'ஸ்டென்ட்' பொருத்தப்பட்டவர்களுக்கு மருந்து அவசியமா?
Advertisement
 
 
 
Advertisement
dinamalar-advertisement-tariff-2018
 
Advertisement
 
எழுத்தின் அளவு:

பதிவு செய்த நாள்

05 ஜன
2014
00:00

'ஸ்டென்ட்' சிகிச்சை செய்தவர்களுக்கு மருந்து, மாத்திரை தான் அத்தியாவசியமானது. கொடுக்கப்பட்ட மருந்துகளை, அவசியம் எடுத்தாக வேண்டும். நீங்களாக மருந்தை நிறுத்தக் கூடாது

பி.முருகேசன், சிவகங்கை: நான் உயர் ரத்தஅழுத்தத்திற்காக, டெல்மிசார்டான் 40 மி.கி., அம்லோடிபின், 5 மி.கி., என்ற மருந்துகளை தொடர்ந்து எடுத்து வருகிறேன். தற்போது, ரத்தஅழுத்தம் 160/90 என்ற அளவில் உள்ளது. இம்மருந்துகளை தொடரலாமா?
நீங்கள், உயர் ரத்தஅழுத்தத்திற்கு எடுக்கும், இரண்டு மருந்துகளுமே, மிகச் சிறந்தவை. டெல்மிசார்டான் என்பது, A.R.D., வகை சார்ந்த மருந்து. அம்லோடிபின் என்பது, 'கால்சியம் பிளாக்கர்' வகையைச் சேர்ந்தது. இந்த, இரு மருந்துகளையும், சேர்த்து எடுக்கும் போது, நம் உடலுக்கு, பல வகைகளில் பலனளிக்கிறது. ஆனால், உங்களுக்கு, இவ்விரு மருந்துகளை எடுத்தும், ரத்தஅழுத்தம் கட்டுப்பாட்டில் இல்லை. எனவே, உங்களுக்கு மூன்றாவதாக ஒரு மருந்து, அவசியம் தேவைப்படும்.
நீங்கள், உங்கள் டாக்டரை சந்தித்து, உயர் ரத்தஅழுத்த மருந்துகளை, அவசியம் மாற்றி அமைத்தாக வேண்டும். நம் நாட்டில், ரத்தக் கொதிப்பு உள்ள பெரும்பாலோர், தங்களுக்கு அந்த வியாதி உள்ளது என்பதையே, அறியாதவர்களாக உள்ளனர். இந்த வியாதி உள்ள பலர், தங்களுக்கு, வியாதி உள்ளது எனத் தெரிந்தும், மருந்து எடுத்துக் கொள்வது இல்லை. மருந்து எடுத்துக் கொள்ளும் பலருக்கு, உங்களைப் போல ரத்த அழுத்தம், கட்டுப்பாட்டில் இருப்பது இல்லை. எனவே, உயர் ரத்த அழுத்தம் உள்ள பெரும்பாலோருக்கு, பல்வேறு காரணங்களால், ரத்த அழுத்தம், கட்டுப்பாட்டில் இருப்பதில்லை. ஒருவர், எந்த வயதிலும், எந்தத் தருணத்திலும், ரத்த அழுத்தத்தின் அளவை, 140/90 க்குக் கீழ் வைத்திருந்தால் தான், உடல் உள்ளுறுப்புகள், குறிப்பாக, கண், மூளை, நரம்புகள், சிறுநீரகங்கள், இதயம், ரத்த நாளங்களை பாதுகாக்க முடியும்.

ஈ.செல்வம், தேனி: என் வயது, 39. சமீபத்தில், காய்ச்சலுக்காக, டாக்டரிடம் சென்ற போது, சர்க்கரை அளவு, 395 மில்லி கிராம் இருப்பதாக, தெரிய வந்துள்ளது. நான் என்ன செய்ய வேண்டும்?
சர்க்கரை நோயாளிகளுக்கு, சர்க்கரையின் அளவு, திடீரெனத் தான் வெளிப்படும். உடனடியாக, உங்கள் வாழ்க்கை முறையை, மாற்றி அமைத்தாக வேண்டும்.
குறிப்பாக காபி, டீயை சர்க்கரை இன்றி குடிப்பது, அரிசி உணவை தவிர்ப்பது, நொறுக்குத் தீனிகளை (ஸ்நாக்ஸ்) தவிர்ப்பது முக்கியம்.
உடல் எடையை, உயரத்திற்கேற்ப சரியாக வைத்துக் கொள்வது, தினசரி நடைப்பயிற்சி மேற்கொள்வது, அத்தியாவசியமானது. இந்தளவு, அதிகமாக சர்க்கரை இருந்தால், மருந்துகளும், தேவைப்படின், இன்சுலின் ஊசியையும் துவங்க வேண்டும். ரத்தத்தில், சர்க்கரையின் அளவு, வெறும் வயிற்றில், 100 மி.கி.,க்கு கீழும், சாப்பிட்டு, 2 மணி நேரத்திற்குப் பின், 140 மி.கி.,க்கு கீழும் இருக்கும் வகையில், பராமரித்துக் கொள்ள வேண்டும்.

எஸ். ராபர்ட், விருதுநகர்: எனக்கு, சென்னையில், பிரபலமான ஒரு மருத்துவமனையில், 2 மாதங்களுக்கு முன், 2 'ஸ்டென்டு'கள் பொருத்தப்பட்டன. தற்போது, நான், 18 வகை மருந்துகளை எடுத்து வருகிறேன். இதனால், என் வயிற்றில், எரிச்சல் இருப்பதாக உணர்கிறேன். நான் என்ன செய்வது?
'ஸ்டென்ட்' சிகிச்சை செய்தவர்களுக்கு மருந்து, மாத்திரை தான் அத்தியாவசியமானது. வேளை தவறாமல், கொடுக்கப்பட்ட மருந்துகளை, அவசியம் எடுத்தாக வேண்டும். நீங்களாக மருந்தை நிறுத்தக் கூடாது. மருந்துகளை நிறுத்தினால், 'ஸ்டென்ட்' மூடிக் கொள்ளும் வாய்ப்பு உள்ளது. 'ஸ்டென்ட்' பொருத்தப்பட்டவர், பொதுவாக, சக்திவாய்ந்த மருந்துகளை, ஒரு ஆண்டுக்கும், அதன்பின், மருந்துகளை நன்கு குறைத்து, வாழ்நாள் முழுவதும், எடுக்க வேண்டியது வரும்.
இருப்பினும், உங்களுக்கு வயிற்றில் எரிச்சல் போல ஏற்பட்டால், மருந்தின் அளவை குறைத்து, வயிற்றுக்கு இதமாக இருக்கும்படி, மருந்துகளை மாற்றி அமைக்கவும் முடியும். ஆதலால், மருந்துகளை நீங்களாக நிறுத்தி விடாதீர்கள்.
டாக்டர் சி.விவேக்போஸ்,
மதுரை.

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X