கூட்டுறவு சங்க முறைகேடுகள் அம்பலத்துக்கு வருமா? | Special Articles | Special Reports | Special Interest News | News Comment | Science News | TV Shows news | General News

கூட்டுறவு சங்க முறைகேடுகள் அம்பலத்துக்கு வருமா?

பதிவு செய்த நாள் : மார் 31, 2020
Advertisement
கூட்டுறவு சங்க முறைகேடுகள் அம்பலத்துக்கு வருமா?

''கொரோனா நிதியா, மூணு மாச பென்ஷனை குடுத்திருக்காரு பா...'' என, அண்ணாச்சி வீட்டு திண்ணையில் அமர்ந்தபடியே, பேச்சை ஆரம்பித்தார், அன்வர்பாய்.''யாருங்க அது...'' எனக் கேட்டார், அந்தோணிசாமி.''திருச்சி, எம்.பி.,யா, 2009ல இருந்து, 2019 வரை, 10 வருஷம் இருந்தவர், அ.தி.மு.க.,வைச் சேர்ந்த குமார்... இப்ப, மாநகர மாவட்டச் செயலரா இருக்காரு பா...''கொரோனா தடுப்பு நடவடிக்கைக்கு, வசதி படைச்சவங்க நிதி வழங்கணும்னு, திருச்சி கலெக்டர் சிவராஜ் கேட்டிருந்தார்... ''குமார், தன் மூணு மாச, எம்.பி., பென்ஷன் தொகை, 1.05 லட்சம் ரூபாயை, கலெக்டரை பார்த்து குடுத்துட்டாரு பா...'' என்றார், அன்வர்பாய்.''நல்ல விஷயம் தான்... பதவியில இருந்து, கோடி கோடியா சம்பாதிச்சவங்களும், கணக்கு, வழக்கு பார்க்காம குடுத்தா நல்லாயிருக்குமுல்லா...'' என்ற அண்ணாச்சி, ''எல்லாருக்கும் இலவச சாப்பாடு போடுதாரு வே...'' என, அடுத்த தகவலுக்கு மாறினார்.''யார் ஓய் அது...'' எனக் கேட்டார், குப்பண்ணா.''திருநெல்வேலி, அரசு மருத்துவக் கல்லுாரி மருத்துவமனை, கொரோனா வார்டுல பணியாற்றும் டாக்டர்கள், நர்ஸ்கள், துாய்மை பணியாளர்கள் வெளியில போக முடியாதுங்கிறதால, அவங்களுக்கு, மாநகர, அ.தி.மு.க., செயலர் கணேசராஜா, மூணு வேளை சாப்பாட்டுக்கு ஏற்பாடு செய்திருக்காரு வே...''அதே மாதிரி, மருத்துவமனையில சிகிச்சை பெறும் நோயாளிகளுக்கு, துணையா இருக்கிற உறவினர்களுக்கும், இலவசமா உணவு வழங்குதாரு...''அதுவும் இல்லாம, ஊரடங்கு அமல்ல இருக்கிற, 21 நாட்களுக்கும், திருநெல்வேலி, பாளையங்கோட்டை சட்டசபை தொகுதிகள்ல இருக்கிற, 10 அம்மா உணவகங்கள்ல, இலவசமா உணவு வழங்க ஏற்பாடு பண்ணியிருக்காரு வே... ''இதுக்கான பணத்தை, மாநகராட்சிக்கு கணேசராஜாவே கட்டிட்டாரு...''இதுக்கு, முதல்வரும், துணை முதல்வரும் பாராட்டு தெரிவிச்சு இருக்காவ... ''இதை பின்பற்றி, மற்ற மாவட்டங்கள்லயும், அ.தி.மு.க., நிர்வாகிகள், தங்களால முடிஞ்ச சேவையை செய்ய முடிவு பண்ணியிருக்காவ வே...'' என்றார், அண்ணாச்சி.''ஏகப்பட்ட முறைகேடு நடக்கறது ஓய்...'' என, கடைசி தகவலுக்கு மாறினார், குப்பண்ணா.''எந்தத் துறையில பா...'' எனக் கேட்டார், அன்வர்பாய்.''கூட்டுறவு துறையின் கட்டுப்பாட்டுல, சென்னை, திருவல்லிக்கேணி நகர கூட்டுறவு சங்கம் செயல்படறது... ''இந்த சங்கம், காமதேனுங்கற பெயர்ல, பல்பொருள் அங்காடிகள், அம்மா மருந்தகங்கள், பண்ணை பசுமை காய்கறி கடைகளை நடத்திண்டு இருக்கு ஓய்...''இந்தக் கடைகளுக்கு தேவையான மளிகை பொருட்கள், மருந்துகள், காய்கறிகளை குறைந்த விலைக்கு வாங்கி, அதிக விலைக்கு வாங்கியதா, அதிகாரிகள் கணக்கு காட்டிடறா...''அதே மாதிரி, பொருட்களை சப்ளை செய்த நிறுவனங்களுக்கு பணம் பட்டுவாடா பண்ண, 'கமிஷன் வாங்கறது, கட்டட பராமரிப்பு, புதிய கட்டடங்கள் கட்டறதுல ஊழல்னு, ஏகப்பட்ட முறைகேடு நடக்கறது...''இது சம்பந்தமா, கூட்டுறவு துறை, தனி குழுவை நியமனம் பண்ணி, விரிவான விசாரணைக்கு உத்தரவு போட்டா, பல முறைகேடுகள் அம்பலத்துக்கு வரும் ஓய்...'' என்றபடியே குப்பண்ணா எழ, பெரியவர்கள் கிளம்பினர்.

Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X