வெளியானது ரஜினி 171 பட அப்டேட் : டைம் டிராவல் கதையா...!

ஞானவேல் இயக்கத்தில் ‛வேட்டையன்' படத்தில் நடித்து வருகிறார் ரஜினி.

இந்த படத்தின் 75 சதவீத படப்பிடிப்பு முடிந்துவிட்டது. ஏப்ரல் மாதத்திற்குள் மொத்த படமும் முடியும் என எதிர்பார்க்கப்படுகிறது.

இதையடுத்து லோகேஷ் கனகராஜ் இயக்கும் தனது 171வது படத்தில் நடிக்க உள்ளார். தற்போது இந்த படத்தின் முன் தயாரிப்பு பணிகள் நடந்து வருகின்றன.

ரஜினி படத்திற்காக சமூகவலைதளத்தை விட்டு ஒதுங்கியிருந்து அந்த பணிகளில் ஈடுபட்டு இருந்த லோகேஷ் திடீரென, ‛இன்று மாலை 6 மணி!' என ஒரு பதிவை நேற்று எக்ஸ் தளத்தில் பதிவிட்டார்.

அதன்படி நேற்று மாலை 6 மணிக்கு ‛தலைவர் 171' பட டைட்டில் வரும் ஏப்ரல் 22ல் வெளியாகும் என குறிப்பிட்டு ஒரு போஸ்டரை வெளியிட்டார்.

அதில் கை கடிகாரங்களால் செய்யப்பட்ட கை விலங்கால் ரஜினி கட்டப்பட்டுள்ளார். பின்னணியில் கடிகாரம் தொடர்பான குறியீடுகள் உள்ளன.

இதை வைத்து பார்க்கையில் இந்த படத்தின் கதை டைம் டிராவல் பின்னணியில் இருக்கலாம் என கூறப்படுகிறது.

இந்த படதிற்கு அனிருத் இசையமைக்கிறார்

ஜூனில் படம் துவங்கும் என எதிர்பார்க்கப்படுகிறது.