நவீன தொழில்நுட்பம்
Advertisement
 
 
 
Advertisement
dinamalar-advertisement-tariff-2018
 
Advertisement
 
எழுத்தின் அளவு:
Advertisement

பதிவு செய்த நாள்

22 ஆக
2012
00:00

மாடுகளில் மலட்டுத்தன்மை:



மாடுகள் தற்காலிகமாக சினைபிடிக்காத நிலையே மலட்டுத் தன்மையாகும். அதாவது ஒரு மாட்டிலிருந்து ஒரு வருடத்திற்கு ஒரு கன்று பெற முடியாத நிலையாகும். மலட்டுத் தன்மையை ஏற்படுத்தும் காரணிகளில் மாடுகளக்கு கருவூட்டல் செய்யப்படும் தருணம் முக்கிய மானதாகும். சினைப்பருவ அறிகுறிகள் தென்பட்ட 6 முதல் 8 மணி நேரத்திற்கு பிறகு சினைக்குச் சேர்க்க வேண்டும். பொதுவாக மாடுகள் சினை தருணத்தை 8 முதல் 24 மணி நேரம் அளவிற்கு வெளிப்படுத்தும். மாடுகளில் காலையில் சினைப்பருவ அறிகுறிகள் தென்பட்டால் மாலை வேளையிலும் மாலையில் சினைப்பருவ அறிகுறிகள் தென்பட்டால் காலை வேளையிலும் சினைக்குச் சேர்க்க வேண்டும்.
மாடுகளை பொலி காளைகளுக்குச் சேர்ப்பதைவிட செயற்கை முறையில் கருவூட்டல் செய்வதே சிறந்ததாகும். செயற்கை முறை கருவூட்டலில் நன்கு சுத்திகரிக்கப்பட்ட உறைவிந்து குச்சிகளை உபயோகப்படுத்துவதால் நோய் பரவும் விதம் தடுக்கப்படுவதுடன் மாடுகளில் கருத்தரிக்கும் திறனும் அதிகரிக்கிறது. செயற்கை முறை கருவூட்டல் செய்ய சந்தர்ப்பம் இல்லை எனில் நல்ல தரமுடைய நோயற்ற பொலிகாளைகளுடன் சினைக்குச் சேர்க்கலாம்.
ஊமைச்சினை அல்லது பொயச்சினை மூலமும் மாடுகளில் மலட்டுத்தன்மை ஏற்பட வாய்ப்புள்ளது. இந்த வகை மாடுகள் சினைப்பருவ அறிகுறிகள் எதையும் வெளிப்படுத்தாது. ஆனால் ஆசன வாயைப் பரிசோதனை செய்து பார்த்தால் மாடுகள் சினைப்பருவத்தில் இருப்பது தெரியும்.
மாடுகளை சினைக்குச் சேர்க்க மருத்துமனைக்கு அழைத்துவரும் பொழுதும் சினைக்கு சேர்த்தபிறகு அழைத்துச் செல்லும்போதும் அடித்து வேகமாக ஓட்டிச்செல்லக்கூடாது. சினைக்குச் சேர்த்தபிறகு மாடுகளை 10 முதல் 15 நிமிடமாவது கட்டி வைத்து பிறகு அழைத்துச்செல்ல வேண்டும். சில மாடுகளை கன்று ஈன்ற பிறகு பல மாதங்களுக்குப் பிறகு சினையூட்டல் செய்கிறார்கள். ஏனெனில் உடனடியாக மாடுகள் சினைப்பட்டால் பால் உற்பத்தி குறைந்துவிடும் என்று நினைத்துக்கொள்கிறார்கள். ஆனால் இது முற்றிலும் தவறு. ஏனெனில் கன்று ஈன்ற 60 முதல் 90 நாட்களுக்குள் மாடுகள் வெளிப்படுத்தும். சினைப்பருவத்தில் சினைக்குச் சேர்க்கவில்லை எனில் மாடுகளில் சினைபிடிக்கும் தன்மை குறைந்துவிடுவதுடன் வருடம் ஒரு கன்று பெற முடியாத நிலை ஏற்பட்டு தேவையற்ற தீவனம் மற்றும் பராமரிப்புச் செலவுகளால் பெருத்த நஷ்டம் ஏற்பட வாய்ப்பு உண்டு. இவற்றைத் தவிர்க்க மாடுகளை குறித்த நேரத்தில் சினைக்குச் சேர்க்க வேண்டும்.
பொதுவாக கிடாரிக் கன்றுகளை சினைக்குச் சேர்க்கும்போது அதனுடைய வயது, உடல் எடை, கருப்பையின் வளர்ச்சியை கவனத்தில் கொள்ள வேண்டும். பசுக்கன்றுகளாக இருந்தால் ஒன்றரை வயதிலும் எருமைக் கன்றுகளாக இருந்தால் 3 வயதிலும் சினைக்குச் சேர்க்க வேண்டும். கன்றின் உடல் எடையும் உருவமும் தாயைப்போல் மூன்றில் இரண்டு மடங்கு இருக்க வேண்டும். கருப்பை வளர்ச்சி நன்றாக இருக்க வேண்டும்.
வைட்டமின்கள் கால்நடைகளில் சினைப் பருவத்தில் மிக முக்கியமான பங்கு வகிக்கின்றன. அதாவது கருப்பையில் உள்ள எபித்தீலிய செல்களைப் புதுப்பித்துக்கொள்ள இந்த வைட்டமின்கள் மிகவும் அவசியமாகும். எனவே வைட்டமின்கள் பற்றாக்குறை ஏற்படும்பொழுது மாடுகளில் சினைபிடிக்கும் தன்மை குறைவதுடன் மலட்டுத் தன்மை, ஆரம்பகால கருச்சிதைவு போன்றவைகளும் நடைபெறும். அதேபோல் பசுந்தீவனம் மட்டும் அளிக்கப்படும் பகுதிகளில் பாஸ்பரஸ் தாது உப்பின் பற்றாக்குறை ஏற்பட்டு மலட்டத்துன்மை ஏற்பட வாய்ப்புகள் உள்ளன. மாடுகள் சினைபிடிப்பதில் தாது உப்புக்கள் மற்றும் வைட்டமின்கள் முக்கிய பங்கு வகிக்கின்றன.
நமது நாட்டைப் பொறுத்தமட்டில் மலட்டுத் தன்மையை ஏற்படுத்துவதில் தீவனப் பற்றாக் குறையே முக்கிய பங்கு வகிக்கின்றன. தீவனப் பற்றாக்குறையால் ஏற்படும் மலட்டுத் தன்மையை ஒரு குறிப்பிட்ட ஊட்டச்சத்து குறைபாட்டால் ஏற்படுகின்றன என்று அறுதியிட்டுக் கூற முடியாது.
சமச்சீர் தீவனம் அளிப்பதன் மூலம் தீவனப் பற்றாக்குறையால் ஏற்படும் மலட்டுத் தன்மையை சரிசெய்ய முடியும். (தகவல்: ம.பழனிச்சாமி, ச.மனோகரன், மா.செல்வராஜு, கா.ரவிக்குமார், வை.பிரபாகரன், ரா.எசகியால் நெப்போலியன், கால்நடை இனப்பெருக்கம் மற்றும் ஈனியல் துறை, கால்நடை மருத்துவக்கல்லூரி மற்றும் ஆராய்ச்சி நிலையம், நாமக்கல்-637 002)
-டாக்டர் கு.சௌந்தரபாண்டியன்

Advertisement

 



Advertisement
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X