அந்துமணி பதில்கள்
Advertisement
 
 
 
Advertisement
Advertisement
dinamalar-advertisement-tariff-2018
 
Advertisement
 
எழுத்தின் அளவு:

பதிவு செய்த நாள்

14 டிச
2014
00:00

எஸ்.இருதயராஜ், சிவகங்கை: மனம் சோர்வுறும் போது, என்ன புத்தகங்கள் படிக்கலாம்?
ராமகிருஷ்ண பரமஹம்சர் அருளியது... மூன்று தடி தடி வால்யூம்கள்... உங்கள் ஊரில் உள்ள புத்தகக் கடைகளில் கிடைக்கும். தினமும் கொஞ்ச நேரமாவது படித்தால், வாழ்க்கை தத்துவம் புரியும்; எப்படி வாழ வேண்டும் என்று தெரிய வரும்; மன அமைதி நிச்சயம் கிடைக்கும்.

ஜி.திருமலைராஜ், சூளைமேடு: 'சுள் சுள்' என, எதற்கெடுத்தாலும் எனக்கு கோபம் வருகிறதே...
ரத்த சோகையும், நரம்பு தளர்ச்சியும் உங்களுக்கு இருக்க வாய்ப்புண்டு; மருத்துவரை அணுகுவது நல்லது.

டி.அர்ஜுன்,கொடுங்கையூர்: நம்பிக்கையானவர்களிடம் கூட சில நேரங்களில் சந்தேகம் ஏற்படுகிறதே...
நீங்கள், அவரை இன்னும் முழுமையாக அறிந்து, புரிந்து கொள்ளாதது ஒரு காரணமாக இருக்கலாம். உங்கள் நம்பிக்கைக்குரியவரைப் போட்டுக் கொடுத்து, தான் பலனடைய நினைப்பவரின் பேச்சுக்கு நீங்கள் செவிமடுத்தது அடுத்த காரணமாக இருக்கலாம். ஆனால், ஒரு போதும் அவசர முடிவெடுத்து விடாதீர்கள்; தீர ஆராய்ந்து செயல்படுங்கள்!

சி.எஸ்.கண்ணன், பொள்ளாச்சி: சுற்றுலா செல்ல ஆசை; ஆனால், அது வீண் செலவு என்று பிறர் சொல்கின்றனர். என்ன செய்ய?
வீண் செலவே அல்ல; குறுகிய மனப்பான்மையை போக்கி, அறிவை விசாலமாக்கும் தன்மை கொண்டது சுற்றுலா. கோவையும், பொள்ளாச்சியுமே உலகம் என எண்ணிக் கொண்டிருக்கும் பலரும், சுற்றுலாவாக புதிய இடங்களுக்கு செல்லும் போதுதான் வெளியுலகம் தெரிய வரும். இதனால் ஏற்படும் நன்மைகளை, பின்னர் அனுபவபூர்வமாக உணர்வீர்கள்.

என்.ஷ்யாம்சுந்தர், அனுப்பானடி: இயல்பாகவே நகைச்சுவை குணம் பெண்களிடம் அதிகமா, ஆண்களிடம் அதிகமா?
பெண்களைக் காணும் போதும், அவர்களுடன் பேசும் போதும் நகைச்சுவை பொங்கிவிடும் ஆண்களிடம்!

மு.ஜெயந்தன், மாதம்பட்டி: எதிர்காலத்தில், சவுகரியமாக, சந்தோஷமாக வாழ போகிறவர்கள் யார்?
அடுத்தவன் நம்மை மதிக்க வேண்டும், உயர்வாக நினைக்க வேண்டும் என்பதற்காக, ஆடம்பர செலவு செய்யாமல், எளிமையான வாழ்க்கை வாழ்ந்து கொண்டிருப்போர் அனைவரும் சந்தோஷமாக, சவுகரியமாக இருப்பர். செலவை குறைக்க முடியாமல் கடன் வாங்கி செலவு செய்பவர்களின் வாழ்க்கை, கடைசியில் தற்கொலையில் தான் முடியும்!

வி.ராமலிங்கம், விழுப்புரம்: செய்யும் வேலையில் கடமை தவறாமல் பணியாற்றுபவர்கள் எந்தத் துறையில் அதிகம்?
எந்தெந்த துறையில் தினமும் மாமூல் மற்றும் 'கவனிப்புகள்' கிடைக்கிறதோ, அங்கெல்லாம் சுறுசுறுப்பாக, கடமை தவறாமல் வேலை நடக்கிறது.

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X