பத்து கேள்விகள் பளிச் பதில்கள்
Advertisement
 
 
 
Advertisement
Advertisement
dinamalar-advertisement-tariff-2018
 
Advertisement
 
எழுத்தின் அளவு:

பதிவு செய்த நாள்

28 ஜன
2015
00:00

  • 1நீரிழிவு நோய் என்பது என்ன?
சர்க்கரையை உடலுக்குத் தேவையான சக்தியாக மாற்ற, இன்சுலின் என்ற ஹார்மோன் அவசியம். எனவே தேவையான இன்சுலினை உடல் உற்பத்தி செய்யாத அல்லது உற்பத்தி செய்த இன்சுலினைப் பலனளிக்கும் விதத்தில் பயன்படுத்த இயலாத நிலைமையே நீரிழிவு எனப்படுகிறது.

  • முதலாவது வகை நீரிழிவு என்றால் என்ன?
முதலாவது வகை நீரிழிவு குழந்தைகள், சிறுவர், சிறுமியர் ஆகியோருக்கு ஏற்படும். இவர்களுக்கு இன்சுலின் கொண்டுதான் சிகிச்சை அளிக்க வேண்டும். ஏனென்றால் இவர்களது இன்சுலின் சுரப்பிகள் இன்சுலின் சுரக்கும் தன்மையை முற்றிலும் இழந்திருக்கும்.இவ்வகை நீரிழிவு, நூற்றில் பத்து சதவீதத்தினருக்கு ஏற்படுகின்றது.

  • இரண்டாவது வகை நீரிழிவு என்றால் என்ன?
தேவையான அளவு இன்சுலின் சுரக்காவிட்டாலும் அல்லது சுரக்கப்படும் இன்சுலின் தகுந்த முறையில் செயல்பட விட்டாலும் அது இரண்டாம்
வகை நீரிழிவு. இந்த வகை நீரிழிவு
கிட்டத்தட்ட 90 சதவீதத்தினரிடம் காணப்படுகிறது. இவ்வகை நீரிழிவு அதிக உடற் பருமன் உள்ளவர்களிடம் பெருமளவு காணப்படுகின்றது.

  • மூன்றாவது வகை நீரிழிவு என்றால் என்ன?
கர்ப்ப காலத்தில் ஏற்படும் நீரிழிவு மூன்றாவது வகை எனப்படுகிறது. இவ்வகை நீரிழிவானது நூற்றில் நான்கு சதவீத பெண்களுக்கு கர்ப்பகாலத்தின்போது ஏற்படுகிறது. கர்ப்பகாலம் முடிந்த பின் மறைந்து விடுகிறது. இருந்தபோதிலும், எதிர்காலத்தில் குழந்தைக்கும், தாய்க்கும் நீரிழிவு உண்டாகும் வாய்ப்பு உள்ளது.

  • நீரிழிவு நோயின் அறிகுறிகள் என்னென்ன?
சில சமயங்களில் அறிகுறிகள் சரியாக தென்படாமல் போகிறது. அடிக்கடி சிறுநீர் கழிப்பது, அடிக்கடி தாகம், அதிக பசி, மிக வேகமாக எடை குறைவது, கண்பார்வை மங்குவது மட்டுமல்லாமல், காயம், சிராய்ப்பு ஏற்பட்டால் ஆறுவதற்கு அதிக காலம் ஆவது போன்றவையே.

  • நீரிழிவை கவனிக்காவிட்டால் என்னென்ன விளைவுகள் ஏற்படும்?
நீரிழிவை துவக்கத்திலேயே கவனிக்கவில்லை என்றால், நிலைமை மோசமாகி விடும். கட்டுக்குள் இல்லாத நீரிழிவு, பல முக்கியமான உடல் உறுப்புகளையும், செயல்பாடுகளையும் பாதித்துவிடும். பார்வை இழப்பு, மாரடைப்பு, சிறுநீரகக் கோளாறு, பக்கவாதம், கோமா மற்றும் கால்களை இழத்தல் போன்ற விளைவுகளை சந்திக்க நேரிடும்.

  • நீரிழிவு உள்ளவர்கள் தவிர்க்க வேண்டிய உணவுகள்?
பொதுவாக நீரிழிவு நோயாளிகள் அரிசி உணவை எடுத்துக்கொள்ள கூடாது, என்று நினைக்கின்றனர் அது தவறான கருத்து. அரிசி உணவை அளவாக எடுத்து கொள்ளலாம். உருளைக்கிழங்கு, சேனைக்கிழங்கு, சர்க்கரை வள்ளிக்கிழங்கு, வாழைப்பழம், சீதாப்பழம் போன்றவற்றை எடுத்துக்கொள்ள கூடாது.

  • நீரிழிவு நோயைச் சமாளிப்பது எப்படி?
உணவுமுறை மாற்றம், உடற்பயிற்சி, நோயின் தீவிரத்தைத் தவறாமல்
கண்காணித்தல் மற்றும் மருத்துவர்களின் ஆலோசனைகள் மூலம் இன்சுலின் ஊசி மற்றும் மாத்திரைகள் எடுத்துக்கொள்வதன் மூலம் நீரிழிவைக் கட்டுக்குள் வைத்துக் கொள்ள முடியும்.

  • நீரிழிவு நோய்க்கான உணவு வகைகள் ?
சப்பாத்தி அல்லது கோதுமை ரொட்டி, கேழ்வரகு, கம்பு போன்ற கார்போ- ஹைட் ரேட்கள் நிறைந்தவற்றைச் சாப்பிட வேண்டும். பசியுடன் இருந்தாலும் இனிப்புப் பதார்த்தங்கள் சாப்பிடும் பழக்கத்தை நிறுத்தி விடுங்கள். நேரம் தவறாமல் சாப்பிடுவது நல்லது.

10உணவில் இறைச்சி அதிகம் எடுத்துக்கொண்டால் நீரிழிவு நோய் ஏற்படுமா?
மாட்டிறைச்சி, ஆட்டிறைச்சி, பன்றி இறைச்சி போன்றவற்றில் 'சச்சுரேடட்' என்ற கொழுப்பு அதிகமாக உள்ளது. இது நீரிழிவுக்கு மிகப் பெரிய எதிரி. இவை உடலில் கொலஸ்ட்ராலின் அளவை உயர்த்தி நீரிழிவு நோயை ஏற்படுத்திவிடும். ஆதலால்
இவைகளைத் தவிர்ப்பது
(அல்லது) மிகவும் அபூர்வமாக
உண்ணுதல் நல்லது.

---- தி.செங்குட்டுவன்,
நீரிழிவு மருத்துவர்.

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (1)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Mohanraj Raghuraman - Tuticorin,இந்தியா
01-பிப்-201523:25:29 IST Report Abuse
Mohanraj Raghuraman பயனுள்ள குறிப்புகள்
Rate this:
Share this comment
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X