எதற்கு பதவி? | Special Articles | Special Reports | Special Interest News | News Comment | Science News | TV Shows news | General News

எதற்கு பதவி?

பதிவு செய்த நாள் : ஜூன் 16, 2021
Advertisement
 எதற்கு பதவி?


எதற்கு பதவி?


'இவர், திறமையை நிரூபிப்பதற்கு நாங்கள் தான் பலியாடாக இருக்க வேண்டுமா' என, அசாம் முதல்வரும், பா.ஜ.,வைச் சேர்ந்தவருமான ஹிமந்த பிஸ்வா சர்மாவின் நடவடிக்கைகளை பார்த்து அலறுகின்றனர், தலைமைச் செயலக அதிகாரிகள். அசாமில் கடந்த சில மாதங்களுக்கு முன் நடந்த சட்டசபை தேர்தலில் வெற்றி பெற்று, ஆட்சியை தக்க வைத்தது, பா.ஜ.,ஏற்கனவே முதல்வராக இருந்த சோனாவாலை கழற்றி விட்டு, மற்றொரு மூத்த தலைவரான ஹிமந்த பிஸ்வா சர்மாவுக்கு முதல்வர் பதவியை அளித்தது, பா.ஜ., மேலிடம்.கட்சி மேலிடத்திடமும், மாநில மக்களிடமும், தன் திறமையை நிரூபிப்பதற்கு முழு வீச்சில் தயாராகி வருகிறார் சர்மா. இது கொரோனா காலம் என்பதால், பெரும்பாலான மாநிலங்களில் மிகக் குறைந்த ஊழியர்களுடன் தலைமைச் செயலகங்கள் செயல்படுகின்றன. அசாமில், தலைமைச் செயலகம், 19 மணி நேரம் செயல்படுகிறது. மொத்த ஊழியர்களையும் மூன்ற பிரிவாக பிரித்து, மூன்று, 'ஷிப்ட்'டாக பணியாற்ற
உத்தரவிட்டுள்ளார் சர்மா. அவரும் காலை, 8:00 மணிக்கு தலைமைச் செயலகத்துக்கு வந்து விடுகிறார். கொரோனா தடுப்பு பணி, சிகிச்சை முறை ஆகியவை பற்றி, தொடர் ஆலோசனை நடத்துகிறார். அதிகாலை, 3:00 மணிக்கு தான் வீட்டுக்குச் செல்கிறார். இடையில் உள்ள, 5 மணி நேரம் மட்டுமே ஓய்வு எடுக்கிறார். இதனால் அதிகாரிகளுக்கு, 'பெண்டு' கழறுகிறது. 'கொரோனா காலத்தில் இப்படி படுத்துகிறாரே...' என, கண்ணீர் வடிக்கின்றனர். சர்மாவோ, 'இது பெருந்தொற்று காலம். இந்த நெருக்கடியான நேரத்தில் கூட, மக்களுக்காக உழைக்க முடியாவிட்டால், நமக்கு எதற்கு பதவி' என, ஒரே போடாக போடுகிறார்.

Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X