துளசியில் இருக்கிறது துயரம் நீக்கும் மருந்து
Advertisement
 
 
 
Advertisement
dinamalar-advertisement-tariff-2018
 
Advertisement
 
எழுத்தின் அளவு:
Advertisement

பதிவு செய்த நாள்

21 ஜூன்
2015
00:00

எளிதாகக் கிடைக்கும் துளசியில் மகத்துவங்கள் ஏராளம். துளசிச் செடியை ஆரோக்கியமான மனிதன் தினமும் தின்று வந்தால் குடல், வயிறு, வாய் தொடர்பான பிரச்னைகள் அவன் வாழ்நாள் முழுவதும் வராது. ஜீரண சக்தியும், புத்துணர்ச்சியையும் துளசி இலை மூலம் பெறலாம்.
வாய் துர்நாற்றத்தையும் போக்கும். நமது உடலுக்கான கிருமி நாசினியாக துளசியை உட்கொள்ளலாம். துளசி இலையைப் போட்டு ஊற வைத்த நீரை தொடர்ந்து பருகி வந்தால் நீரிழிவு வியாதி நம்மை நாடாது. உடலின் வியர்வை நாற்றத்தைத் தவிர்க்க, குளிக்கும் நீரில்
முந்தைய நாளே கொஞ்சம் துளசி இலையைப் போட்டு வைத்து அதில் குளித்தால் நாற்றம் நீங்கும். தோலில் பல நாட்களாக இருக்கும் படை, சொறிகளையும் துளசி இலையால் குணமடையச் செய்ய முடியும்.
துளசி இலையை எலுமிச்சை சாறு விட்டு, நன்கு மை போல் அரைத்து அந்த விழுதை தோலில் தடவி வந்தால் படைச்சொறி மறையும். சிறுநீர் கோளாறு உடையவர்கள், துளசி விதையை நன்கு அரைத்து உட்கொண்டு வர வேண்டும். கூடவே உடலுக்குத் தேவையான அளவிற்கு தண்ணீரும் பருகி வந்தால் பிரச்னை சரியாகும். துளசி இலைக்கு மன இறுக்கம், நரம்புக் கோளாறு, ஞாபக சக்தி இன்மை, ஆஸ்துமா, இருமல் மற்றும் பிற தொண்டை நோய்களை உடனுக்குடன் குணமாக்கும் சக்தி உண்டு. துளசி இலைச் சாறில் தேன், இஞ்சி முதலியன கலந்து ஒரு தேக்கரண்டி அருந்தலாம். சளி, இருமல் உள்ள குழந்தைகளுக்கு தினமும் 3 வேளை மூன்று தேக்கரண்டி, இந்த துளசிக் கஷாயம் கொடுத்தால் போதும்.
சீமை அகத்தி: இதன் இலை, வேர், பூ உள்ளிட்ட அனைத்து பகுதியும் மருந்தாக பயன்படுகிறது. படர்தாமரையை குணமாக்குவதில் சிறந்தது. இதன் இலையை அரைத்து தேங்காய் எண்ணெய் அல்லது நல்லெண்ணெயில் சேர்த்து, தோலில் பூசினால் தோல் நோய்கள் குணமடையும். எலுமிச்சை சாறுடனும், இந்த இலையை அரைத்து தடவலாம்.
ஆடாதொடை: வாதம் மற்றும் தீராத சளி, இருமல், உடம்பு இளைத்தல், வாந்தி, விக்கல், உள்ளிட்டவைகளுக்கு உடனடி தீர்வாக இம்மூலிகை பயன்படுகிறது. குரல் ஒலியை மெல்லியதாக்கும் தன்மை கொண்டது. இதன் சாற்றை சிறிதளவு தேனில் கலந்து, அருந்தி வர, மலேரியா போன்ற காய்ச்சல் நோய்களை முழுமையாக நீக்குகிறது. இருமல், மற்றும் காய்ச்சல் நோயால் இம்மருந்து உண்பவர்கள், அதிகளவு நீர் பருக வேண்டும்.
அமுக்கிரா: அமுக்கிரா கிழங்கு, அசுவகந்தம், மற்றும் இருளிச்செவி உள்ளிட்ட பெயர்களாலும், அமுக்கிரா மூலிகை அழைக்கப்படுகிறது. இக்கிழங்கை பச்சையாகக் கொண்டு, பசுவின் கோமியம் கலந்து அரைத்து, ஓரளவு கொதிக்க வைத்து, சூடாறிய பின்னர், தடவி
வந்தால், கழுத்துக் கழலை மற்றும் வீக்கம் முற்றிலுமாக மறையும். இக்கிழங்கை பாலில் வேகவைத்து கழுவிய பின்னர், நன்றாக உலர்த்தி, பொடி செய்து ஒரு வேளைக்கு, 4 கிராம் அளவு, தேனில் கலந்து உண்டு வர ஊளைச்சதை, உடல் பருமன் குறையும். இவ்வாறு மருந்து உண்ணும்போது, உணவின் அளவையும் கட்டுப்படுத்த வேண்டும். இக்குறிப்புகளை, மருத்துவர் ஆலோசனை பெற்று பயன்படுத்தவும்.

Advertisement

 

மேலும் நலம் செய்திகள்:



Advertisement
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X