காஷ்மீருக்கு ராணுவத்தை அனுப்ப மறுத்தார் நேரு
Advertisement
 
 
 
Advertisement
Advertisement
dinamalar advertisement tariff
 
Advertisement
 
எழுத்தின் அளவு:

பதிவு செய்த நாள்

01 டிச
2013
00:00

நாடு சுதந்திரம் அடைந்திருந்த நேரத்தில், பிரிந்து கிடந்த மாகாணங்களை, உள்துறை அமைச்சர், சர்தார்படேல், இந்தியாவுடன் இணைக்க முயற்சி செய்த வேளையில் ஐதராபாத் நிஜாம் எதிர்ப்பு தெரிவித்து, ஐதராபாத்தை, பாகிஸ்தானுடன் இணைக்க முயற்சித்தார்.
இதை அறிந்த, சர்தார் வல்லபாய் படேல், "ஐதராபாத்திற்கு, ராணுவத்தை அனுப்ப வேண்டும்' எனப் பிரதமர் நேருவிடம் வலியுறுத்திய போது, அதற்கு எதிர்ப்பு தெரிவித்த நேரு, படேலை பார்த்து, நீங்கள், மதவாதத்தின் ஒட்டுமொத்த உருவம் என்று கூறியதாகப் புத்தகம் ஒன்றில் இருந்த தகவலை, பா.ஜ., மூத்த தலைவர், அத்வானி, தன் இணைய பக்கத்தில் எழுதியிருந்தார்.

காஷ்மீர் பிரச்சனை: அதுபோல், இப்போது மேலும் ஒரு கடந்த கால அரசியல் நிகழ்வை, அத்வானி எழுதியுள்ளார். அதில், காஷ்மீர் பிரச்சினையைக் குறிப்பிட்டுள்ளார்.
கடந்த 1947ல், காஷ்மீரை இந்தியாவுடன் இணைத்து, காஷ்மீர் மன்னர் மகாராஜா ஹரி சிங், ஒப்பந்தம் மேற்கொண்டதை எதிர்த்து, பாகிஸ்தான் பழங்குடியின மக்களும், காஷ்மீர் மன்னர் ராணுவத்தில் இருந்த முஸ்லிம் வீரர்களும், மன்னருக்கு எதிராகப் போராட்டத்தில் ஈடுபட்டுள்ளனர்.
அவர்கள் ஒன்றிணைந்து, தாக்குதல் நடத்த புறப்பட்ட தகவலை அறிந்த, மவுண்ட்பேட்டன் பிரபு, அமைச்சரவையைக் கூட்டி விவாதித்துள்ளார். அதில், பிரதமர் நேரு, உள்துறை அமைச்சர், சர்தார் வல்லபாய் படேல், ராணுவத் தளபதி சாம் மானேக் ஷா ஆகியோர் பங்கேற்றுள்ளனர்.
"காஷ்மீருக்கு ராணுவத்தை அனுப்ப வேண்டும்' என, படேல் வலியுறுத்திய போது, அதற்கு மறுப்பு தெரிவித்த நேரு, "இந்த விவகாரத்தை, ஐ.நா.விடம் கொண்டு செல்வோம்' எனக் கூறியுள்ளார். இதற்கக் கடும் கண்டனம் தெரிவித்த படேல், "காஷ்மீர் உங்களுக்கு வேண்டுமா... வேண்டாமா....?' என, நேருவிடம் கேட்டுள்ளார்.

ராணுவத்தை அனுப்புங்கள்: நேரு, "காஷ்மீர் வேண்டும்' எனக் கூறியுள்ளார். படேல், "அப்படியானால் உடனடியாக ராணுவத்தைக் காஷ்மீருக்கு அனுப்புங்கள்' எனக் கூறியுள்ளார். "சரி' என நேரு கூறிய உடனேயே, அருகில் இருந்த ராணுவத் தளபதி சாம் மானேக் ஷாவிடம், "உங்களுக்கு உத்தரவு கிடைத்து விட்டது. படைகளைத் தயார்ப்படுத்திக் காஷ்மீர் சென்று, பாகிஸ்தான் குழுக்களை வீழ்த்துங்கள்' எனப் படேல் கூறியுள்ளார்.
அடுத்த சில மணி நேரத்தில் விமானங்களில் சென்ற நம் வீரர்கள், காஷ்மீரில் இறங்கி, தாக்க வந்த அந்நியப் படைகளை அடித்துத் துரத்தியுள்ளனர்.
இந்தத் தகவலை, சாம் மானேக் ஷா, பிரேம் சங்கர் ஜா என்ற பத்திரிகையாளரிடம் தெரவித்ததாக, அந்தப் பத்திரிகையாளர் கூறிய தகவலை, அத்வானி, தன் இணைய பக்கத்தில் எழுதியுள்ளார்.

குஜராத்தில் படேலுக்குச் சிலை: * சர்தார் படேலின் சிலை. உலகில் உள்ள சிலைகளிலேயே மிக உயரமான சிலையாக 182 மீட்டர் உயரத்தில் அமைக்கப்படவுள்ளது.
* தற்போது உலகின் மிக உயரமான சிலையாகக் கருதப்படும் சீனாவில் உள்ள புத்தர் சிலை 153 மீட்டர் உயரமுள்ளது.
* சர்தார் படேல் நடந்து செல்வது போன்ற தோற்றத்தில் இந்தச் சிலை அமைக்கப்படவுள்ளது.
* இரும்பால் வடிவமைக்கப்பட்டாலும் சிலையின் புறத்தோற்றம் உயர்தர வெண்கலத்தில் அமைக்கப்படும்.
* சிலையைப் பார்ப்பதற்காக அதன் உட்பகுதியில் உலகின் மிக உயரமான லிஃப்ட் அமைக்கப்படவுள்ளது.
* சுற்றுலாப் பயணிகளும், பொதுமக்களும், சிலையை அருகில் சென்று பார்ப்பதற்கும், சிலையைச் சுற்றியுள்ள பகுதிகளில் உள்ள இயற்கை வளங்களை ரசிப்பதற்கும் 200 பேர் நின்று பார்க்கக்கூடிய வகையிலான் கண்காணிப்பு கூண்டு அமைக்கப்படும்.
* நர்மதை ஆற்றில் 3.5 கி.மீ. தூரம் படகில் பயணித்துத் தான் சிலை இருக்கும் தீவுக்குச் செல்ல முடியும்.
* சிலையை அமைப்பதற்காக 2603 கோடி ரூபாய் செலவிட முடிவு செய்யப்பட்டுள்ளது. சிலை வடிவமைப்புப் பணி, நான்கு ஆண்டுகளில் முடிக்கப்படும்.

- தி. கோவிந்தராஜன்

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X