செய்திகள்

சிவசுப்பிரமணியபுரத்தில் டெங்கு விழிப்புணர்வு முகாம்

நவம்பர் 09,2019  IST

 நெல்லை மாவட்டம் ராதாபுரம் வட்டம் சிவசுப்பிரமணியபுரத்தில் டெங்கு - பேரிடர் மேலாண்மை விழிப்புணர்வு மற்றும் நிலவேம்பு கசாயம் வழங்கும் நிகழ்ச்சி நடைபெற்றது.சிவசுப்பிரமணியபுரம் ஸ்ரீ முத்தாரம்மன் ஆலய கலையரங்கத்தில் கடந்த ஆண்டைப் போன்றே இந்த ஆண்டும் பள்ளிக்குழந்தைகள் மற்றும் ஊர் பொதுமக்களுக்கு நிலவேம்பு கசாயம் வழங்கும் நிகழ்ச்சி நடைபெற்றது. விழாவுக்கு முன்னாள் பஞ்சாயத்துத் தலைவர் திரு.திரவியம், திரு.கணபதி நாடார் மற்றும் திரு.நடராஜன் ஆகியோர் தலைமை ஏற்க, இராதாபுரத்தைச் சேர்ந்த நம்மால் முடியும் குழுவினர் வந்திருந்து மக்களிடம் டெங்கு பற்றிய தகவல்களை விளக்கிக்கூறினர். விழாவின் தொடக்கத்தில் 'நம்மால் முடியும் குழு' வைச் சேர்ந்த திரு. கா.காமராஜ் அவர்கள் டெங்கு எவ்வாறு பரவுகிறது என்பதைப் பற்றியும் நாம் நம்மை எவ்வாறு பாதுகாத்துக் கொள்ள வேண்டும் என்றும் விளக்கினார். மேலும், ஆபத்து காலத்தில் ஏற்படும் பேரிடரில் இருந்து மக்கள், தங்களை காப்பாற்றி கொள்வது குறித்தும் விளக்கமாக சிறப்புரையாற்றினார்.


இந்த நிகழ்ச்சிக்கு ஏற்பாடு செய்திருந்த திரு. த.சந்திரகுமார் அவர்கள் கூறும் போது, 'வருமுன் காப்போம் என்ற ஸ்லோகன் தான் எங்களின் இந்த முயற்சிக்கு முக்கியக் காரணம். எங்கள் ஊர் மக்கள், டெங்கு காய்ச்சல் மற்றும் அது தொடர்புடைய நோய்களின் தாக்குதல்களிலிருந்து பாதுகாக்கப்படவேண்டும் என்ற ஒரே நோக்கத்தோடுதான் இந்த நிகழ்ச்சியை முன்னெடுத்து நடத்தி வருகிறோம். கடந்த வருடமும் இது மாதிரி விழிப்புணர்வு முகாம் நடத்தினோம். இந்த ஆண்டும் தொடர்கிறோம். மக்கள் மத்தியிலும் முன்பை விட நிறைய விழிப்புணர்வு ஏற்பட்டிருக்கிறது. என் நண்பர்கள் கபிரியேல், ஜெய் கார்த்திக், ரோகன், கு.தங்ககுமார், நவராஜா, கிருஷ்ண குமார், பாரத், சதீஷ் மற்றும் விஜிகுட்டி ஆகியோரும் இந்த விழிப்புணர்வு முகாம் வெற்றிகரமாக மக்களை சென்றடைய உதவினார்கள். எல்லாவற்றுக்கும் அரசை குறை கூறாமல் நாமே நம்மால் முடிந்தவற்றை செய்யவேண்டும் என்பது தான் இந்த நிகழ்ச்சிக்கு முக்கிய காரணம்' என்றார்.
மேலும் அவர் கூறும் போது, 'பனை விதை நடும் நிகழ்ச்சிக்கு எங்கள் தொகுதி MLA திரு.இன்பதுரை அவர்கள் வந்திருந்து சிறப்பித்ததோடு அங்கன்வாடிப் பள்ளியைத் திறந்து வைத்ததில் எங்கள் மக்களுக்கு மிகுந்த மகிழ்ச்சி' என்றார்.
முடிவில் ஸ்ரீ முத்தாரம்மன் தொடக்கப் பள்ளி குழந்தைகள் மற்றும் ஊர் பொதுமக்களுக்கு நிலவேம்பு கசாயம் வழங்கப்பட்டது.
நமது செய்தியாளர் ஜேசு ஞானராஜ்



Advertisement
மேலும் பிற மாநிலங்கள் செய்திகள்

மேலும்    செய்திகள்    உங்களுக்காக ...

வர்ணம் வாய்ப்பாட்டுப் போட்டி: பரிசு வழங்குவிழா

வர்ணம் வாய்ப்பாட்டுப் போட்டி: பரிசு வழங்குவிழா...

தர்ம சாஸ்தா சேவா சமிதி மண்டலம் ஆரம்பம்

தர்ம சாஸ்தா சேவா சமிதி மண்டலம் ஆரம்பம்...

தில்லி தமிழ் சங்கத்தில் ப்ரமராம்பிகாவின் பரதநாட்டியம் அரங்கேற்றம்

தில்லி தமிழ் சங்கத்தில் ப்ரமராம்பிகாவின் பரதநாட்டியம் அரங்கேற்றம்...

வர்ணம் வாய்ப்பாட்டு போட்டி

வர்ணம் வாய்ப்பாட்டு போட்டி...

Advertisement
Advertisement
Advertisement

வாசகர்களுக்கு ஓர் அன்பான வேண்டுகோள்.

1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.

வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :

New to Dinamalar ?

வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.

(Press Ctrl+g or click this   to toggle between English and Tamil)
Copyright © 2019 Dinamalar - No.1 Tamil website in the world ( Ulaga Tamilargal Seithikal - NRI ). Designed and Hosted by Dinamalar | Contact us