சிறப்பு பகுதிகள் செய்தி

பேச்சு, பேட்டி, அறிக்கை

பேச்சு, பேட்டி, அறிக்கை

பதிவு செய்த நாள் : டிச 05, 2022 |
Share this
Advertisement
 
 
Advertisement
Advertisement
 
dinamalar-advertisement-tariff-2018
 
Advertisement
 பேச்சு, பேட்டி, அறிக்கை

பா.ஜ., முன்னாள் தேசிய செயலர் ஹெச்.ராஜா பேச்சு: காசியில், காரைக்குடி தமிழர்களுக்கு, 70 ஆண்டுகளாக முதல் மரியாதை உள்ளது. அங்கு எந்த அமைப்பும் எதிர்க்கவில்லை. காசி பனாரஸ் பல்கலையில், தமிழ் இருக்கை உள்ளது. அதுபோல இங்குள்ள பல்கலையில் கவி காளிதாசுக்கு இருக்கை அமைத்து, சமஸ்கிருதம் கற்பித்தால், இங்குள்ளவர்கள் அனுமதிப்பரா? அந்தளவு மொழி வெறுப்பை, 'திராவிட மாடல்' ஆட்சி உருவாக்கி உள்ளது; இதை மாற்ற வேண்டும்.

இவை எல்லாம் மாற தமிழகத்துலயும் பா.ஜ., ஆட்சிக்கு வரணும்... அதுக்கு உங்க கட்சியினர் கடுமையா உழைக்கணும்!

பொள்ளாச்சி அ.தி.மு.க., - எம்.எல்.ஏ., ஜெயராமன் பேச்சு: மின் கட்டணம், சொத்து வரி, குடிநீர் கட்டண உயர்வுகளால் பொதுமக்களும், தொழில் துறையினரும் கடுமையாக பாதிக்கப்பட்டுள்ளனர். விலைவாசி உயர்வால், ஏழை, எளிய மக்கள் கடும் நெருக்கடிக்கு ஆளாகியுள்ளனர். முதல்வர் ஸ்டாலின், ராணுவ பாதுகாப்பு இல்லாமல் வெளியே வர முடியாத அளவுக்கு, மக்கள் கடும் கொந்தளிப்பில் உள்ளனர்.

தமிழகத்தின் பிரதான எதிர்க்கட்சியான, அ.தி.மு.க., உட்கட்சி பிரச்னையில் இருந்து வெளியே வந்து, மாநில நலனுக்காக போராடினால் நல்லா இருக்கும்!

பா.ம.க., தலைவர் அன்புமணி அறிக்கை:
ஆவின் பச்சை பாக்கெட் பால் தட்டுப்பாட்டுக்கு, ஆரஞ்சு பாக்கெட் பால் விலை, 48 ரூபாயிலிருந்து, 60 ரூபாயாக உயர்த்தப்பட்டதே காரணம். ஆவின் நிறுவனம், பச்சை பாக்கெட் பாலை, தட்டுப்பாடின்றி வினியோகிக்காததால், மக்களுக்கு பாதிப்பு ஏற்பட்டுள்ளதோடு, தனியார் நிறுவனங்களுக்கு லாபம் அதிகரித்துள்ளது. எனவே, பச்சை பாக்கெட் பால் வினியோகத்தை, 20 சதவீதம் அதிகரிக்க வேண்டும்.

ஒரு பொருளுக்கு தட்டுப்பாடு வருதுன்னா, விலையை ஏத்த போறாங்கன்னு அர்த்தம்!

மக்கள் நீதி மய்யம் கட்சி அறிக்கை:
மாற்றுத் திறனாளிகளின் உரிமைகள், சலுகைகளைத் தட்டிப் பறிக்காமல், அனைவருக்கும் பிரத்யேக அடையாள அட்டை, உதவித் தொகை, இலவசக் கல்வி, வேலைவாய்ப்பு, சமூகப் பாதுகாப்பு, சம உரிமையுடன் வாழ்வதற்கு ஏற்றச் சூழலை உருவாக்குதல் என, அவர்களது தேவைகளைப் பூர்த்தி செய்வது மத்திய, மாநில அரசுகளின் கடமைஆகும்.

எல்லாம் சரி... மக்கள் நீதி மய்யம், அவங்களுக்காக என்ன செய்யுது?


விடுதலை சிறுத்தைகள் கட்சி தலைவர் திருமாவளவன்: தற்போது கோவில் கட்டுவது, ஒரு வியாபாரமாக உள்ளது. தெரு முனையில் ஒரு கோவிலை கட்டினால், 10 ஆண்டுகளில் நீங்கள் பெரிய ஆளாகி விடலாம். கோவில் கட்டுவது என்பது கடவுள் நம்பிக்கையால் அல்ல; சிறந்த,
'பிசினஸ்!'


பிராந்திய அளவுல குட்டி குட்டி கட்சிகளை நடத்தி, பெரிய கட்சிகளிடம் பேரம் பேசி, பொழப்பை ஓட்டுறதும் ஒரு தொழிலா ஓடிட்டு இருப்பது, திருமாவுக்கு தெரியாதோ?

புதிய செய்திகளுக்கு தினமலர் சேனலை Subscribe செய்யுங்கள்
Advertisement

இதையும் தவறாமல் படிங்க ...



வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை


We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X