ஜித்தாவில் ரத்த தான முகாம் | NRI | NRI latest news | NRI updated news | NRI tamil news ::

ஜித்தாவில் ரத்த தான முகாம்

ஜூலை 31,2020 

Comments

ஜித்தாவிலுள்ள கிங் அப்துல் அஸீஸ் மருத்துவமனையில் 24-07-2020 அன்று இரத்ததான முகாம் நடைபெற்றது. தமிழ்நாடு தவ்ஹீத் ஜமாஅத்தின் ஜித்தா மண்டலம் நடத்திய இந்த முகாமில் 60 பேர் கலந்து கொண்டனர். அதில் 51 பேரிடமிருந்து இரத்ததானம் பெறப்பட்டது. கோவிட் 19 வைரஸால் மருத்துவமனைக்கு வர மக்கள் தயங்குவதால் நோயாளிகளின் உயிர்காக்க இரத்ததானம் செய்து உதவுங்கள் என்று கிங் அப்துல் அஜீஸ் மருத்துவமனையிலிருந்து வந்த வேண்டுகோளை ஏற்று ஜித்தா தவ்ஹீத் ஜமாஅத் இரத்ததான முகாமுக்கு ஏற்பாடு செய்தது.
தொற்று நோய் பரவும் வாய்ப்புகள் அதிகமாக இருப்பதால் மருத்துவமனைக்கு வர மக்கள் தயங்குவது, அதிகமான கம்பெனிகளில் பணியாளர்கள் வெளியே செல்ல அனுமதியில்லாத நிலை, பாதுகாப்பு பரிசோதனை மற்றும் சுகாதார கெடுபிடிகள் அதிகமாக இருக்கும் இந்நேரத்தில் இரத்ததான முகாம் நடத்துவது மிகப்பெரும் சவாலாகும். இருப்பினும் நோயாளிகளின் உயிரை காக்க அவசர நிலையில் இரத்ததான முகாம் ஏற்பாடு செய்யப்பட்டது. முக கவசம் அணிதல் சோஷியல் டிஸ்டன்ஸ், சேனிடைசர் பயன்படுத்துதல், உடல்நலக்குறைவு உள்ளவர்களை தவிர்த்தல், உடல் வெப்பநிலை பரிசோதனை போன்ற ஆரம்பநிலை நடவடிக்கைகளுக்கு பிறகு கொடையாளிகள் அனுமதிக்கப்பட்டனர். இதில் 60 பேர் கலந்து கொண்டனர், அவர்களில் 51 பேரிடமிருந்து இரத்தம் தானமாக பெறப்பட்டது.

மதியம் 2.00 மணிக்கு துவங்கிய இம்முகாம், தவ்ஹீத் ஜமாஅத்தின் தன்னார்வ தொண்டர்களின் வழிகாட்டுதலில் மாலை 4.30 க்கு நிறைவுக்கு வந்தது. வந்தவர்களை பாதுகாப்பாக வீட்டில் கொண்டு சேர்க்கும் பொறுப்பையும் அவர்கள் சிறப்புடன் செய்தனர். டாக்டர்.அய்மன் தலைமையிலான இரத்ததான வங்கி குழுவினர் கொடையாளிகளுக்கு நன்றிகளை தெரிவித்தனர். இது குறித்து தமிழ்நாடு தவ்ஹீத் ஜமாஅத்தின் ஜித்தா மண்டல தலைவர். முஹம்மது முனாஃப் பேசும் போது, தேவைப்படும் போதெல்லாம் அவசரகட்டமாக எல்லாநேரத்திலும் இரத்ததானம் செய்து வருகின்றோம். ஜித்தா மண்டலம் நடத்திய முகாம்களில் இது 21 வது இரத்ததான முகாமாகும் என்று குறிப்பிட்டார்.
- தினமலர் வாசகர் முஹம்மது மாஹீன்

Advertisement
மேலும் வளைகுடா செய்திகள்

மேலும் செய்திகள் உங்களுக்காக ...

சிகாகோ தமிழ்ச் சங்கம்

சிகாகோ தமிழ்ச் சங்கம்...

அலபாமா தமிழ் சங்கம்

அலபாமா தமிழ் சங்கம் ...

மல்லிகை மலர் ( காலாண்டு இதழ்)- ஏப்ரல், 2020

மல்லிகை மலர் ( காலாண்டு இதழ்)- ஏப்ரல், 2020...

மல்லிகை மலர் ( காலாண்டு இதழ்)- ஏப்ரல், 2020

மல்லிகை மலர் ( காலாண்டு இதழ்)- ஏப்ரல், 2020...

Advertisement
Advertisement
Advertisement

வாசகர்களுக்கு ஓர் அன்பான வேண்டுகோள்.

1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.

வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :

New to Dinamalar ?

வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.

Copyright © 2020 Dinamalar - No.1 Tamil website in the world ( Ulaga Tamilargal Seithikal - NRI ). Designed and Hosted by Dinamalar | Contact us