திண்ணை!
Advertisement
 
 
 
Advertisement
Advertisement
dinamalar advertisement tariff
 
Advertisement
 
எழுத்தின் அளவு:

பதிவு செய்த நாள்

09 ஆக
2015
00:00

தன் சுயசரிதை நூலான, 'அக்னி சிறகுகள்' நூலிலிருந்து அப்துல் கலாம் எழுதியது:
கடந்த, 1981ல் குடியரசு தினம், ஒரு சந்தோஷ ஆச்சரியத்தை அள்ளிக் கொண்டு வந்தது. உள்துறை அமைச்சகம், எனக்கு பத்ம பூஷன் விருதை அறிவித்திருப்பதாக டில்லியிலிருந்து தொலைபேசியில் என்னிடம் தெரிவித்தனர். அதையடுத்து, எனக்கு தொலைபேசியில் வந்த முக்கியமான விஷயம், பேராசிரியர் தவனின் வாழ்த்துச் செய்தி தான். என் குருவே என்னை பாராட்டியது போல பேரானந்தத்தில் பரவசமடைந்தேன். பேராசிரியர் தவனுக்கும், பத்மவிபூஷன் விருது கிடைத்ததில், எனக்கு இரட்டிப்பு மகிழ்ச்சி.

இதயம் நிறைந்த வாழ்த்துகளை அவருக்கு தெரிவித்தேன். பின், டாக்டர் பிரம்ம பிரகாஷிடம் தொலைபேசி மூலம் நன்றி கூறினேன். 'இந்த சம்பிரதாயம் எல்லாம் நமக்குள் எதற்கு...' என்று என்னை கடிந்து கொண்ட டாக்டர் பிரம்ம பிரகாஷ், 'என் மகனுக்கு விருது கிடைத்தது போல இருக்கிறது...' என்றார். என் மீது அவர் கொண்டிருந்த பாசத்தில் நெகிழ்ந்து போனேன். அதற்கு பின்பும் என் உணர்ச்சிகளை என்னால் கட்டுப்படுத்த முடியவில்லை.
பிஸ்மில்லாகானின் ஷெனாய் இசையை, அறையில் தவழ விட்டேன். அந்த இசை, என்னை இன்னொரு காலத்திற்கு, வேறொரு இடத்திற்கு கொண்டு சென்றது. நான் ராமேஸ்வரம் சென்றேன்; என் அம்மாவை கட்டியணைத்தேன்; அப்பாவின் விரல்கள் என் தலையை கோதின; என் வழிகாட்டி ஜலாலுதீன், இச்செய்தியை மசூதி தெருவில் கூடியிருந்தோரிடம் அறிவித்தார்.
என் சகோதரி ஜொஹரா எனக்காக விசேஷமான இனிப்புகளை தயாரித்துக் கொடுத்தார். லட்சுமண சாஸ்திரிகள் என் நெற்றியில் திலகமிட்டு, ஆசி வழங்கினார். தான் நட்ட செடி வளர்ந்து, மரமாகி இந்திய மக்களுக்கு கனிகளை தருவது கண்டு, அருட்தந்தை சாலமன் புனித சிலுவையை ஏந்தி என்னை ஆசீர்வதித்தார்.
விக்ரம் சாராபாய் விண்வெளி மையத்தில் பலதரப்பட்டவர்களை, என் பத்மபூஷன் விருது கிளப்பி விட்டது. சிலர், என் சந்தோஷத்தை பகிர்ந்து கொண்டனர். வேறு சிலரோ, தேவையில்லாமல் எனக்கு மட்டும் தனி முக்கியத்துவம் கொடுக்கப்பட்டு விட்டதாக கருதினர். என் நெருங்கிய சகாக்களில் சிலர், என் மீது பொறாமை கொண்டவர்களாக மாறி விட்டனர்.
கோணல் புத்தி கொண்டு தாறுமாறாக சிந்தித்து, ஏன் இப்படி சிலர் வாழ்க்கையின் உயர் நெறிகளை கண்டு கொள்ளாமல் இருக்கின்றனர்... வாழ்க்கையில் சந்தோஷம், நிறைவு, வெற்றி எல்லாமே சரியான முடிவுகளை தேர்ந்தெடுப்பதை பொறுத்தே கிடைக்கின்றன.
உங்களுக்கு சாதகமாகவும், பாதகமாகவும் வேலை செய்யக்கூடிய சக்திகள் வாழ்க்கையில் உண்டு. எவை நன்மை பயக்கும் சக்திகள், எவை தீங்கு விளைவிக்கும் சக்திகள் என்பதை, ஒருவர் இனம் கண்டு, தீயதை ஒதுக்கி, நல்லதையே நாட வேண்டும்.
என்னைப் புதுப்பித்துக் கொள்ள வேண்டிய அவசியம் வந்து விட்டதாக நீண்ட நாட்களாக எண்ணிக் கொணடிருந்தாலும், அதை அலட்சியப்படுத்தி வந்திருந்தேன். இப்போது அத்தருணம் வந்து விட்டது என்று என் அந்தராத்மா கூறியது. என், 'சிலேட்டு'ப் பலகையை துடைத்து, புதிய, கணக்குகளை நான் போட்டாக வேண்டும்.
முந்தைய கணக்குகளை நான் சரியாக செய்திருக்கிறேனா, வாழ்க்கை பள்ளியில், ஒரு ஆசிரியரின் மதிப்பீடு, அவ்வளவு சுலபமாக கிடைத்து விடுவதில்லை.
மாணவர்கள் தான் தனக்கான கேள்விகளை சுயமாக அமைத்துக் கொள்வதுடன் தன் சொந்த பதில்களையும் தேடிக் கொள்ள வேண்டும். சுய திருப்தி அடையும் வகையில், அப்பதில்களை மதிப்பீடு செய்து கொள்ள வேண்டும்.
தீர்ப்பு ஒரு பக்கம் இருந்தாலும், 'இஸ்ரோ'வின் 18 ஆண்டு கால வாழ்க்கையிலிருந்து விடுபட வேண்டும் என்பது வேதனையான விஷயம். புண்பட்ட என் நண்பர்களை பொறுத்தவரையில், லூயி காரலின் கீழ்வரிகள் பொருத்தமாக இருக்கும் என்று தோன்றியது:
என் மீது நீங்கள்
கொலைபழி சுமத்தலாம்
அல்லது எனக்கு
புத்தியில்லை என்று சொல்லலாம்
சில சமயம் நாமெல்லாம்
பலவீனப்பட்டு விடுகிறோம்
ஆனால், போலி நடிப்பு மட்டும்
என் குற்றங்களில் ஒன்றல்ல!

- நடுத்தெரு நாராயணன்

புதிய செய்திகளுக்கு தினமலர் சேனலை Subscribe செய்யுங்கள்
Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (2)
Manian - Chennai,இந்தியா
11-ஆக-201501:00:12 IST Report Abuse
Manian இந்தியாவில் பொதுவாக 98% பொறாமை பிடித்தவர்கள். தாங்கள் வெற்றி பெற்றால் அது திறமை, வெற்றி பெற்றால் அது அதிர்ஷ்டம். இவர்கள் மனதில் தாழ்வு மனபான்மை அதிகம். மற்றவர்களிடம் இருந்து என்ன கற்றுக் கொள்ளலாம் என்பதைவிட அவர்களை எப்படி கவிழ்கலாம் என்றே சிந்திப்பார்கள். இவர்கள் வாழ்வில் பிறருக்கு துன்பம் தரவே பிறந்தவர்கள். மகாபாரத்தில் பாண்டவர்களுக்கு எதிராக எத்தனை கொடிய எதிரிகள் முன்பே பிறந்து விட்டார்கள். நம் வாழ்விலும் இதுவே நடக்கிறது "குணம் நாடி, குற்றம் நாடி, மிகை நாடி மிக்க கோளல்" என்ற குறள் கலாம் அய்யாவுக்கு தெறியும். ஆனால் அவர் சுத்த மனதில் தந்நை போலவெ மற்றவர்களும் இருப்பார்கள் என்று எண்ணியதே இந்த முட்டாள் களை தள்ளி வைக்க வில்லை. முக நக நட்பது நட்பன்று, அக நக நட்பதே நட்பு. பொதுவாக வாழ்வில் ஒன்று அல்லது இரண்டு சிறந்த நண்பர்களே இருப்பார்கள். மற்றவர்கள் தெரிந்தவர்கள். சிறந்த நண்பர்கள் இல்லாதவற்களுக்கு மன அழுத்தம் அதிகம். மேல் நாடுகளிலும் இதே கதைதான். சிறந்த நண்பன், நகுதர் பொருட்டன்று நட்டல், மிகுதிக் கண் மேற் சென்று இடித்தர் பொருட்டு. பேராசிரியர் தவன், 'இந்த சம்பிரதாயம் எல்லாம் நமக்குள் எதற்கு...' என்று என்னை கடிந்து கொண்ட டாக்டர் பிரம்ம பிரகாஷ் இவர்களே இவரின் உண்மைய நண்பர்கள். ஆனால் தீயவர்கள் இல்லாவிட்டால் நம் பலம் நமக்கு தெரியாமலே போகும். எதிரிகளே வைரத்தை பட்டை தீட்டும் சாணைக் கற்கள். அதையுமே கலாம் அய்யா உணர்ந்து கொண்டார். வெளி நாடு சென்ற பலரும் இதனாலேயே திரும்ப வர பிரியப்படவில்லை
Rate this:
Cancel
n sivamani - chennai,இந்தியா
10-ஆக-201518:07:39 IST Report Abuse
n sivamani உண்மையில் போலி நட்பு இல்லாதவராய் இருந்த மகா மனிதன் திரு கலாம் அய்யா அவர்கள் மட்டுமே. முடிந்தவரை நாமும் பின் பற்ற முயற்சிக்கலாம்
Rate this:
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
Upload Photo
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X