Dinamalar

தில்லியில் ஸ்ரீ ராமசாமி நினைவு கச்சேரி

தில்லி லோக் கலா மஞ்ச் நிறுவனரும் சமூக ஆர்வலருமான மறைந்த ராமசாமியின் 9 ஆவது நினைவு கச்சேரியும் விருது வழங்கு நிகழ்வும் வாசுகி அரங்கில் நடைபெற்றது. இந்த நிகழ்ச்சியை காயத்ரி நுண்கலை அமைப்புடன் அவர்கள் நடத்தி வருகிறார்கள்.சம்பிரதாய குத்து விளக்கேற்றிய பின் மீனா வெங்கி வரவேற்புரை வழங்க தில்லி கலைஞர் ஆர் ஸ்ரீ தர் வயலினிசை நடைபெற்றது. அவருடன் தலைநகர் மூத்த கலைஞர் கும்பகோணம் பத்மநாபன் மிருதங்கம் , பேஜங்கி ரவிகிரண் மோர்சிங் வாசித்தனர்.

எப்படி பிச்சி, முல்லை , ரோஜா என் பல மலர்கள் சேர்த்து அழகிய மாலை உருவாக்குவது போல அசாவேரி, ஜெயந்தஸ்ரீ, தன்யாசி, கார்டா, கருடத்வனி,கனககுதூகலம், ஆபேரியில் ராமனை தியாகராசர் எப்படியெல்லாம் அழைத்து மகிழ்ந்தாரோ அதை நம்மையும் அனுபவிக்க வைத்து தாச கிருதி காபியிலும் ராம ரசத்தை ஜகதோ தாரணவில் ரசிக்க வைத்தது அருமை.பாபநாசம் வரிகளில் மானிடரை பொம்மை ஆக்கி இறைவன் விளையாடும் 'நான் ஒரு விளையாட்டு பொம்மை யா',நவரசகானடாவில் சபையோரை தாளமிட வைத்தது. 

முக்கிய கீர்த்தனையாக ஆபேரியில் 'நகு மோமு கலலேனி' சரணத்தில் எப்படி விஷ்ணு பகவான் வாகனம் கருடன் அவர் உளமறிந்து வேகமாக பறந்து அவரை பக்தரிடம் கொண்டு சேர்க்குமோஅதுபோல அர்த்தம் கொண்ட ' இக் ராஜு வில் நிரவல் ஸ்வரம் அமைத்து விறுவிறுப்பான மிருதங்க மோர்சிங் கூட்டணியில் ரசிகர்களுக்கு நல்ல இசை விருந்து கிடைத்தது.

அன்றைய நிகழ்வில் வயலின் வித்தகர் தில்லி ஆர். ஸ்ரீதர் அவருக்கு ராமசாமி நினைவு அறக்கட்டளை சார்பில் ஹேமா ராமசாமியும், லட்சுமி சம்பத்தும் பட்டயம் வழங்கி கெளரவித்தார்கள். மற்ற கலைஞர்களையும் பொன்னாடை போர்த்தி கெளரவித்தார்கள். காயத்திரி சார்பில் கோவிந்தனும், தாளபக்தி சார்பில் பத்மநாபனும் ஸ்ரீதரை கெளரவித்தனர். இருஅமைப்புகள் சார்பில் மீனா வெங்கி நன்றி கூற இசை நிகழ்ச்சி இனிது நிறைவுபெற்றது.

- தினமலர் தில்லி செய்தியாளர் மீனா வெங்கி

• ஸ்ரீ காருண்ய மகாகணபதி திருக்கோவிலில் ஏகாதேசி பஜனை
• ராம் மந்திர் வளாகத்தில் ஆராதனை
• தில்லி காஞ்சி கலாசார மையத்தில் தியாகராசர் ஆராதனை
• துவாரகா ராம் மந்திரில் ராதா கல்யாண மகோத்சவம்
• தலை நகரத்திலும் 'பொங்கல் விழா'