பத்து கேள்விகள் பளிச் பதில்கள்
Advertisement
 
 
 
Advertisement
Advertisement
dinamalar-advertisement-tariff-2021
 
Advertisement
 
எழுத்தின் அளவு:

பதிவு செய்த நாள்

12 ஆக
2015
00:00

1 உடல் வலிக்கு மாத்திரை சாப்பிட்டவுடன், அது ரத்தத்தில் கலந்து நிவாரணம் கொடுக்கிறதா?
மாத்திரை சாப்பிட்டவுடன், அதில் உள்ள மருந்துப் பொருள், ரத்தம் மூலம், வலி உள்ள இடத்துக்குப் பயணிக்கிறது; இதனால், வலியிலிருந்து நிவாரணம் கிடைக்கிறது.

2 உடலில் ரத்தம் பயணிக்கும் போது, எடுத்துச் செல்வது என்ன?
எல்லாத் திசுக்களுக்கும் ஆற்றலை எடுத்துச் செல்லும் முக்கியப் பணியை, ரத்தம் செய்கிறது. கொழுப்புச் சத்து, மாவுச் சத்து, புரதம், தாதுப் பொருட்கள் வடிவத்தில், ஆற்றலை, அது எடுத்துச் செல்கிறது. திசுக்கள் ஆரோக்கியமாக இருக்க, ஆக்சிஜனை எடுத்துச் செல்வதும் ரத்தம் தான்.

3 ரத்த ஓட்டத்தின் முக்கியப் பணி என்ன?
நுரையீரலில் இருந்து, அனைத்துத் திசுக்களுக்கும், ஆக்சிஜனை ரத்தம் எடுத்துச் செல்லும். திரும்புகையில், திசுக்களில் இருந்து, கார்பன் - டை - ஆக்சைடை, நுரையீரலுக்கு எடுத்து வந்து, மூக்கு வழியே வெளியேற்றுவதும் ரத்தம்தான்.

4 24 மணிநேரத்தில், சிறுநீரகங்கள் வெளியேற்றும் சிறுநீரின் அளவு எவ்வளவு ?
24 மணிநேரத்தில் சுழற்சி முறையில், 1,700 லிட்டர் ரத்தத்தை, சிறுநீரகங்கள் சுத்திகரிப்பு செய்கின்றன. அதில், ஒன்றரை லிட்டர் சிறுநீரை, அவை வெளியேற்றுகின்றன.

5 கர்ப்பிணிக்கு 'ஆர்எச் நெகட்டிவ்' ரத்தப்பிரிவு இருந்தால் ஏன் கவனமுடன் இருக்க வேண்டும்?
கணவனுக்கு பாசிட்டிவ் ரத்தக் காரணி இருந்து, மனைவிக்கு நெகட்டிவ் ரத்தக் காரணி இருந்தால், குழந்தை பாசிட்டிவ் ரத்தக் காரணியுடன் பிறக்க வாய்ப்பு உண்டு. பாசிட்டிவ் ரத்தக் காரணியுடன் குழந்தை பிறக்கும் நிலையில், அது தாயின் நெகட்டிவ் ரத்தக் காரணியுடன் கலந்து, தாயின் உடலில் எதிர் அணுக்கள் உற்பத்தியாக வழிவகுத்துவிடும்.

6 மூளையின் செல்களுக்கு ரத்தம் செல்லாவிட்டால், விளைவு என்ன?
மூளையின் செல்களுக்கு ஆக்சிஜனை எடுத்துச் செல்வது ரத்தம் தான். தொடர்ந்து, மூன்று நிமிடங்களுக்கு, ஆக்சிஜன் செல்லாவிட்டால், மூளையின் செல்கள் உயிரிழந்து விடும். உடலின் இயக்கத்துக்கு ஆணையிடும் மூளையில், கோளாறு ஏற்பட்டால், உயிருக்கே ஆபத்து ஏற்படும்.

7 ரத்தம் உறைவதற்கு எது அவசியம்?
ரத்தத்தில் மொத்தம் உள்ள, 13 காரணிகளில், முதல் காரணியில் 'பிப்ரினோஜன்' என்ற வேதிப்பொருள் தான், ரத்தத்தை உறைய வைக்கிறது. ரத்தத்தில் உள்ள, 'பிளாஸ்மா'வில், இது இல்லாவிட்டால், ரத்தம் உறையாது. ஒரு லிட்டர் 'பிளாஸ்மா'வுக்கு, 2.54 கிராம் என்ற விகிதத்தில், 'பிப்ரினோஜன்' உள்ளது.

8 ரத்தத்தில் எத்தனை குரூப்புகள் உள்ளன?
ரத்தத்தில் நான்கு குரூப்புகள் உள்ளன. 'ஏ, பி, ஏபி, ஓ' என, நான்கு குரூப்புகள் உள்ளன. இவை தவிர, 'ஏ 1, ஏ 2' என்ற உப குரூப்புகளும் ரத்தத்தில் உண்டு. 'ஓ' பிரிவு ரத்தம், அனைவருக்கும் சேரும் என்பதால்தான், 'ஓ' குரூப் ரத்தம் உள்ளோருக்கு, 'யுனிவர்சல் டோனர்' என்று பெயர்.

9 ரத்தம், எவ்வாறு குரூப் வாரியாக பிரிக்கப்படுகிறது?

ரத்தத்தில் உள்ள சிவப்பணுக்களில், 'ஆன்டிஜன்' எனும் ஒருவகைப் புரதம் உள்ளது. அதன் தன்மைக்கு ஏற்ப, குரூப் பிரிக்கப்படுகிறது. ரத்த சிவப்பணுக்களில், 'ஏ' ஆன்டிஜன் இருந்தால், 'ஏ' குரூப்; 'பி' ஆன்டிஜன் இருந்தால், 'பி' குரூப்; 'ஏபி' என்ற இரண்டு ஆன்டிஜன் இருந்தால், 'ஏபி' குரூப்; எந்தவிதமான ஆன்டிஜனும் இல்லையென்றால், 'ஓ' குரூப் ஆகும்.

10 'ஆர்.எச்., நெகட்டிவ்' ரத்தத்தை, 'ஆர்.எச்., பாசிட்டிவ்' உள்ள நோயாளிக்குச் செலுத்தலாமா?
செலுத்தலாம்; ஆனால், நோயாளி ஆணாக இருக்க வேண்டும் அல்லது குழந்தைப் பேறு, இனி அவசியம் இல்லாத பெண்ணாக இருக்க வேண்டும். இளம்பெண்களுக்கு மாறுபட்ட,
'ஆர்.எச்.,' ரத்தத்தைச் செலுத்தக் கூடாது.

- கே.செல்வராஜ்,
பொது மருத்துவர். ராஜிவ் காந்தி அரசு பொது
மருத்துவமனை ரத்த வங்கியின் ஓய்வு பெற்ற தலைமை அதிகாரி.
சென்னை.
98410 67775

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X