தித்திக்குமா திமிரு? - அபிலாஷா, மனநல மருத்துவர்
Advertisement
 
 
 
Advertisement
Advertisement
dinamalar-advertisement-tariff-2018
 
Advertisement
 
எழுத்தின் அளவு:

பதிவு செய்த நாள்

12 நவ
2014
00:00

அழகான ஒரு குழந்தை. அதோட கையில ஒரு சாக்லேட். கிட்ட போய், குழந்தையை கொஞ்சிட்டு, 'சாக்லேட் கொடும்மா'ன்னு கேட்டுப் பாருங்க. கையை 'படக்'குன்னு இழுத்துக்கும். இதுதான் திமிர். அழகான திமிர். இந்த திமிரோட அழகுக்கு காரணம்... அந்த குழந்தைகிட்டே, எந்த எதிர்பார்ப்பும் கிடையாது. 'என் பொருள் எனக்கு வேணும்'ங்கற எண்ணம் மட்டும்தான் இருக்கும். ஒரு விஷயத்தை விட்டுக் கொடுக்கறதனால, தனக்கு என்ன ஆதாயம்னு எந்த குழந்தையும் யோசிக்கிறதில்லை. இந்த இடத்துலதான், தன்மானமும், சுயமரியாதை குணமும் வளரும். ஆனா, குழந்தை வளர, வளர, தன்னோட சுயநலத்துக்காக இந்த அழகான திமிரை இழந்துடுது. கூடவே, தன்மானத்தையும், சுயமரியாதையையும்!
திமிர் இரண்டு வகைப்படும். 1. நல்ல திமிர். 2. கெட்ட திமிர்.உடம்புல நல்ல கொழுப்பு, கெட்ட கொழுப்புன்னு இருக்கறது மாதிரி, நல்ல திமிரு, கெட்ட திமிருன்னு இரண்டு இருக்கு. இந்த நல்ல திமிர், நம்ம மேல நமக்கு மரியாதையை ஏற்படுத்தும். இந்த மரியாதை காரணமா, நம்மளோட எண்ணங்களை நாம மதிக்க ஆரம்பிப்போம். அதேநேரத்துல, மத்தவங்களோட கருத்துக்களை அலசிப் பார்ப்போம். இதனால, அடுத்தவங்க நம்ம மேல ஆதிக்கம் செலுத்துற சூழல் வராது. ஒருவேளை, இந்த திமிர் இல்லாம இருந்தா, சுயமா சிந்திக்கிற சக்தி இருக்காது. எதையும் எதிர்க்கிற துணிவு வராது. ஒருகட்டத்துல, நம்ம மேலேயே நமக்கு பரிதாப உணர்ச்சி வந்துடும். இதுதான், மனஉளைச்சலுக்கான ஆரம்பம்.
தலைவன் என்றாலே திமிர் பிடித்தவன்தானாம்!அந்தகாலத்து ராஜாக்கள்ல இருந்து, இந்தகால தலைவர்கள் வரை, அத்தனைபேரும் திமிரானவர்கள்னு சொன்னா, கோபப்படக்கூடாது; யோசிக்கணும். 'ஒரு விஷயம் இப்படித்தான் இருக்கணும்'னு தீர்க்கமா முடிவெடுக்கறவன்தான் தலைவன். ஆனா, அவனுடைய இந்த குணத்தை 'பிடிவாதம்'னு உலகம் சொல்லும். அவனை 'திமிர்பிடிச்சவன்'னு திட்டும். பரவாயில்லை. ஆனா, அவனோட இந்த இயல்பு, அவனை தப்பு பண்ண விடாது. எல்லா விஷயத்துலேயும் ஜாக்கிரதையா செயல்பட வைக்கும். 'அடுத்தவங்க உன்னை பார்த்து குத்தம் சொல்லிடக்கூடாது'ன்னு கவனமா இருக்க சொல்லும். எல்லாத்தையும் விட, தவறுகளை தைரியமா தட்டிக் கேட்கத் தூண்டும். ஆமா... திமிர்தான் தைரியத்தை கொடுக்கும். அந்த தைரியம்தான் ஒரு மனுஷனை தலைவனாக்கும்.'எல்லார் மாதிரியும் ஏன் இருக்கணும்?'ங்கற கேள்வியை மனசுல விதைச்சு, ஒரு விஷயத்தை பலகோணத்துல யோசிக்க வைச்சு, ஒரு மனுஷனை கற்பனைவாதியா ஆக்குற இந்த திமிர், தன்னோட எல்லையை தாண்டுறப்போ, கெட்டது பண்ண ஆரம்பிச்சிடுது. சின்னவிஷயம்தான்... 'என்னால முடியும்'னு நல்ல திமிர் நினைக்கும். 'என்னால மட்டும்தான்'னு கெட்ட திமிர் குதிக்கும்.இப்ப சொல்லுங்க...உங்களோட திமிர் தித்திக்குதா?மனநல ஆலோசனைகளுக்கு: 99620 44569

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X