சின்ன சின்ன செய்திகள்
Advertisement
 
 
 
Advertisement
Advertisement
dinamalar-advertisement-tariff-2018
 
Advertisement
 
எழுத்தின் அளவு:

பதிவு செய்த நாள்

09 செப்
2015
00:00

களைகளை உரமாக பயன்படுத்துதல்: களைகளை வெறும் களைச் செடியாக கருதாமல் அவற்றிலிருக்கும் ஊட்டச்சத்துக்களை கருத்தில் கொண்டு அவற்றை இடுபொருளாக அங்கக வேளாண்மையில் பயன்படுத்துவது மிகவும் அவசியம். களைகளை ஊட்டச்சத்து உள்ள ஆதாரங்களாக மாற்றி கொள்ள வேண்டும். பயிர்களில் களை எடுத்த பிறகு அக்களைகளை பசுந்தழை உரமாக பயன்படுத்தலாம். களைகள் பூக்கும் பருவத்தில் அவற்றை களை எடுத்து விதைகள் உருவாதலை தடை செய்ய வேண்டும்.
களைகளை கம்போஸ்ட் உரமாக பயன்படுத்தும் முறை : சுமார் 3ஙீ3 அடிக்கு குழி தோண்டி அதனடியில் துளையிட்டு 1 அடிக்கு களைகளைக் கொண்டு குழியினை நிரப்பி 2.5 செ.மீ. தொழுஉரம், 1.25 செ.மீ சுண்ணாம்பு பொடியும் இட வேண்டும். சுமார் 2 வாரத்திற்கு ஒருமுறை மூங்கில்களில் கொண்டு கிளறி விட வேண்டும். 3 மாதத்திற்குள் கம்போஸ்ட் தயாராகி விடும்.
மண்புழு உரம் தயாரித்தல் : ஆப்ரிக்கன் மண்புழு, சிவப்பு மண்புழு, மக்கும் மண்புழு போன்றவை அனைத்தும் மண்புழு உரத்தின் உற்பத்திற்கான சிறந்த மண்புழுக்கள் ஆகும்.
படுக்கை அமைத்தல்: நெல்உமி அல்லது தென்னை நார்க்கழிவு அல்லது கரும்பு தோகைகளை மண்புழு உர உற்பத்திக்கான கட்டமைப்பின் அடிப்பாகத்தில் 3 செ.மீ. உயரத்திற்கு பரப்பி ஆற்று மணலை இந்த படுக்கையின் மேல் 3 செ.மீ உயரத்திற்கு தூவ வேண்டும். பிறகு 3 செ.மீ. உயரத்திற்கு தோட்டக்கால் மண்ணைப் பரப்ப வேண்டும். இதற்கு மேல் தண்ணீரை தெளிக்க வேண்டும். கால்நடைக் கழிவுகள், பண்ணைக்கழிவுகள், பயிர்க்கழிவுகள், காய்கறிக்கழிவுகள், மண் அங்காடி கழிவுகள், வேளாண் சார்ந்த தொழிற்சாலை கழிவுகள் ஆகியவை அனைத்தும் மண்புழு உரம் தயாரிக்க மிகச் சிறந்தவை.
மண்புழுக்களின் ஈரப்பதம் 70 சதவீதம் அடையுமாறு கணக்கெடுக்க வேண்டும். ஒரு சதுர மீட்டர் பரப்பளவிற்கு 2 கிலோ மண்புழு தேவைப்படும். மண்புழுக்களை மண்புழு படுக்கையின் மீது தூவினால் போதும். மண்புழுக்கள் தானாகவே உள்ளே சென்று விடும்.
அறுவடை செய்யும் முறை: மண்புழு உர படுக்கைகளின் மேல் உள்ள மண்புழு உரத்தை மட்டும் அறுவடை செய்ய வேண்டும். இதனை வாரம் ஒருமுறை செய்ய வேண்டும். மண்புழு உரத்தினை அறுவடை செய்யும் போது மண்புழு வெளியில் தெரியும் நிலை வரைக்கும் அறுவடை செய்ய வேண்டும். சிறிய படுக்கை முறையில், கழிவுகள் முழுவதும் மக்கிய பிறகு அறுவடை செய்தால் போதுமானது.
அறுவடை செய்யப்பட்ட மண்புழு உரத்தினை 40 சதவீதம் ஈரப்பதத்தில் சூரியஒளி படாதவாறு பாதுகாப்பாக வைக்கப்பட வேண்டும். மண்புழு உரத்தினை சாக்கு பைகளில் வைத்து கட்டாமல் திறந்த வெளியில் சேமித்து வைப்பது சிறந்தது. 40 சதவீதம் ஈரப்பதத்துடன் திறந்த வெளியில் சேமித்து வைப்பதால் நன்மை பயக்கும். நுண்ணுயிர்களின் எண்ணிக்கை குறையாமல் இருப்பதோடு மண்புழு உரத்தின் தரமும் குறையாமல் இருக்கும். விற்பனை செய்யும் தருணத்தில் மட்டுமே மண்புழு உரத்தினை சாக்கு பைகளில் மாற்றி அமைத்தல் வேண்டும்.
அங்கக வேளாண்மைப் பயிற்சி: தமிழ்நாடு வேளாண்மைப் பல்கலைக்கழகத்தில் செயல்பட்டு வரும் ""வளங்குன்றா அங்கக வேளாண்மைத்துறை''யில் ஒவ்வொரு மாதமும் 7ம் தேதி அங்கக வேளாண்மைத் தொழில்நுட்பங்கள் பற்றிய ஒருநாள் கட்டணப் பயிற்சி நடைபெற உள்ளது. மண்வளப் பாதுகாப்பு, வீட்டுத்தோட்டம், உயிர் உரங்கள், இயற்கைவழி பயிர் பாதுகாப்பு, மண்புழு உரத் தயாரிப்பு மற்றும் அதன் பயன்பாடுகள் பஞ்சகவ்யா தயாரிப்பு, அங்ககச் சான்றளிப்பு குறித்த விபரங்கள் போன்ற விஷயங்கள் பயிற்சியில் சொல்லித்தரப்படுகிறது. மேலும் விபரங்களுக்கு , தலைவர் மற்றும் பேராசிரியர் வளங்குன்றா அங்கக வேளாண்மைத்துறை, தமிழ்நாடு வேளாண்மைப் பல்கலைக்கழகம், கோயம்புத்தூர்-641 003. தொலைபேசி : 0422 - 661 1206.
முள் சீத்தா: தமிழ்நாட்டில் உள்ள தோட்டங்களிலும் வேலிகளிலும் ஆற்று படுக்கைகளிலும் வளர்ந்து நிற்கின்றன. சிறிது இனிப்பும், துவர்ப்பும் கலந்த சுவையுடன் இருக்கும். மருத்துவ குணம் கொண்ட முள் சீத்தா மரங்களின் தாயகம் கரீபியளன் மற்றும் அமெரிக்க நாடுகள் புற்றுநோய் செல்களை கொல்வதற்கான "அசிட்டோ ஜெனின்ஸ்' எனும் மூலப்பொருள் இம்மரத்தின் இலை, தண்டு, வேர்பட்டை , பழம் அனைத்திலும் உள்ளது. இம்மரம் நடவு செய்த 3-4 ஆண்டுகளில் மகசூல் கொடுக்கும். இதன் பழத்தை சாப்பிடலாம். இலையைப் பொடித்து டீ தூளில் கலந்து தினமும் குடிக்கலாம். பேச்சிப்பாறையில் உள்ள தோட்டக்கலை ஆராய்ச்சி மையத்தில் இதன் கன்றுகள் விற்பனை செய்யப்படுகிறது. தொடர்புக்கு : பேச்சிப்பாறை: 04651 - 281 192, விருத்தாச்சலம்-0413 - 238 231.
- டாக்டர் கு.சௌந்தரபாண்டியன்.

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X