'டவுட்' தனபாலு | டீ கடை பெஞ்ச் | பக்கவாத்தியம்| டவுட் தனபாலு | அறிவியல் மலர்

'டவுட்' தனபாலு

பதிவு செய்த நாள் : மே 28, 2022 | கருத்துகள் (1) | |
Advertisement
'டவுட்' தனபாலு

மதச்சார்பற்ற ஜனதா தளம் கட்சியைச் சேர்ந்த, கர்நாடக முன்னாள் முதல்வர் குமாரசாமி: நாங்கள் அளிக்கும் அனைத்து வாக்குறுதிகளையும் நிறைவேற்ற, ஐந்து ஆண்டுகள் ஆட்சி வேண்டும். இதற்கு, கடவுள் மற்றும் மக்கள் ஆசீர்வாதம் வேண்டும். சொந்த பலத்தில் ஆட்சிக்கு வந்து, ஐந்து ஆண்டுகளில் திட்டங்களை முடிக்காவிட்டால், ம.ஜ.த.,வை கலைப்போம்.



டவுட் தனபாலு: இப்பவே, உங்க கட்சியில இருக்கிற பல முன்னணி தலைவர்கள், காங்கிரஸ், பா.ஜ.,வை நோக்கி, வண்டியை தட்டிட்டு தான் இருக்காங்க... கட்சியை கலைக்க நீங்க பெரிசா சிரமப்பட வேண்டியிருக்காது என்பதில், 'டவுட்'டே இல்லை!



மக்கள் நீதி மய்யம் கட்சியின் துணைத் தலைவர் மவுரியா: தலைமை நிலைய செயலர் சரத்பாபு கட்சி கட்டுப்பாட்டை மீறியும், கட்சிக்கு அவப்பெயர் ஏற்படும் வகையிலும் செயல்பட்டு வந்தார். இதனால், தலைவரின் ஒப்புதலுடன், மாநில செயலர் உள்ளிட்ட அனைத்து பொறுப்புகளில் இருந்தும், அடிப்படை உறுப்பினர் பொறுப்பில் இருந்தும் நிரந்தரமாக நீக்கப்படுகிறார். கட்சியினர் அவருடன் எந்தவிதமான தொடர்பும் வைத்துக் கொள்ள வேண்டாம்.



டவுட் தனபாலு: சரத்பாபுவுடன் தொடர்பு வச்சிருந்தா, அவங்களையும் நீக்கிடுவீங்களா...? வெளியில போக துடிச்சிட்டு இருக்கிற இன்னும் பலர், இதையே சாக்கா எடுத்துக்கிட்டு, அவரை தேடி போய் பார்க்காம இருப்பாங்களான்னு, 'டவுட்' எழுது!



வருவாய் துறை அமைச்சர் சாத்துார் ராமச்சந்திரன்: பொதுமக்களுக்கு தேவையான அனைத்து சேவைகளையும், அரசுடன் ஒன்றிணைந்து செயல்படுத்தி வருவது வருவாய்த் துறை. கலெக்டர்கள், தங்கள் மாவட்டங்களில் உள்ள தாலுகா அலுவலகங்களுக்கு செல்ல வேண்டும். பொதுமக்களுக்கு வழங்கப்படும் சேவைகளை நேரடி தணிக்கை செய்ய வேண்டும். அலுவலர்களுக்கு உரிய அறிவுரை வழங்க வேண்டும்.



டவுட் தனபாலு: இந்த துறைக்கு உங்களை அமைச்சராக்கி ஒரு வருஷம் முடிஞ்சிடுச்சு... இவ்வளவு நாளா சும்மா இருந்துட்டு, கிண்டி தாலுகா ஆபீஸ்ல முதல்வர் ஆய்வு செஞ்சதும், இந்த உத்தரவை போட்டிருக்கீங்களே... ராஜ கண்ணப்பன் மாதிரி, 'டிமோஷன்' ஆகிடக் கூடாதுங்கிற முன்னெச்சரிக்கையோன்னு, 'டவுட்' எழுது!


Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X