பாலியல் கொடுமைகள் குழந்தைகளுக்கு சொல்லி கொடுப்பது எப்படி?
Advertisement
 
 
 
Advertisement
Advertisement
dinamalar-advertisement-tariff-2021
 
Advertisement
 
எழுத்தின் அளவு:

பதிவு செய்த நாள்

12 ஆக
2015
00:00

பொதுவாக, குழந்தைகளுக்கு படங்கள் மற்றும் வீடியோக்கள் மூலம், எதை சொல்லிக் கொடுத்தாலும், புரிந்து கொள்வர். அதிலும், தற்போது இணையதளங்களில் குழந்தைகளுக்கு தெளிவாக புரியும் வகையில், பாலியல் கொடுமைகள் குறித்து, விரிவாக கொடுக்கப்பட்டுள்ளது. ஆகவே, அவற்றை குழந்தைகளுக்கு காட்டி விளக்கினாலே, குழந்தைகள் புரிந்து கொண்டு, உஷாராக இருப்பர். முடியாது குழந்தைகளிடம், யாரேனும் வந்து, சாப்பிட எதுவும் கொடுத்தாலோ அல்லது 'எங்கேயாவது அழைத்துச் செல்கிறேன்' என கூறினாலோ, சற்றும் யோசிக்காமல், 'முடியாது' என்று சொல்லச் சொல்லுங்கள். மேலும், அது தான் நல்லது என்றும், சொல்லிக் கொடுங்கள்.

தொடக் கூடாது:
அந்தரங்க உறுப்பு பற்றி சொல்லிக் கொடுங்கள். குழந்தையாக இருக்கும் போதே, அவர்களுக்கு சொல்லிக் கொடுப்பதில் தவறில்லை. மேலும், 'அந்த இடத்தை, யாரும் தொட அனுமதிக்கக் கூடாது' என்றும், சொல்லிக் கொடுங்கள். இதன் மூலம் அவர்கள், ஜாக்கிரதை உணர்வுடன் இருப்பர்.

ஆடை அவசியம்
குழந்தைகள், 'ஆடையின்றி இருக்கக் கூடாது' என்று சொல்லுங்கள். குறிப்பாக, வீட்டிற்கு அன்னியர் யாரும் வந்தால், கட்டாயம் ஆடையில்லாமல் இருக்கக்கூடாது என்பதையும் கற்றுக் கொடுங்கள். ஒருவேளை, யாரேனும் மிரட்டினால், சிறிதும் அஞ்சாமல் சத்தம் எழுப்ப கற்றுக் கொடுங்கள்.

கதை மூலம் சொல்லுங்கள்
கதை என்றால், குழந்தைகளுக்கு மிகவும் பிடிக்கும்; ஆர்வத்துடன் கேட்பர். குழந்தைகளுக்கு புரியும் வண்ணம், செய்கையுடன், பாலியல் கொடுமைகளைப் பற்றி சொல்லுங்கள். உதாரணத்துடன் சொல்லிக் கொடுத்தாலும், குழந்தைகள் பாலியல் தொல்லைகளில் இருந்து தப்பிக்க முடியும். குழந்தைகளுக்கு, 'ஒருவர் எந்த எண்ணத்தில் தொடுகிறார்' என, பெற்றோர் அவசியம் சொல்லிக் கொடுக்க வேண்டும்.

நல்ல எண்ணத்தில் தொடுவது
ஒருவர் பேசும்போது, 'கைகள் மற்றும் கன்னத்தை மட்டும் செல்லமாக கொஞ்சி தொட்டால், அதில் காமம் இல்லை' என்று சொல்லுங்கள்.

கெட்ட எண்ணத்தில் தொடுவது
அம்மாவைத் தவிர, வேறு யாரும் அந்தரங்க உறுப்பை தொட்டால், உடனே தன்னிடம் சொல்ல வேண்டும் என்றும், 'இனிமேல் அவர்களுடன் பேசவோ, பழகவோ கூடாது' என்றும், சொல்லிக் கொடுங்கள். ரகசியமாக தொடுவது என்பது, குழந்தைகளை பாலியல் கொடுமைக்கு உட்படுத்தும் வகையில் செய்வதாகும். அதாவது, குழந்தையிடம் தவறாக நடந்து விட்டு அல்லது பாலியல் தொந்தரவில் ஈடுபட்டு விட்டு, 'யாரிடமும் இதை சொல்ல வேண்டாம்' என்று யாரும் சொன்னால், 'அதை மறைக்காமல், சொல்ல வேண்டும்' என்று சொல்லிக் கொடுங்கள்.
குழந்தைகளுக்கு வெளிப்படையாகவும், அஞ்சாமலும் பேச குழந்தைகளுக்கு கற்றுக் கொடுங்கள். பள்ளி முடிந்து வந்ததும், அன்றாடம் பள்ளியிலோ அல்லது அந்த நாளில் நடந்தவற்றையோ மறைக்காமல் சொல்லும் பழக்கத்தை சொல்லிக் கொடுங்கள்.

- ரவி சாமுவேல்,
மனநல ஆலோசகர், தி.நகர், சென்னை
94440 22054

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X