சாஸ்தாவின் முதல் கோவில்!
Advertisement
 
 
 
Advertisement
Advertisement
dinamalar advertisement tariff
 
Advertisement
 
எழுத்தின் அளவு:

பதிவு செய்த நாள்

09 ஆக
2015
00:00

ஆக., 14 ஆடி அமாவாசை

தர்ம சாஸ்தாவே, ஐயப்பனாக மனித அவதாரம் எடுத்தார். முருகனுக்கு ஆறுபடை வீடுகள் இருப்பது போல், ஐயப்பனுக்கும், பாபநாசம் காரையார் சொரிமுத்து அய்யனார் கோவில், அச்சன்கோவில், ஆரியங்காவு, குளத்துப்புழை, பந்தளம் போன்ற படை வீடுகள் உள்ளன. இதில், நாம், சபரிமலைக்கே முக்கியத்துவம் தந்தாலும், இந்த படை வீடுகளில் முதலாவதாக விளங்குவது பாபநாசம் சொரிமுத்து அய்யனார் கோவில். இங்கு தர்மசாஸ்தா, பூர்ணா, புஷ்கலா தேவியருடன் அருள்பாலிக்கிறார்.

கைலாயத்தில், சிவபார்வதி திருமணம் நடந்தபோது, பூமியை சமப்படுத்த அகத்தியரை பொதிகை மலைக்கு அனுப்பினார் சிவன். பொதிகை மலையில் அகத்தியர் தங்கியிருந்த போது, லிங்க பூஜை செய்தார். காலப் போக்கில், அந்த லிங்கத்தை மணல் மூடிவிட்டது.
பிற்காலத்தில், இவ்வழியாக சென்ற மாடுகள், ஓரிடத்தில் மட்டும் தொடர்ந்து பால் சொரிந்தன. இதுபற்றி, அப்பகுதி மன்னரிடம் தகவல் தெரிவிக்கப்பட்டது. அதன்படி, அங்கே தோண்டிய போது, உள்ளே லிங்கம் இருந்தது. அங்கு, கோவில் எழுப்பினர். பின், தர்ம சாஸ்தாவுக்கும் சன்னிதி எழுப்பப்பட்டது.
சாஸ்தாவை கிராமப் புறங்களில் அய்யனார் என்பர். அய்யன் என்றால் தலைவன்; மரியாதைக்காக, 'ஆர்' விகுதி சேர்த்து அய்யனார் என்பர். பக்தர்களுக்கு அருளைச் சொரிபவர் என்பதால், இவர், சொரிமுத்து அய்யனார் ஆனார். பொதிகை மலை மீதுள்ள இந்தக் கோவிலில், ஆடி அமாவாசை விழா பிரசித்தம்.
பந்தள மன்னர் அரண்மனையில் வளர்ந்து வந்த சாஸ்தாவின் அம்சமான ஐயப்பன், தன் இளவயதில், இப்பகுதியில், வீர விளையாட்டுகளை கற்க வந்தார். அதன் காரணமாக, இங்கு முதன் முதலில், சாஸ்தாவிற்கு கோவில் எழுந்ததாகவும், பின், அவரது வரலாற்று நிகழ்வுகள் நடந்த குளத்துப்புழை, ஆரியங்காவு மற்றும் அச்சன்கோவில் ஆகிய இடங்களில் கோவில்கள் எழுப்பப்பட்டதாகவும், இறுதியாக அவர் தவம் மேற்கொண்ட சபரிமலையில் கோவில் தோன்றியதாகவும் தகவல் உண்டு.
பாபநாசம் அருகில் உள்ள விக்கிரமசிங்கபுரத்தில் வசித்த முத்துப்பட்டன் என்ற பிராமணர், தாழ்த்தப்பட்ட குலத்தில் வளர்ந்த பொம்மக்கா, திம்மக்கா என்ற பெண்களைக் காதல் திருமணம் செய்து கொண்டார். ஒரு சமயம், பசுக்களைப் பாதுகாக்கும் போரில் பங்கேற்று மரணமடைந்தார். அவரை, பட்டவராயன் என்று அழைத்த மக்கள், இக்கோவிலின் ஒரு பகுதியில், அவருக்கு சன்னிதி எழுப்பினர்.
தம் மனைவியருடன் பட்டவராய சுவாமி அருள்கிறார். இவர் பிராமணராயிருந்தும், தன் மாமனார் உத்தரவுப்படி செருப்பு தைக்கும் பயிற்சி எடுத்துக் கொண்டார். இதன் காரணமாக, இவரது சன்னிதியில் பக்தர்கள் செருப்புகளை காணிக்கையாக கட்டுகின்றனர்.
கோவில் வளாகத்தில் உள்ள இலுப்பை மரத்தை, 'மணி விழுங்கி மரம்' என்கின்றனர். பக்தர்கள் பிரார்த்தனைக்காக இம்மரத்தில் கட்டும் மணிகள், இந்த மரத்திற்குள் பதிந்து விடுகின்றன. இதனால், மணி விழுங்கி மரம் என்ற பெயர் வந்தது.
ஆடி அமாவாசையன்று, இக்கோவிலுடன் சம்பந்தப்பட்ட சிங்கம்பட்டி ஜமீன்தார், ராஜதர்பார் உடையில் காட்சி தருகிறார். ராஜதரிசனம் பல யோகங்களைத் தரும் என்று நம்புகின்றனர் பக்தர்கள்.
தாமிரபரணி நதிக்கரையில் உள்ள இக்கோவிலில், ஆடி அமாவாசையன்று, முன்னோருக்கு தர்ப்பணம் கொடுப்பது மிகுந்த புண்ணியம் தரும்.
திருநெல்வேலியில் இருந்து, 45 கி.மீ., தூரத்தில் பாபநாசம்; அங்கிருந்து மலைப்பாதையில், 10 கி.மீ., சென்றால், சொரிமுத்து அய்யனார் கோவிலை அடையலாம்.

தி.செல்லப்பா

புதிய செய்திகளுக்கு தினமலர் சேனலை Subscribe செய்யுங்கள்
Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (3)
makesh - kumbakonam ,இந்தியா
11-ஆக-201516:34:12 IST Report Abuse
makesh நானும் சென்று இருக்கிறேன் ... ஆறு ஓரம் , குளித்துவிட்டு சாமி கும்பிடலாம் ... இக் கோவில் வனபகுதியில் இருப்பதால் எங்கள் வேனுக்கு 200 டிக்கெட் 300 லஞ்சம் கொடுத்து சென்றோம்
Rate this:
Cancel
P.M.SATHISH - tirunelveli,இந்தியா
09-ஆக-201519:44:19 IST Report Abuse
P.M.SATHISH எங்களின் நெல்லை பெருமை பத்தி சொன்னதுக்கு மிக்க நன்றி நன்றி தினமலர் .
Rate this:
Cancel
அம்பை சுதர்சனன் - கொடைக்கானல் ,இந்தியா
09-ஆக-201516:53:25 IST Report Abuse
அம்பை சுதர்சனன் இயற்கையான மலை சூழலில் ரம்மியமான நதி தீரத்தின் கரையில் அமைந்துள்ள சொரி முத்தைய்யனை தரிசிக்க தரிசிக்க ஆனந்தமே.பல முறை சென்று பரவசம் அடைந்துள்ளேன்.
Rate this:
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
Upload Photo
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X