மல்பெரி செடி விளைச்சலில் பட்டுப்புழு வளர்ப்பு
Advertisement
 
 
 
Advertisement
dinamalar-advertisement-tariff-2018
 
Advertisement
 
எழுத்தின் அளவு:

பதிவு செய்த நாள்

05 நவ
2014
00:00

ஒரே கல்லில் இரண்டு மாங்காய், என்பது போல, சிவகங்கை அருகே விவசாயி ஒருவர், விவசாய பயிர்களுடன், துணை தொழிலாக பட்டுப்புழு வளர்ப்பிலும் ஆர்வம் காட்டி வருகிறார்.
சிவகங்கை ஒக்கூரை சேர்ந்தவர் விவசாயி எஸ்.ராமநாதன்,70. இவரது நிலத்தில் கரும்பு, நெல் நடவு செய்துள்ளதோடு, பழத்தோட்ட பண்ணை நடத்துகிறார். குறிப்பாக மல்பெரி செடி வளர்த்து, அதற்கு துணை தொழிலாக பட்டுப்புழு வளர்க்கும் பணியிலும் ஆர்வமுடன் ஈடுபட்டுள்ளார்.
விவசாயி எஸ்.ராமநாதன் கூறியதாவது:
எட்டு ஆண்டுகளாக 3 ஏக்கரில் மல்பெரி செடி வளர்த்து வருகிறேன். மல்பெரி செடியை, பட்டுப்புழுக்களின் வளர்ச்சிக்காக அறுவடை செய்து, பட்டுக்கூடு உற்பத்தி செய்யும் துணை தொழிலையும் செய்து வருகிறேன்.
ஏக்கருக்கு மல்பெரி செடி நடவு செய்ய, ரூ.12 ஆயிரம் வரை செலவாகும். இதற்கு பட்டு வளர்ச்சித்துறையினர், ரூ.10,500 வரை மானியமாக வழங்குகின்றனர். குறைந்தது 1 முதல் அதிகபட்சம் 5 ஏக்கர் வரை மல்பெரி செடி வளர்க்க மானியம் வழங்கப்படுகிறது. ஒரு முறை மல்பெரி செடியை நடவு செய்யவேண்டும். தொடர்ந்து 6 மாதங்களுக்கு நல்ல தண்ணீர் விட்டு, உரங்கள் இட்டு பராமரிக்க வேண்டும். அதற்கு பின், நன்கு வளர்ந்த மல்பெரி செடி இலைகளை, 65 முதல் 90 நாட்களுக்கு ஒரு முறை எடுக்க வேண்டும்.
துணை தொழில்: இந்த செடிகளை எனது நிலத்தில் ஏற்படுத்தியுள்ள பட்டுப்புழு வளர்ப்பு குடோனில் வளரும் புழுக்களுக்கு உணவாக வழங்குவேன். இதன் மூலம், பட்டுப்புழுக்கள் வளர்ந்து, பட்டு நூல் கூடு தயாராகும். இந்த கூட்டினை, பட்டு வளர்ச்சித்துறையினர் எடுத்து சென்று, பட்டு நூல் தயாரிக்க பயன்படுத்துவர். இரண்டு ஏக்கரில் நடவு செய்த, மல்பெரி செடி மூலம் கிடைத்த இலையை போட்டு, பட்டு புழு வளர்த்தால், முட்டை வைத்ததில் இருந்து 23 நாட்கள் கழித்து, 160 கிலோ பட்டுக்கூடு கிடைக்கும். சாதாரணமாகவே, பட்டுக்கூட்டின் விலை கிலோ ரூ.300 வரை விற்கிறது. 2 ஏக்கரில் கிடைக்கும் மல்பெரி செடியின் மூலம், பட்டுக்கூடு வளர்த்து விற்பனை செய்தால் செலவு போக மாதம் ரூ.28 ஆயிரம் கிடைக்கும்.
மானியம்: பட்டுப்புழு வளர்ப்பு ஷெட்டை 1,500 சதுரடியில் அமைக்க, பட்டுவளர்ச்சித்துறை ரூ.75 ஆயிரம், தளவாட சாமானுக்கு ரூ.35 ஆயிரம் மானியம் வழங்குகிறது. இது தவிர மைசூருவில் இருந்து பட்டுப்புழு முட்டை வாங்கி வர போக்குவரத்து செலவு தொகையாக 50 சதவீதமும் வழங்குகிறது.
ஒட்டு மொத்தத்தில் மல்பெரி செடி வளர்த்து பட்டுப்புழு வளர்ப்பிற்கான ஒட்டு மொத்த செலவில், 20 சதவீதத்தை மட்டுமே விவசாயிகள் செலவழிக்கவேண்டும், என்றார்.
ஆலோசனை பெற 94430 14354ல் தொடர்பு கொள்ளலாம்.
-வெங்கடேசன், சிவகங்கை

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X