாதிப்பில் இருந்து சீனா வெற்றிகரமாக மீண்டு வந்துள்ளதோடு, பொருளாதார சரிவில் இருந்தும் நாட்டை காத்து, உலகப் பொருளாதார மேம்பாட்டுக்கும் உறுதியான ஆதரவளித்து வருகிறது. பெய்ஜிங்கில் தற்போது நடைபெற்று வரும் இரு கூட்டத்தொடர்களில் சீரான பொருளாதார வளர்ச்சிக்கு உகந்த முன்மொழிவுகள் வழங்கப்படும் என எதிர்பர்க்கப்படுகிறது.



Advertisement
மேலும் ஜப்பான்/சீனா செய்திகள்

மேலும் செய்திகள் உங்களுக்காக ...

நெப்ராஸ்கா மாகாண இந்தியா சங்கம்

நெப்ராஸ்கா மாகாண இந்தியா சங்கம்...

ஒமாஹா தமிழ்ப் பள்ளி

ஒமாஹா தமிழ்ப் பள்ளி...

அயர்லாந்து தமிழ்க் கல்விக்கழகம் – ஓர் அறிமுகம்

அயர்லாந்து தமிழ்க் கல்விக்கழகம் – ஓர் அறிமுகம்...

சிகாகோ தமிழ்ச் சங்கம்

சிகாகோ தமிழ்ச் சங்கம்...

Advertisement
Advertisement
Advertisement

வாசகர்களுக்கு ஓர் அன்பான வேண்டுகோள்.

1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.

வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :

New to Dinamalar ?

வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.

Copyright © 2021 Dinamalar - No.1 Tamil website in the world ( Ulaga Tamilargal Seithikal - NRI ). Designed and Hosted by Dinamalar | Contact us