நூறு கோடி சாதனங்களில் விண்டோஸ் 10 | மொபைல் மலர் | Mobilemalar | tamil weekly supplements
நூறு கோடி சாதனங்களில் விண்டோஸ் 10
Advertisement
 
 
 
Advertisement
Advertisement
dinamalar-advertisement-tariff-2018
 
Advertisement
 

பதிவு செய்த நாள்

03 மே
2015
00:00

வரும் 2018க்குள், பன்னாட்டளவில், நூறு கோடி சாதனங்களில், விண்டோஸ் 10 ஆப்பரேட்டிங் சிஸ்டம் பயன்படுத்தப்படும் என மைக்ரோசாப்ட் நிறுவன தொழில் நுட்ப வல்லுநர்கள் தெரிவித்துள்ளனர். மைக்ரோசாப்ட் நிறுவனத்தின் ஆப்பரேட்டிங் சிஸ்டம் வடிவமைக்கும் பொறியாளர்கள் குழுத் தலைவர் டெர்ரி மையர்சன் இதனைத் தெரிவித்துள்ளார். அண்மையில் நடந்த மைக்ரோசாப்ட் டெவலப்பர்கள் கருத்தரங்கில் இந்த இலக்கு சுட்டிக் காட்டப்பட்டது.
நூறு கோடி என்பது அனைத்து சாதனங்களையும் கொண்டதாகும். பெர்சனல் கம்ப்யூட்டர், லேப்டாப் கம்ப்யூட்டர், டேப்ளட் பி.சி.க்கள், விண்டோஸ் மொபைல் போன்கள், எக்ஸ் பாக்ஸ், ஒன் கேமிங் கன்சோல், சர்பேஸ் ஹப், ஹோலோ லென்ஸ் மற்றும் இணைய இணைப்பில் இயங்கும் சாதனங்கள் அடங்கியதாகும். மைக்ரோசாப்ட் தன் விண்டோஸ் 10 ஆப்பரேட்டிங் சிஸ்டத்தினை, மேலே பட்டியலிடப்பட்ட அனைத்து சாதனங்களிலும் இயங்கும் வகையில் வடிவமைத்து வருகிறது. ஒரே அடிப்படை, ஒரே ஸ்டோர், ஒரே டெவலப்மெண்ட் சாதனம் என அனைத்திலும் தன் சிஸ்டம் சார்ந்ததாக இருக்கும் வகையில் விண்டோஸ் 10 இருக்கும்.
இதனால், தன் வாடிக்கையாளர்கள் அனைவரும் தங்களின் விண்டோஸ் 7 மற்றும் விண்டோஸ் 8 சிஸ்டங்களிலிருந்து, விண்டோஸ் 10க்கு மாறிக் கொள்ள வேண்டும் எனக் கேட்டுக் கொண்டு வருகிறது. அதற்காகவே, விண்டோஸ் 10 சிஸ்டம். திருட்டு வழியில் சிஸ்டங்களைக் கொண்டிருப்பவர்களுக்கும் இலவசமாகக் கிடைக்கும் என அறிவித்துள்ளது. பெர்சனல் கம்ப்யூட்டர் மற்றும் மொபைல் போன்களைத் தயாரிப்பவர்களுக்குச் சலுகை விலையில், இந்த ஆப்பரேட்டிங் சிஸ்டத்தைத் தருகிறது.
தற்போது 150 கோடி பெர்சனல் கம்ப்யூட்டர்களில், விண்டோஸ் ஆப்பரேட்டிங் சிஸ்டம் பயன்படுத்தப்பட்டு வருகிறது.
2018க்குள்ளாக ஒரு கோடி சாதனங்களில் விண்டோஸ் 10 தன் இலக்கு என மைக்ரோசாப்ட் அறிவித்துள்ளதால், அதுவரை விண்டோஸ் இயக்க முறைமையின் புதிய பதிப்பு எதுவும் வராது என உறுதியாக நம்பலாம்.

போலிகளால் தடுமாறும் ஸியாமி நிறுவனம்
சீனத்தைச் சேர்ந்த ஸியாமி நிறுவனம், திடீரென பன்னாட்டளவில் மொபைல் போன் விற்பனையில் முன்னணி இடத்தைப் பெற்று வருகிறது. அண்மையில் ஒரே நாளில், 21 லட்சத்து 10 ஆயிரம் மொபைல் போன்களை விற்று கின்னஸ் சாதனை புரிந்தது. தற்போது இதன் கவலை எல்லாம், ஸியாமி நிறுவனத்தின் போன்களைப் போலச் சந்தையில் உலா வரும் போலி போன்கள். குறிப்பாக இந்நிறுவனத்தின், பேட்டரி பவர் பேக் போல மிக அதிக எண்ணிக்கையில், போலிகள் விற்பனையாகின்றன. போலிகள் இல்லை எனில், தற்போது விற்பனையாவதைப் போல மூன்று மடங்கு தங்களால் விற்பனை மேற்கொள்ள முடியும் என இந்நிறுவனம் அறிவித்துள்ளது. பேட்டரி வகையில் மட்டும் 11.50 கோடி டாலர் வருமானம் இழந்துள்ளதாக இந்நிறுவனத் தலைவர் அறிவித்துள்ளார்.

Advertisement

 



We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X