அபுதாபி அய்மான் சங்கம் ஏற்பாட்டில் சகோதர சமுதாயத்தை சேர்ந்த சின்னவன் முத்து உடல் நல்லடக்கம் | NRI | NRI latest news | NRI updated news | NRI tamil news ::

அபுதாபி அய்மான் சங்கம் ஏற்பாட்டில் சகோதர சமுதாயத்தை சேர்ந்த சின்னவன் முத்து உடல் நல்லடக்கம்

ஜூன் 10,2021 

Comments

அபுதாபி : அபுதாபியில் கடந்த 26.05.2021 புதன் கிழமை அன்று மரணமடைந்த ராமநாதபுரம் மாவட்டத்தை சேர்ந்த சின்னவன் முத்து அவர்களுடைய உடலை முன்னின்று நல்லடக்கம் செய்யும் பணிகளை மேற்கொள்ளுமாறு அவருடைய குடும்பத்தார்கள் அய்மான் சங்கத்தை கேட்டுக் கொண்டனர்.மேலும் இராமநாதபுரம் தொகுதி இந்திய யூனியன் முஸ்லிம் லீக் நாடாளுமன்ற உறுப்பினர் திரு.நவாஸ் கனி , மற்றும் தர்மபுரி தொகுதி திமுக நாடாளுமன்ற உறுப்பினர் டாக்டர் எஸ்.செந்தில் குமார் ஆகியோர் தனிப்பட்ட முறையில் அய்மான் சங்க நிர்வாகிகளை தொடர்பு கொண்டு நல்லடக்கப் பணிகளை மேற்கொள்ள கேட்டுக் கொண்டதன் அடிப்படையில் அய்மான் நிர்வாகிகள் இந்திய தூதரகம் மற்றும் அமீரக அரசு சார்த்த அலுவல் பணிகளை மேற்கொண்டனர்.
சின்னவன் முத்து அவர்களின் இறப்பு சம்பந்தமாக வேலைகள் அய்மான் சங்கத்திற்கு பெரும் சவாலாக இருந்தது என்றால் மிகையாகாது.இறந்தவர் அல் சீலா (அபுதாபியில் இருந்து 300 கிலோமீட்டர்) பகுதியில் வசிக்கக் கூடியவர்.இறந்தவரின் உடலோ பதா ஜாயித் என்ற வேறொரு இடத்தில் இருந்தது. இறந்தவரின் சம்பந்தப்பட்ட வழக்கு பதிவான இடம் ருவைஸ் ஆகும்.அய்மான் சங்க தலைவர் கீழக்கரை ஹெச். எம். முஹம்மது ஜமாலுதீன் அவர்களின் அறிவுறுத்தலின்படி அய்மான் நிர்வாகிகள் அபுதாபியில் தங்களது அலுவலகப் பணி நேரங்களுக்கு இடையில்,துரிதமாக செயல்பட்டு, அனைத்து பணிகளையும் ஒருங்கிணைத்து முடித்துள்ளார்கள்.சின்னவன் முத்து அவர்களுடைய உடல் நல்லடக்கம் 04-06-2021 மாலை 6.00 மணிக்கு அபுதாபியில் உள்ள பனியாஸ் மையவாடியில் நல்லடக்கம் செய்யப்பட்டது'அன்னாரை இழந்து வாடும் அவரின் குடும்பத்தினர் - உற்றார் - உறவினர் - நண்பர்கள் உள்ளிட்ட அனைவருக்கும் இறைவன் பொறுமையை தருவானாக.இறைவன் பொருத்தத்தை நாடி இதற்காக நம்முடன் உழைத்த ருவைஸ் நகரில் வசிக்கும் கடலூர் ஷாநவாஸ், ஜாயித் சிட்டியில் வசிக்கும் கேரள சமூக ஆர்வலர் ஹம்ஜா, கேரளாவை சேர்ந்த சமூக ஆர்வலர் சகோதரர் அபூபக்கர் மற்றும் இப்பணிகளில் முழுமையாக ஈடுபட்டு உழைத்த அய்மான் சங்கத்தின் நிர்வாகிகள் ஆகியோருக்கு அந்த குடும்பத்தினர் நன்றியை தெரிவித்தனர்.

- நமது செய்தியாளர் காஹிலா



Advertisement
மேலும் வளைகுடா செய்திகள்

மேலும் செய்திகள் உங்களுக்காக ...

ஜூன் 19, ஜூலை 3ல் சான் ஆண்டோனியோ தமிழ்ச் சங்கத்தின் விளையாட்டுப் போட்டிகள்

ஜூன் 19, ஜூலை 3ல் சான் ஆண்டோனியோ தமிழ்ச் சங்கத்தின் விளையாட்டுப் போட்டிகள்...

நெப்ராஸ்கா மாகாண இந்தியா சங்கம்

நெப்ராஸ்கா மாகாண இந்தியா சங்கம்...

ஒமாஹா தமிழ்ப் பள்ளி

ஒமாஹா தமிழ்ப் பள்ளி...

அயர்லாந்து தமிழ்க் கல்விக்கழகம் – ஓர் அறிமுகம்

அயர்லாந்து தமிழ்க் கல்விக்கழகம் – ஓர் அறிமுகம்...

Advertisement
Advertisement
Advertisement

வாசகர்களுக்கு ஓர் அன்பான வேண்டுகோள்.

1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.

வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :

New to Dinamalar ?

வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.

Copyright © 2021 Dinamalar - No.1 Tamil website in the world ( Ulaga Tamilargal Seithikal - NRI ). Designed and Hosted by Dinamalar | Contact us