டீக்கடை பெஞ்சு: ஆடுகள் கொள்முதலில் 'ஆட்டை' போடும் பி.ஏ., | டீ கடை பெஞ்ச் | பக்கவாத்தியம்| டவுட் தனபாலு | அறிவியல் மலர்

டீக்கடை பெஞ்சு: ஆடுகள் கொள்முதலில் 'ஆட்டை' போடும் பி.ஏ.,

பதிவு செய்த நாள் : மே 29, 2022 | |
Advertisement
டீக்கடை பெஞ்சு: ஆடுகள் கொள்முதலில் 'ஆட்டை' போடும் பி.ஏ.,

''அரசு அதிகாரிகளுக்கே இந்த கதின்னா, பொதுமக்கள் பாடு என்னாகும் வே...'' என, அலுத்தபடியே பெஞ்சில் அமர்ந்தார், அண்ணாச்சி.

''புரியும்படி சொல்லும் ஓய்...'' என்றார், குப்பண்ணா.''சென்னை தாம்பரத்துல, வீட்டுவசதி வாரியத்தின், 2.26 ஏக்கர் நிலம், தனியார் கட்டுமான நிறுவனத்தால அபகரிக்கப்பட்டு இருந்துச்சு... இது சம்பந்தமான வழக்குல ஐகோர்ட், சுப்ரீம் கோர்ட் எல்லாமே, வாரியத்துக்கு சாதகமா தீர்ப்பு குடுத்துட்டு வே...

''இந்த முறைகேட்டுல தொடர்புடைய, 'மாஜி' செயற் பொறியாளர்கள் நாலு பேர், ஒரு உதவி செயற் பொறியாளர், ஒரு உதவி பொறியாளர், ஒரு சர்வேயர்னு ஏழு பேர் மேல, வீட்டு வசதி வாரியத்தின் கே.கே.,நகர் கோட்ட அதிகாரிகள், தாம்பரம் போலீஸ் கமிஷனர் ஆபீஸ்ல புகார் குடுத்திருக்காவ வே..

.''ஆனா, புகாரை போலீஸ் அதிகாரிகள் கண்டுக்கவே இல்லை... 15 நாட்களுக்கும் மேலா வீட்டு வசதி அதிகாரிகள் நடையா நடந்தும், எந்த பலனும் இல்லை... இதனால, வெறுப்புல இருக்கிற அதிகாரிகள், தலைமைச் செயலரை பார்த்து புகார் சொல்ல தயாராயிட்டு இருக்காவ வே...'' என முடித்தார், அண்ணாச்சி.

''என்கிட்டயும் அதிகாரிகள் அலட்சியம் சம்பந்தமா ஒரு தகவல் இருக்குது பா...'' என்ற அன்வர்பாயே தொடர்ந்தார்...''சென்னை திருவான்மியூர், கொட்டிவாக்கம் பீச்ல, தினமும் ஆயிரக்கணக்கான மக்கள், 'வாக்கிங்' போறாங்க... உள்ளூர் மக்களும் சாயந்தர நேரத்துல, அங்க வந்து காத்தாட உட்காருவாங்க பா...''ஆனா, அந்தப் பகுதியில சாலைகள் எல்லாம் கந்தல்கோலமாகி கிடக்குது... இதை சரி பண்ணுங்கன்னு, மாநகராட்சி அதிகாரிகளுக்கு பொதுமக்கள் பல முறை புகார் குடுத்துட்டாங்க பா...''ஒவ்வொரு முறையும், 'சாலையை படம் எடுத்து அனுப்புங்க... நடவடிக்கை எடுக்கிறோம்'னு சொல்ற அதிகாரிகள், அப்புறம் எதையும் கண்டுக்க மாட்டேங்கிறாங்க... இதனால, வாக்கிங் போற பலரும் ரொம்பவே நொந்து போயிருக்காங்க பா...'' என்றார், அன்வர்பாய்.

''ஆடுகள் வாங்குறதுலயும், 'ஆட்டை' போடுறாருங்க...'' என, கடைசி தகவலுக்கு மாறினார், அந்தோணிசாமி.''ஏதாவது கறிக்கடை விவகாரமா வே...'' எனக் கேட்டார், அண்ணாச்சி

.''இல்லைங்க... ஆதரவற்ற பெண்கள், விதவைகள், கணவரால் கைவிடப்பட்ட பெண்களை தொழில் முனைவோராக்கும் திட்டத்துல, தமிழக அரசின் சார்புல இலவச ஆடுகள் வழங்கும் திட்டம் அமல்ல இருக்குதுங்க... ஒன்றியத்துக்கு, 100 பயனாளிகளை தேர்வு பண்ணி, ஒருத்தருக்கு, 17 ஆயிரத்து 500 ரூபாய் மதிப்புல, அஞ்சு செம்மறி ஆடுகள் வாங்கி குடுப்பாங்க...

''அந்தந்த பகுதி சந்தை அல்லது கிராமத்துல, கால்நடைத் துறை உதவி மருத்துவருடன் பயனாளியே நேர்ல போய் ஆடுகளை வாங்கிக்கலாம்... ''ஆனா, துறை முக்கிய புள்ளியின் உதவியாளரோ, கால்நடை துறை இணை இயக்குனர்களை போன்ல கூப்பிட்டு, 'நான்' சொல்ற ஆள்கிட்ட தான் ஆடுகள் வாங்கணும்... இல்லேன்னா, தண்ணியில்லாத காட்டுக்கு மாத்திடுவேன்'னு பகிரங்கமாவே மிரட்டுறாருங்க...''ஏன்னா, அவர் சொல்ற இடத்துல ஆடுகள் வாங்குனா, அதுக்குரிய கமிஷன் அவருக்கு போய் சேர்ந்துடும்... இதனால, இணை இயக்குனர்கள் சொல்லவும் முடியாம, மெல்லவும் முடியாம தவிக்கிறாங்க...'' என்றார் அந்தோணிசாமி.

''வாங்கோ ராம்குமார்... இஞ்சி டீ சாப்பிடலாம்...'' என, நண்பரை வரவேற்று குப்பண்ணா பேச, மற்றவர்கள் கிளம்பினர்.



'டிவி' பார்த்து கண்ணீர் சிந்திய சோனியா!



''விளையாட்டு விஷயத்துல விளையாட்டா இருக்கலாமாங்க...'' என, ஏலக்காய் டீயை ருசித்தபடி அரட்டையை ஆரம்பித்தார், அந்தோணிசாமி.

''நீரு விளையாடாம விஷயத்தை சொல்லும் வே...'' எனக் கேட்டார், அண்ணாச்சி.

''ஒலிம்பிக் போட்டிகள்ல நம்ம வீரர்கள், 'மெடல்' வாங்கிக் குவிக்கணுங்கிற நல்ல நோக்கத்துல, தமிழகத்தை நாலு மண்டலமா பிரிச்சு, 'ஒலிம்பிக் அகாடமி' ஆரம்பிக்க போறதா, தமிழக அரசு அறிவிச்சிருக்கு...

''ஆனா, கள நிலவரம் என்னன்னா, பெரும்பாலான மாவட்டங்கள்ல பயிற்சியாளர் தட்டுப்பாடு இருக்குதுங்க... தமிழக விளையாட்டு மேம்பாட்டு ஆணைய விடுதியில தங்கி பயிற்சி எடுக்கிற மாணவர்களுக்கும், வெளியில இருந்து நேரடியா வந்து பயிற்சி எடுக்கிற மாணவர்களுக்கும் தனித்தனியா பயிற்சி யாளர் இருக்கணும்...

''ஆனா, ஒரே பயிற்சியாளரை வச்சு ரெண்டு குரூப்புக்கும், 'டிரெய்னிங்' குடுக்கிறாங்க... சில இடங்கள்ல, குறிப்பிட்ட விளையாட்டுக்கு பயிற்சியாளர் இல்லாததால, நுணுக்கங்களை கத்துக்க முடியாம மாணவர்கள் உடற்பயிற்சி மட்டும் தான் செய்றாங்க... ''தனியார் பயிற்சியாளர் மூலமா கோச்சிங் குடுக்க ஏற்பாடு நடக்குதாம்... 'பிரைவேட் கோச்சிங்'ல ஆயிரக்கணக்குல சம்பாதிக்கிற பயிற்சியாளர்கள், அரசாங்க பயிற்சிக்கு எந்தளவு ஆர்வம் காட்டுவாங்கன்னு தெரியலைங்க...'' என்றார், அந்தோணிசாமி.

''ஊழல் ஆபீசரை இன்னொரு ஆபீசர் காப்பாத்திண்டு இருக்கார் ஓய்...'' என, அடுத்த தகவலை சொன்னார், குப்பண்ணா.

''எந்த துறையில பா...'' எனக் கேட்டார், அன்வர்பாய்.

''கோவை ஆவின் இருக்கோல்லியோ... அங்க பல கோடி ரூபாய்க்கு இயந்திரங் களை வாங்கியும், அதை பயன்படுத்தாம தண்டமா போட்டு வச்சிருக்கா... தினக்கூலி பணியாளர்கள் ஒப்பந்தத்துல ஆறு வருஷமா எக்கச்சக்க ஊழல் நடந்துருக்கு ஓய்...

''புதுசா வந்த ஜி.எம்., எல்லாத்தையும் கண்டுபிடிச்சிட்டார்... ஊழல் செஞ்ச அதிகாரிகள் நடுங்கிட்டு இருக்கா... 'பேக்டரி'யை கவனிக்கும் பொறுப்பில் இருக்கற அதிகாரி, இவாளை காப்பாத்தற வேலையில இறங்கி இருக்காராம் ஓய்..

.''இந்த அதிகாரி, அ.தி.மு.க., ஆட்சியில அப்போதைய அமைச்சருக்கு வேண்டப்பட்டவரா இருந்தாராம்... இப்ப, ஆளுங்கட்சி மாவட்ட பொறுப்பாளரின் முகா முக்கு மாறிட்டார் ஓய்...

''அதனால, 'மாவட்டத்திடம் சொல்லி உங்களை காப்பாத்தறதோட, புரமோஷனும் வாங்கி தரேன்'னு சொல்லி பெரிசா, 'கல்லா' கட்டிட்டாராம் ஓய்...'' என்ற குப்பண்ணாவின், மொபைல் போன் ஒலிக்க, அதை எடுத்து, ''சொல்லுங்கோ கிருஷ்ணமூர்த்தி... சேனாபதி அண்ணன்கிட்ட பேசிட்டேன்... அருண்குமார் மேட்டரை அவர் பார்த்துப்பார், நீங்க கவலையை விடுங்கோ...'' எனக் கூறி வைத்தார்.

''கண்ணீர் விட்டு அழுதுட்டாங்களாம் பா...'' என, கடைசி தகவலுக்கு வந்த அன்வர்பாயே தொடர்ந்தார்...''ராஜிவ் படுகொலை வழக்குல, பேரறிவாளனை உச்ச நீதிமன்றம் விடுதலை செஞ்சுதே... அந்த செய்தியை, 'டிவி'யில அமைதியா பார்த்துட்டு இருந்த காங்கிரஸ் தலைவர் சோனியா எந்த, 'ரியாக் ஷனும்' காட்டலையாம் பா..

.''ஆனா, முதல்வர் ஸ்டாலினை சந்திச்சு பேரறிவாளன் பேசிய காட்சியை, 'டிவி'யில பார்த்ததும், கண்ணீர் விட்டிருக்காங்க... இரவு வரை தண்ணீர் கூட குடிக்காம தனிமையில இருந்திருக்காங்க பா...

''உதவியாளர்கள் எவ்வளவோ சொல்லியும் சாப்பிடலை... அப்புறமா, பிரியங்கா வந்து சோனியாவை சமாதானப் படுத்தி சாப்பிட வச்சதா, நம்ம ஊர் காங்கிரஸ் எம்.பி., ஒருத்தர், கட்சிக்காரங்ககிட்ட சொல்லி வருத்தப்பட்டாராம் பா...'' என்றார், அன்வர்பாய்.அரட்டை முடிய பெஞ்ச் கலைந்தது.


'

Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X