புதுடில்லி: சங்கடஹர சதுர்த்தியை முன்னிட்டு , சாத்தாபுரம் ஸ்ரீ பிரசன்ன மகாகணபதி கோவிலில் சிறப்பு கணபதி ஹோமம் மற்றும் கலச பூஜை நடந்தது. அதைத் தொடர்ந்து, ஸ்ரீ ருத்ராபிஷேகம், ஏகாதச திரவிய அபிஷேகம் நடைபெற்றன. சிறப்பு நைவேத்தியம் மற்றும் மகா தீபாராதனையுடன் அபிஷேக பூஜை மற்றும் அலங்கார பூஜையும் நடைபெற்றன.

மூஷிக வாகனத்தில் ஸ்ரீ பிரசன்ன மகாகணபதி பக்தர்களுக்கு அருள்பாலித்தார். சுற்றுவட்டார கிராம மக்கள் திரளாக இதில் கலந்து கொண்டு மூஷிக வாகனத்தை பிரார்த்தனை செய்து மகாகணபதியையும் வழிபட்டனர்.

பிரசன்ன விநாயகர்

கல்பாத்தி ஸ்ரீ பிரசன்ன விநாயகர் என்பது பாலக்காடு அருகே உள்ள கல்பாத்தி சாத்தாபுரம் அக்ரஹாரத்தில் இருக்கும் பிரசன்ன மஹா கணபதி கோவிலில் உள்ள விநாயகரைக் குறிக்கிறது. இந்த விநாயகர் கோயில் தானாகத் தோன்றியதால் 'பிரசன்ன விநாயகர்' என்று அழைக்கப்படுகிறார், மேலும் இது வேலைவாய்ப்பு, திருமணம், குழந்தை பாக்கியம் போன்ற பல விருப்பங்களை நிறைவேற்றும் இடமாக நம்பப்படுகிறது.

- நமது செய்தியாளர் எம்.வி. தியாகராஜன், புதுடில்லி.