"டான்சிலால் பற்களுக்கு பாதிப்பு வருமா'
Advertisement
 
 
 
Advertisement
Advertisement
dinamalar-advertisement-tariff-2018
 
Advertisement
 
எழுத்தின் அளவு:

பதிவு செய்த நாள்

17 மார்
2013
00:00

இரண்டு ஆண்டுக்கு முன் எனக்கு பல் எடுக்கப்பட்டது. கழற்றி மாட்டும் பல் செட் போட விருப்பம் இல்லை. டென்டல் இம்ப்ளான்ட் மூலம் பற்கள் கட்டலாமா? இச்சிகிச்சை முறை பற்றி கூறுங்களேன்?

கழற்றி மாட்டும் பல்செட்டுகள் முதலில் நன்றாக இருந்தாலும், அவை தாடை எலும்புகள் தேய்வதை தவிர்ப்பதில்லை. பல் இல்லாத இடங்களில் எலும்பு தேய்ந்து, நாளடைவில் பல்செட்கள் போடுவதும் கடினமாகிவிடும். அதோடு நிலையான பல் கட்டும் வேறு சிகிச்சை முறைகளும் செய்ய முடியாமல் போய்விடும். இதை தவிர்ப்பதற்கு டென்டல் இம்ப்ளான்ட் முறையே சிறந்த வழி. இதன்மூலம் இயற்கையான பற்களைப் போல பெறலாம். இது டைட்டானியம் எனும் உலோகத்தால் ஆனது. இதனை பல்லின் வேர் இருந்த இடத்தில் வைத்துவிட்டு, அதன்மீது பற்களை பொருத்திவிடலாம். பல் எடுத்தவுடன் அதே இடத்தில் இம்ப்ளான்டுகளை உடனடியாக வைக்கலாம். சில நேரங்களில் பற்களின் சொத்தை காரணமாக, சீழ் இருந்தால், பல்லை எடுத்துவிட்டு, ஒருமாத காலம் பொறுத்து, இம்ப்ளான்ட் வைக்க வேண்டும். பல் எடுத்து ஒரு ஆண்டுக்குள் இம்ப்ளான்ட் வைப்பது நல்லது. இம்முறையில் பல்கட்டும்போது, அருகில் இருக்கும் பற்களை கரைத்து அதனுடன் சேர்த்து பல்கட்டத் தேவையில்லை. பல்கட்டுவதற்காக சொத்தை இல்லாத பற்களை கரைப்பது தவறு. இம்ப்ளான்ட் மூலம் பொருத்தப்படும் பற்கள், நீண்ட காலம் எவ்வித பிரச்னையும் இன்றி இருக்கும், என பல மருத்துவ ஆய்வுகள் நிரூபித்துள்ளன. இன்றைய நவீன சிகிச்சை முறைகளில், இம்ப்ளான்ட்டுகள் மூலம் பல்கட்டுவது அனைவருக்கும் உகந்த சிகிச்சை முறையே.
எனது மகனுக்கு டான்சில்ஸில் வீக்கம் உள்ளது. இத்தொந்தரவால் பற்களில் என்ன பாதிப்பு ஏற்படும்?

டான்சில் என்பது தொண்டைப் பகுதியில் இருக்கும் ஒரு சுரப்பி. இதன் வேலைகளுள் ஒன்று, சுவாசிக்கும் காற்றின் மூலம் உடம்பில் கிருமிகள் புகாமல் தடுப்பது. பொதுவாக சிறுகுழந்தைகளுக்கு டான்சில்களில் பாக்டீரியா அல்லது வைரஸ் போன்ற கிருமிகளால் வலியும் வீக்கமும் உண்டாகும். இதனால் சிலசமயம் எச்சில் விழுங்குவதுகூட கடினமாகிவிடும். வாய் மற்றும் தொண்டை சார்ந்த பகுதியில் இருப்பதால், பற்களுக்கு நேரடியாக இல்லா விட்டாலும், கண்டிப்பாக சில பாதிப்புகளை
உண்டாக்கும். டான்சில் பிரச்னை இருக்கும் சிறுவர்கள் சுவாசிக்க சிரமப்படுவர். இதனால் மூக்கினால் சுவாசிப்பது மாறி, வாயினால் சுவாசிக்க துவங்கி விடுவர். வாயினால் சுவாசிக்கும்போது, வாயும், ஈறுகளும் உலர்ந்து போகும். வாய் உலர்ந்து போனால், பல்சொத்தை மற்றும் ஈறுநோய்கள் வருவது சுலபமாகிவிடும். அதேபோல வாயினால் சுவாசிக்கும் குழந்தைகளின் தாடை வளர்ச்சி சரியாக இருக்காது. பற்களின் சீர்வரிசையும் மாறிவிடும். முன்பற்கள் தொற்று பற்களாக வளரும். முன்பற்களில் ஓப்பன் டைப் எனப்படும் இடைவெளி உருவாகும். இதுபோன்ற பாதிப்புகள் வராமல் தவிர்ப்பதே சிறந்த வழி. டான்சில் தொந்தரவு இருந்தால், உரிய நேரத்தில் சரிசெய்வது உடல், பற்களுக்கு நல்லது.

- டாக்டர் ஜெ.கண்ணபெருமான்,
மதுரை. 94441-54551

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X