ரூ.33 லட்சத்தை பதுக்கிய பறக்கும் படை அதிகாரி!

பதிவு செய்த நாள் : ஏப் 26, 2019 | கருத்துகள் (1)
Advertisement
 ரூ.33 லட்சத்தை பதுக்கிய பறக்கும் படை அதிகாரி!

ரூ.33 லட்சத்தை பதுக்கிய பறக்கும் படை அதிகாரி!''எல்லாரும் தம்பிதுரை மேல, வெசனத்துல இருக்காங்ணா...'' என, விவாதத்தை ஆரம்பித்தார் கோவை, கோவாலு.''யாருங்க...'' எனக் கேட்டார், அந்தோணிசாமி.''அ.தி.மு.க., நட்சத்திரப் பேச்சாளர்களை, இந்த தேர்தல்ல, தலைமை சரியா பயன்படுத்திக்கலை... இவங்களுக்கு, தலைமையில இருந்து, தலா, 1 லட்சம் ரூபாயும், நடிகை விந்தியாவுக்கு மட்டும், 25 லட்சம் ரூபாயும் குடுத்தாங்களாமா...''இதனால, மத்த பேச்சாளர்கள் கொதிச்சு போயிட்டாப்புல... இது, முதல்வர் காதுக்கு வந்ததும், அவங்களுக்கு கூடுதல் தொகை வழங்கும்படி சொன்னாராமா... ஆனா, கொள்கை பரப்பு செயலர் தம்பிதுரை, 'இதுவே போதும்'னு சொல்லிட்டதால, எல்லாரும், அவர் மேல கடுப்புல இருக்காங்ணோவ்...'' என்றார் கோவாலு.''தக்கார்களின் தாராளத்தால, கோவில்கள் ஜொலிக்குதுங்க...'' என, அடுத்த மேட்டரை துவக்கிய அந்தோணிசாமியே தொடர்ந்தார்...''எந்த ஊருல பா...'' எனக் கேட்டார், அன்வர்பாய்.''மதுரை அழகர் கோவில் தக்காரா இருக்கிறவர், சென்னை, ராமச்சந்திரா மருத்துவக் கல்லுாரியின், நிர்வாக இயக்குனரான வெங்கடாஜலம்... ''இவர், கோவில்ல சிதிலமாகி கிடந்த கோட்டை சுவர், தெப்பக்குளம் எல்லாத்தையும், சொந்த பணத்துல சீரமைச்சிருக்காருங்க... கோவில் ஊழியர்களுக்கு, வருஷா வருஷம் சித்திரை திருவிழாவுக்கு, புத்தாடைகள் வாங்கி குடுக்கிறாருங்க...''மதுரை மீனாட்சி அம்மன் கோவில், தக்காரா இருக்கிற கருமுத்து கண்ணனும், கோவில் துாய்மையில, கண்ணும், கருத்துமா இருக்கார்... கோவில்ல, போதுமான துப்புரவு ஊழியர்கள் இல்லாததால, தன் இன்ஜினியரிங் கல்லுாரியில இருந்து, 20 ஊழியர்களை கோவிலுக்கு நியமிச்சு, தினமும் துப்பரவு பணிகள் நடக்குது... இதனால, கோவில் வளாகமே பளிச்சுன்னு இருக்குதுங்க...'' என்றார் அந்தோணிசாமி.''சந்தடி சாக்குல, 33 லட்சம் ரூபாயை அமுக்க பார்த்தாருல்லா...'' என, கடைசி விஷயத்திற்கு வந்தார், பெரியசாமி அண்ணாச்சி.''யார் ஓய் அது...'' எனக் கேட்டார், குப்பண்ணா.''ஓட்டுப்பதிவுக்கு முதல் நாள், விருதுநகர் மாவட்டம், சாத்துார்ல, அ.ம.மு.க., வேட்பாளர் சுப்பிரமணியன் ஆபீஸ்ல இருந்து, 43 லட்சம் ரூபாயை, தேர்தல் பறக்கும் படையினர் கைப்பத்தினாங்கல்லா... ''அப்ப, முதல்ல, 10 லட்சம் சிக்குனதாகவும், அப்புறமா, சுப்பிரமணியன் தோட்டத்துல, 33 லட்சம் ரூபாய் சிக்குனதாகவும் செய்தி வந்துச்சுல்லா வே...''ஆனா, முதல் சோதனையிலயே, 43 லட்சம் சிக்கிட்டாம்... ஆனா, பறக்கும் படைக்கு, 'தலை'யா இருந்த அதிகாரி, 33 லட்சத்தை, தன் ஜீப்புல பதுக்கிட்டு, 10 லட்சம் தான்னு கணக்கு சொல்லிட்டாரு வே...''பறிகொடுத்த சுப்பிரமணியன் தரப்பு அதிர்ச்சியாகி, பத்திரிகையாளர்களுக்கு போனை போட்டு, 'பிடிச்சதை குறைச்சு சொல்லுதாங்க'ன்னு, 'போட்டு' குடுத்துட்டு... விஷயம் வில்லங்கமாகிடும்னு பயந்த அதிகாரி, மறுபடியும் சோதனை போடுற மாதிரி நடிச்சு, 33 லட்சத்தையும் கணக்குல கொண்டு வந்திருக்காரு வே...'' என்றார் அண்ணாச்சி.''நம்ம சுந்தரமூர்த்தி, புதுசா, பி.எம்.டபிள்யூ., பைக் வாங்கிட்டாரு தெரியுமா பா...'' என்றபடியே அன்வர்பாய் எழ, பேசியபடியே நண்பர்கள் நடையை கட்டினர்.

Advertisement

இதையும் தவறாமல் படிங்க ...



வாசகர் கருத்து (1)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
A R J U N - ,இந்தியா
26-ஏப்-201911:41:46 IST Report Abuse
A R J U N ....33 லட்சத்தை பதுக்கிய பறக்கும் படை அதிகாரி'...படா ஆளுங்க தனி படை,பறக்கும் படை,அதிரடி..எல்லாமே ஊழல் தானா..
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை


We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X