வேண்டும் என்றே நிரப்பப்படாத மின்வாரிய பதவிகள்! | Special Articles | Special Reports | Special Interest News | News Comment | Science News | TV Shows news | General News

வேண்டும் என்றே நிரப்பப்படாத மின்வாரிய பதவிகள்!

பதிவு செய்த நாள் : அக் 22, 2019
Advertisement
 வேண்டும் என்றே நிரப்பப்படாத மின்வாரிய பதவிகள்!

வேண்டும் என்றே நிரப்பப்படாத மின்வாரிய பதவிகள்!''காலத்துக்கு ஏத்தா மாதிரி, போலீஸ்காரங்களும் மாறிட்டாவ வே...'' என, முதல் மேட்டருக்கு முன்னுரை தந்தார், பெரியசாமி அண்ணாச்சி.''டெபிட், கிரெடிட் கார்டு மூலமா, மாமூல் வாங்க ஆரம்பிச்சுட்டாளா ஓய்...'' என, சிரித்தபடியே கேட்டார், குப்பண்ணா.''போலீஸ்னாலே, மாமூல் தானா... அதெல்லாம் வாங்காத நியாயமான போலீசாரும், நிறைய பேர் இருக்காவ வே... நான் சொல்ல வந்தது, மதுரை போலீசாரை பத்தி...''மதுரை போக்குவரத்து போலீசார், சாலை விதிகள் பத்தி, எவ்வளவு தான் விழிப்புணர்வு செஞ்சாலும், மதுரை மக்கள், காதுலயே போட்டுக்கிறது இல்லை... ''அதனால, மாத்தி யோசிச்ச போலீசார், 'மீம்ஸ்' மூலமா போக்குவரத்து விதிகளை விளக்கி, 'வாட்ஸ் ஆப், பேஸ்புக்' மூலமா, மக்களுக்கு பரப்பியிருக்காவ... இதுக்கு, பொதுமக்கள் மத்தியில, நல்ல வரவேற்பு கிடைச்சிருக்கு வே...'' என்றார், அண்ணாச்சி.''நல்ல விஷயம் தானே...'' என்ற குப்பண்ணா, ''என்கிட்ட சொல்லாம, எதையும் செய்யப்டாதுன்னு கெடுபிடி பண்றார் ஓய்...'' என, அடுத்த தகவலுக்கு வந்தார்.''யாரு பா அது...'' எனக் கேட்டார், அன்வர் பாய்.''திருப்பூர்ல இருக்கற உழவர் சந்தையில, எம்.எல்.ஏ.,வின் தலையீடு அதிகமாயிட்டே போறது ஓய்... உழவர் சந்தை அதிகாரிகளிடம், 'எந்த விழாவா இருந்தாலும், என்கிட்ட சொல்லி அனுமதி வாங்கிட்டு தான் நடத்தணும்... நீங்களா இஷ்டத்துக்கு எதையாவது பண்ணப்டாது... அப்புறம், தொகுதிக்குள்ள நான் எதுக்கு இருக்கேன்'னு சத்தம் போடறார் ஓய்...''இதனால, உழவர் சந்தைக்கு பொறுப்பு வகிக்கற அதிகாரிகள், தங்களது ஊழியர்களிடம், 'எந்த நிகழ்ச்சியா இருந்தாலும், விவசாயிகளுக்கு சொல்றீங்களோ இல்லையோ, மொதல்ல, அவருக்கு சொல்லிடுங்கப்பா... அப்பறம், அவருக்கு பதில் சொல்லி மாளாது'ன்னு சொல்லிட்டாளாம் ஓய்...'' என்றார் குப்பண்ணா.''விஜயகுமார்... தள்ளி உட்காருங்க...'' என்ற அந்தோணிசாமியே, ''காலியிடங்களை, வேணும்னே நிரப்பாம விட்டிருக்காங்க...'' என, கடைசி மேட்டருக்கு சென்றார்.''எந்தத் துறையில பா...'' எனக் கேட்டார், அன்வர் பாய்.''மின் வாரியத்துல, தலைவருக்கு அடுத்து, இயக்குனர்கள் பதவிகள் தான் முக்கியமானதுங்க... மின் இயக்கம் பிரிவு இயக்குனர் பதவி, ஆறு மாதம்; மின் திட்ட இயக்குனர் பதவி, மூணு மாதம்; மின் உற்பத்தி இயக்குனர் பதவி, ரெண்டு மாதங்களா காலியா கிடக்குதுங்க...''இந்தப் பதவிகளை, மற்ற பிரிவு இயக்குனர்கள், கூடுதல் பொறுப்பா கவனிச்சுட்டு இருக்காங்க... இவ்வளவு நாட்கள், இயக்குனர் பதவிகளை காலியா விட்டதே கிடையாது... இந்த முறை தான், வேணும்னே தாமதம் பண்றாங்க...''இதன் பின்னணியில, சில தனியார் நிறுவனங்கள் இருக்குன்னும், இதன் மூலமா, அவங்களுக்கு ஆதாயம் அதிகமா கிடைக்குதுன்னும் சொல்றாங்க... ''மின் திட்ட பிரிவுல நடக்குற எல்லா பணிகளுக்கும், மத்திய அரசு தான் நிதியுதவி பண்ணுது... அதனால, 'இயக்குனர் இல்லாம, பணிகள் பாதிக்குது'ன்னு, சில ஊழியர் சங்கங்கள், மத்திய அரசுக்கு புகார் அனுப்பியிருக்கு...'' என்றார் அந்தோணிசாமி.அனைவரும் கிளம்ப, பெஞ்ச் அமைதியானது.

Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X