துபாய் நூலகத்துக்கு வழங்கப்பட்ட முதல் தமிழ் நூல் | NRI | உலக தமிழர் செய்திகள்| NRI updated news | NRI tamil news

துபாய் நூலகத்துக்கு வழங்கப்பட்ட முதல் தமிழ் நூல்

ஜூலை 01,2022 

Comments

துபாய் : துபாய் நகரில் சமீபத்தில் மிகப் பிரமாண்ட வகையில் புத்தக வடிவமைப்பில் முஹம்மது பின் ராஷித் நூலகம் திறக்கப்பட்டது. நூலகத்தை துபாய் ஆட்சியாளரும், அமீரக துணை அதிபர் மற்றும் பிரதமருமான ஷேக் முஹம்மது பின் ராஷித் அல் மக்தூம் திறந்து வைத்தார். இங்கு ஆயிரக்கணக்கான நூல்கள் அரபி, ஆங்கிலம் உள்ளிட்ட மொழிகளில் வைக்கப்பட்டுள்ளன.

குழந்தைகளுக்கான பிரத்யேக நூலகமும் அமைக்கப்பட்டுள்ளது. அவர்கள் விளையாடும் வகையிலும் வசதிகள் செய்யப்பட்டுள்ளது. இந்த நூலகத்தில் உள்ள கண்காட்சி மையத்தில் இந்தியாவின் பிரதமராக இருந்த இந்திரா காந்தி துபாய் நகருக்கு சென்ற புகைப்படம் இடம் பெற்றுள்ளது. மேலும் பழங்கால துபாய் மற்றும் நவீன துபாய் உள்ளிட்டவற்றை வெளிப்படுத்தும் கண்காட்சியும் உள்ளது. ஏழு மாடிகள் கொண்ட இந்த நூலகம் கட்டிடக்கலையின் சிறப்பம்சம் கொண்டதாக உள்ளது.

இந்த நூலக அலுவலர் அப்துல் ரஹ்மானிடம் ஊடகவியலாளர் முதுவை ஹிதாயத், ஈரோடு கு ஜமால் முஹம்மது எழுதிய ‘திப்பு சுல்தான்’ என்ற நூலை அன்பளிப்பாக வழங்கினார். இந்த நூலை பெற்றுக் கொண்ட அலுவலர் இதன் மூலம் இந்த நூலகத்துக்கு கிடைத்துள்ள முதல் தமிழ் நூல் என்ற பெருமையை பெறுவதாக குறிப்பிட்டார். இந்திய விடுதலைப் போரின் முன்னோடியான திப்பு சுல்தான் என்ற நூல் துபாய் நகரின் பிரமாண்ட நூலகத்தில் இடம் பெற்றிருப்பது சிறப்புக்குரியது ஆகும்.

- நமது செய்தியாளர் காஹிலா


Advertisement
மேலும் வளைகுடா செய்திகள்

மேலும் செய்திகள் உங்களுக்காக ...

உகாண்டா தமிழ் சங்க நிர்வாகிகள் (2022-2024)

உகாண்டா தமிழ் சங்க நிர்வாகிகள் (2022-2024)...

அருள்மிகு இலட்சுமி திருக்கோவில், ஆஷ்லேண்ட், மசாசுசெட்ஸ்

அருள்மிகு இலட்சுமி திருக்கோவில், ஆஷ்லேண்ட், மசாசுசெட்ஸ்...

திருகோணமலை வீரகத்திப் பிள்ளையார் கோவில்

திருகோணமலை வீரகத்திப் பிள்ளையார் கோவில்...

சியாட்டில் தமிழ் சங்க நிர்வாகிகள்- 2022

சியாட்டில் தமிழ் சங்க நிர்வாகிகள்- 2022...

Advertisement
Advertisement
Advertisement

வாசகர்களுக்கு ஓர் அன்பான வேண்டுகோள்.

1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.

வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :

New to Dinamalar ?

வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.

Copyright © 2022 Dinamalar - No.1 Tamil website in the world ( Ulaga Tamilargal Seithikal - NRI ). Designed and Hosted by Dinamalar | Contact us