90 செ.மீ., உயரம் கொண்ட மாடு வளர்த்தால் பணம்! | Special Articles | Special Reports | Special Interest News | News Comment | Science News | TV Shows news | General News

90 செ.மீ., உயரம் கொண்ட மாடு வளர்த்தால் பணம்!

பதிவு செய்த நாள் : ஜன 28, 2022 | கருத்துகள் (2)
Advertisement
 90 செ.மீ., உயரம் கொண்ட மாடு  வளர்த்தால் பணம்!

மலநாடு கிட்டா ஆராய்ச்சி மற்றும் தகவல் மைய தலைவர், பேராசிரியை ஜெயஸ்ரீ: உரத்துக்காகத் தான் நம் முன்னோர் மாடுகளை வளர்த்து இருக்கின்றனர். அதன் பின் தான் உழவு, போக்குவரத்து, பால், எண்ணெய் என்று விரிந்திருக்கிறது. மாட்டினங்களில் மிகவும் அழகானவை மலநாடு கிட்டா. மேற்கு தொடர்ச்சி மலையின் ஒரு பகுதியான மலநாட்டில் இந்த மாடுகள் தோன்றியதால், அந்தப் பெயரே நிலைத்து விட்டது. 'கிட்டா' என்பது குட்டை, குள்ளம் என்று பொருள்!தோற்றத்துக்கு ஏற்ற கச்சிதமான எடை கொண்டது மலநாடு கிட்டா. மான்களைப் போன்று மலைப்பகுதிகளில் வேலிகளை தாண்டி, குதித்து ஓடும் தன்மை பெற்றவை. இதன் உயரமே ௯௦ செ.மீ., தான். உருவில் பெரிதான வெள்ளாடு அளவுக்கு தான் இது இருக்கும்.மலநாடு அதிக மழையும், அதிக குளிரும், அதிக வெயிலும் அடிக்கும் பகுதி. இந்த மூன்றையும் எதிர்கொண்டு வாழும் திறன் கொண்டதால், மலநாடு கிட்டாவை மாநிலங்களில் எங்கு வேண்டுமென்றாலும் தாராளமாக வளர்க்கலாம்.நாட்டு மாட்டு சாணத்தில் நுண்ணுயிரிகள் நிறைய இருக்கின்றன. வீட்டுத் தோட்ட செடிகளுக்கு இதைப் பயன்படுத்தும் போது, செடிகளின் வளர்ச்சி சிறப்பாக இருக்கும். வீட்டுத் தோட்டத்தில் செடி முளைக்கவில்லை என்று வருத்தப்படுபவர்கள், ஒருமுறை நாட்டு மாட்டுச்சாணத்தை முயற்சி செய்து பார்க்கலாம்.நாட்டு மாட்டுச் சாணத்தை கொண்டு தயாரிக்கப்படும் ஜீவாமிர்தம், பஞ்சகவ்யா, பீஜாமிர்தம் அதிக மகசூல் கொடுக்கும் இடுபொருட்களாக இருந்து வருகின்றன. நாட்டு மாட்டுப்பால், 'ஏ௨ மில்க்' என்று வகைப்படுத்தப்பட்டுள்ளது. அதற்கென தனியாக விலையும் கிடைக்கிறது. இதையெல்லாம் விட, சிரமம் இல்லாமல் நெய் தயாரிக்கலாம். கர்நாடாகாவில் கணவன், மனைவி இரண்டு பேர், ௧௦௦ மலநாடு கிட்டா மாடுகளை, பண்ணை முழுதும் திறந்தவெளியில் மேய்க்கின்றனர். தினமும் கன்றுக்குட்டி குடித்தது போக, மீதியுள்ள பாலை காய்ச்சி நெய் தயாரிக்கின்றனர். அதை பாட்டிலில் அடைத்து, வாரந்தோறும் பெங்களூருக்கு கொண்டு சென்று விற்பனை செய்கின்றனர். ஒரு கிலோ நாட்டு மாட்டு நெய், ௨,௦௦௦ ரூபாய். பெரிய அலட்டல் இல்லாமல் சம்பாதித்துக் கொண்டுஇருக்கின்றனர். தென்னிந்தியாவிலிருந்து தான் விபூதி, அர்க் போன்றவை வட மாநிலங்களுக்கு செல்கின்றன. அதேபோன்று நாய்கள், பறவைகள் போன்று செல்லப் பிராணிகள் வளர்ப்பில் நாட்டு மாடும் இணைந்திருக்கிறது; அதையும் விற்பனை வாய்ப்பாக பயன்படுத்தலாம்.

Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X