07.02.2015 ஒரு டாக்டரின் டைரி குறிப்பு
Advertisement
 
 
 
Advertisement
Advertisement
dinamalar-advertisement-tariff-2018
 
Advertisement
 
எழுத்தின் அளவு:

பதிவு செய்த நாள்

31 மார்
2015
00:00

ராதாவிற்கு (பெயர் மாற்றப்பட்டுள்ளது), 19 வயதுதான் ஆகிறது. கல்லூரியில் படிக்கிறாள். சில நாட்களாக கல்லூரிக்கு செல்ல முடியவில்லை. அடிக்கடி வயிற்று வலி ஏற்படுவதாகவும், அது தாங்க முடியாத அளவு துன்பம் அளிப்பதாகவும், பெற்றோரிடம் கூறியிருக்கிறாள். அவளது, பெற்றோர், வயிற்று வலி வரும் போதெல்லாம், ஏதோ அஜீரணக் கோளாறு என கருதி, அருகில் இருக்கும் மருந்து கடையில் மருந்து வாங்கி கொடுத்துள்ளனர்.
மருந்து சாப்பிட்டவுடன் வயிற்று வலி குறைவது போல் குறைந்து, மீண்டும் வந்து, ராதாவை கஷ்டப்படுத்தியது. அதனால், ராதாவின் பெற்றோர், பயந்து போய் என்னிடம் வந்தனர்.
ராதாவிற்கு 'சி.டி., ஸ்கேன்' பரிசோதனை செய்தோம். அதில் பிரச்னை சரியாக புலப்படாததால், 'எம்.ஆர்.ஐ., ஸ்கேன்' பரிசோதனை செய்தோம்.
அதில், அவளது வலது பக்க சினைப்பையில், கட்டி ஒன்று இருந்தது தெரியவந்தது. புற்றுநோய் கட்டியாக இருக்கும் என்று நினைத்து, திசு பரிசோதனை மேற்கொண்டோம். ஆச்சரியம்! சாதாரண கட்டிதான் அது.
ராதாவிற்கு, அறுவை சிகிச்சை செய்து, வலது பக்க சினைப்பையை அகற்ற வேண்டும். அவளுக்கு சிறிய வயதென்பதால், வேறு வகையில் குணப்படுத்த முடியுமா என்று யோசித்தோம்.
வேறு வழியே இல்லை என்பதால், அறுவை சிகிச்சை மூலம் வலது பக்க சினைப் பையை அகற்றினோம். இறைவன் அருளால் அவளது இடது பக்க சினைப்பை ஆரோக்கியமானதாக இருந்தது. ராதா, உடல் நலம் தேறி கல்லூரிக்கு சென்று கொண்டிருக்கிறாள்.
மனிதனுக்கு இதயம், மூளை போன்ற உறுப்புகள் எவ்வளவு அவசியமோ, அதேபோல், பெண்களுக்கு சினைப்பை அவசியம். காரணம், அதில் தான், கருமுட்டைகள் உருவாகின்றன.
பெண்ணின் உடலில் வலது, இடது என, இரண்டு சினைப்பைகள் உள்ளன. ஆரோக்கியமான ஒரு பெண்ணின் வாழ்நாளில், 400 கரு முட்டைகள் உருவாகும். அதில் ஒரு சினைப்பை பாதிக்கப்பட்டு, அதை அகற்றினால், கருமுட்டைகள் உருவாவது குறைந்துவிடும்.
இருந்தாலும், ஆரோக்கியமாக உள்ள மற்றொரு சினைப்பை மூலம், கண்டிப்பாக கருத்தரிக்கலாம். சினைப்பையில் கட்டிகள் உருவாவதற்கு, மருத்துவ காரணங்கள் எதுவும் கண்டறியப்படவில்லை. ஆனால் மரபியல் காரணங்களால் அது தோன்றலாம் என, கூறப்படுகிறது. ராதா திருமணம் முடிந்து, கண்டிப்பாக கருத்தரிக்கும் வாய்ப்புண்டு என்று கூறியபோது, அவளது பெற்றோர் அடைந்த மகிழ்ச்சிக்கு, அளவே இல்லை.

மாலதி ரமணி
குடும்ப நல மற்றும் மகப்பேறு மருத்துவர்
மாலதி ரமணி கிளினிக்
044 28341643

Advertisement

 

மேலும் நலம் செய்திகள்:



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X