இந்தியாவில் ரூ.500 கோடி ஆச்சரியத்தை ஏற்படுத்துமா அவதார் 2 ?
உலக சினிமா ரசிகர்கள் மிக ஆவலுடன் எதிர்பார்த்து கொண்டிருக்கும் 'அவதார் - த வே ஆப் வாட்டர்' படத்தின் டிரைலர் நேற்று ஆங்கிலம், தமிழ் உட்பட 5 மொழிகளில் வெளியானது.
அடுத்த மாதம் டிசம்பர் 16ம் தேதி உலகம் முழுவதும் வெளியாக உள்ளது.
இந்தப் படத்தின் வசூல் இதுவரை வெளியான ஹாலிவுட் படங்கள் இந்தியாவில் பெற்ற வசூலை முறியடிக்கும் என்ற எதிர்பார்ப்பை ஏற்படுத்தி உள்ளது.
இதுவரை வந்த ஹாலிவுட் படங்களில் 'அவஞ்சர்ஸ் என்ட் கேம்' ரூ.400 கோடிக்கு அதிகமான வசூலைப் பெற்று முதலிடத்தில் உள்ளது.
'அவஞ்சர்ஸ் இன்பினிட்டி வார்' ரூ.300 கோடியை நெருங்கியது.
'அவதார்' படத்தின் முதல் பாகம் சுமார் ரூ.130 கோடி வரை வசூலைக் குவித்து, முதன் முதலில் அதிக வசூலைப் பெற்ற ஹாலிவுட் படம் என்ற பெருமையைப் பெற்றது.
13 ஆண்டுகளுக்குப் பிறகு 'அவதார்' படத்தின் இரண்டாம் பாகம் வெளியாகப் போகிறது.
'அவதார் 2' படம் ரூ.500 கோடி வசூலைக் கடந்து புதிய சாதனையை நிகழ்த்தும் என இந்திய பாக்ஸ் ஆபீஸ் வட்டாரங்கள் நம்புகின்றன.
'அவதார் 2' வெளிவருவதால் பல இந்தியத் திரைப்படங்களின் வெளியீடுகள் தள்ளி வைக்கப்படும் சூழ்நிலையும் உருவாகியுள்ளது.