திண்ணை! (நடுத்தெரு நாராயணன்)
Advertisement
 
 
 
Advertisement
Advertisement
dinamalar-advertisement-tariff-2021
 
Advertisement
 
எழுத்தின் அளவு:

பதிவு செய்த நாள்

30 மே
2010
00:00

புகழ் மிக்க எழுத்தாளர் மார்க் டுவைன், தன் அனுபவம் ஒன்றைக் கூறுகிறார்:
ஒரு பொதுநலப் பணிக்கு, நிதி சேர்க்கும் கூட்டத்திற்கு அழைத்திருந்தனர்; போயிருந்தேன். அங்கே நிகழ்த்தப்பட்ட சொற்பொழிவைக் கேட்ட முதல் பத்து நிமிடங்களில், என் மனம் இளகி விட்டது. அப்பொழுது என் கையிலிருந்த எல்லாப் பணத்தையுமே அந்த நிதிக்கு நன் கொடையாகக் கொடுத்துவிட வேண்டுமென்று எண்ணினேன்.
பேச்சாளர் தொடர்ந்து பேசிக் கொண்டு சென்றார். இன்னும் பத்து நிமிடம் போயிற்று. என் பையிலுள்ள பணம் முழுவதையும் வங்கியில் போட்டுவிட முடிவு செய்தேன்.
மேலும், பத்து நிமிடங்கள் சென்றன. பேச் சாளர் அறுவை அதிகமாயிற்று. அந்த நிதிக்கு ஒவ்வொரு வரும் நன்கொடை அளிக்க வேண்டிய அவசியத்தைப் பற்றி, திரும்பத் திரும்ப கூறிக் கொண்டிருந்தார். அப்பொழுது நான், ஒரு முடிவுக்கு வந்தேன். இதில், ஏதோ சூது இருக்கிறது. எனவே, இதற்கு நாம் ஒரு பைசா கூட நன்கொடை கொடுக்கக் கூடாது என்று எண்ணினேன். இறுதியாக, சொற்பொழிவு முடிந்தது. பணம் வசூலிக்கும் தட்டை என்னிடமும் கொண்டு வந்தனர். அதுவரை அந்த அறுவைப் பேச்சைக் கேட்டு, சலித்துப் போன என் சோர்வுக்கு, நஷ்ட ஈடாக அந்தத் தட்டிலிருந்து இரண்டு பவுண்டுகளை (இங்கிலாந்து பணம்)எடுத்து, என்னுடைய பையில் போட்டுக் கொண்டேன்...
***
"கதர்' என்பது கையால் நூற்று, கைத்தறியில் நெய்த துணி. இந்தியாவில் தொன்றுதொட்டு இருந்த நூற்றல் தொழில், பிரிட்டிஷ் ஆதிக்கத்தால் அழிக்கப்பட்டு, பிரிட்டிஷ் ஆலைத் துணிக்கு, இந்தியா அடிமையானது.
இந்தியா சுதந்திரமடைய வேண்டுமானால், நூற்றல் தொழில், புத்துயிர் பெற வேண்டும் என்று காந்திஜி உணர்ந்தார். அவரது தலைமையில் நடைபெறற சுதந்திர இயக்கத்தில், நூற்றலும், கதரும் முக்கியத் திட்டம்.
கிராமவாசிகளின் வேலையின்மையையும், வறுமையையும் நீக்கி, ஆடைத் தேவையைச் சுதந்திரமாகப் பூர்த்தி செய்வது, கதரியக்கத்தின் நோக்கம். ஆனால், உற்பத்தி செய்வோர், பொதுவாகக் கதர் உடுத்துவதில்லை. பெரும்பாலும் எல்லா கதரும் நகரங்களில் விற்பனையாகி வந்தது.
கதரின் விலை, ஆலைத்துணியை விட இரண்டு, மூன்று மடங்கு அதிகமாக இருந்தது. தேசப்பற்று, தியாகம், ஏழைகளின் பால் கருணை முதலியவற்றால், அது விற்பனையாயிற்று. ஆலைத் துணியுடன் போட்டியிட, நூற்றல் கூலியைக் குறைத்து, நாளடைவில் கதரின் விலை குறைக்கப்பட்டது. அதனால், எட்டு மணி நேரம் நூற்பவருக்கு, ஒரு அணா கூட கிடைக்கவில்லை. 1935ல், காந்தியடிகள், குறைந்தது எட்டு மணி நேரம் நூற்பவருக்கு, எட்டு அணா கொடுக்க வேண்டும் என்று வற்புறுத்தினார். இது நடைமுறையில் சாத்தியம் இல்லாதபடியால், முதல் கட்டமாக மூன்று அணா வரை, கதர் சங்கம் கூலி கொடுத்தது.
***
நார்மண்டியிலிருந்து எட்வர்ட், தன் ராஜாங்கத்தை மீட்பதற்காக படை பலத்துடன் இங்கிலாந்துக்குள் நுழைந்து, டேனஸ் யுத்தத்திற்குத் தயாராகிக் கொண்டிருந்தார். அவரது தளபதிகளில் ஒருவர் முழங்கினார்: ஒரேயொரு பகைவனைக் கூட உயிருடன் விட மாட்டோம் என்று.
எட்வர்ட் பதில் சொன்னார்: இந்த ராஜாங்கத்தை மீட்க வேண்டியவன் நான். ஆனால், பல்லாயிரக் கணக்கான உயிர்களைப் பலி வாங்க நான் யார்? தனியாய் ஒரு வாழ்க்கை வாழ்வேனே தவிர, எனக்காக, யாரும் ஒரு துளி ரத்தம் கூட சிந்தக் கூடாது! என்று. போர் முகாம் கலைந்தது. நார்மண்டியிலிருந்து திரும்பி, அகிம்சை முறையில் போராடி, அரியணையை மீட்டார் எட்வர்ட்.
***


Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X