வெட்டிப்பேச்சாளர்களைக் கட்டிபோட என்ன வழி?
Advertisement
 
 
 
Advertisement
dinamalar-advertisement-tariff-2018
 
Advertisement
 
எழுத்தின் அளவு:
Advertisement

பதிவு செய்த நாள்

08 நவ
2015
00:00

ஒரு செயலை, சத்தமின்றி சாதிப்பதில், சில நன்மைகள் இருக்கின்றன.
நம் வளர்ச்சியை, முட்டுக்கட்டை போடுவதற்கு எவரும் இருக்க மாட்டார்கள். எவருக்கும், ஒரு கெடுதலைச் செய்ய வேண்டும் என்று நமக்குத் தோன்றவும் செய்யாது.
சிலர் நம்புகின்றனரே... கண்ணேறு! (திருஷ்டி) அது நிகழவும் நிகழாது.
அதையும், இதையும் கேட்டு விட்டு, ஆளுக்கு ஆள், மாற்றி மாற்றி பேசி, நம்மைக் குழப்பி விடுகின்றனரே... இதுவும் நின்று போகும்.
சத்தமின்றி சாதித்த வெற்றிக்காக, உங்கள் அடக்கத்திற்கும், எளிமைக்கும் ஒட்டு மொத்தமான பாராட்டும், குவியலாகக் கிடைக்கும்.
'எங்களுக்கும் சொல்லித் தாருங்களேன்...' என்று வியக்கிற சிஷ்யர் கூட்டம், உங்களைச் சுற்றி உருவாகும்.
எங்கள் வட்டத்தில் ஓர் அப்பாவி நண்பர், தான் உண்டு தன் வேலையுண்டு என்று இருப்பார். மனைவிக்கு சற்று அடங்கினவர். சாதுர்யமாகவெல்லாம் பேசிவிட மாட்டார். குழந்தைத்தனமாக இருக்கும் இவரது அணுகுமுறை. இவருக்கு ஒரு வெளிநாட்டு வேலை வாய்ப்பு வந்தது; போனார். விடுமுறைக்கு வருவார். அப்போது கூட, வெளிநாட்டுச் சம்பாத்தியத்திற்கான ஆடம்பரங்கள் அறிகுறிகள் எதுவும் தெரியக் காணோம்.
ஒருநாள் ஒரு கலந்துரையாடலின் போது, ஒவ்வொன்றாக எடுத்து விட்டார் பாருங்கள், சங்கதிகளை... நண்பர் கூட்டம் அசந்து போனது. அங்கிங்கெனாதபடி எல்லாத் திசைகளிலும் சிறு சிறு சொத்துகளை அவ்வப்போது வாங்கிப் போட, எல்லாம் கண்டபடி விலை ஏறி விட்டன. இப்போது, இவருக்கு எவ்வளவு தேறும் என்பது தெரிய வந்தது. 'அடேங்கப்பா...' என்றது நட்பு வட்டம். பொறாமைக்குள்ளாகாத வளர்ச்சி. இவர் விஷயத்தில் பொறாமையை மிஞ்சி விட்ட உணர்வு என்ன தெரியுமா? வியப்பு மேலிட்டதே அது தான்.
உறவினர் ஒருவர் நொடித்துப் போனார். இவரது விலை மிகுந்த ஆடைகள் கூட, கிட்டத்தட்ட சந்தை போல் ஆகிவிட்டன. உலோகக் கடிகாரம், சாதாரண தோள்பட்டைக் கடிகாரமாக ஆக, பிரேஸ்லெட் மாயமாகி, காசிக் கயிறாயிற்று. அங்கு கவரிங் அரங்கேறியது. ரயில்களில் உயர் வகுப்பில் பயணம் செய்தவர், சாதா ஸ்லீப்பருக்கு மாறினார். நல்ல தோல் செருப்பும், ரப்பர் ஸ்லிப்பர் ரகமாக ஆனது.
பின், இனியும் தலை காட்ட முடியாது என்று வெட்கப்பட்டு, தலைமறைவு வாழ்க்கைக்கு உள்ளானவர் போல் ஆனார்.
காலம் உருண்டோடியது. திடீரென ஒரு திருமணத்தில் தோன்றினார். எடுத்து விட்டார் பாருங்கள், தம் இன்றைய வளர்ச்சியை... வியந்து போனது உறவுக் கூட்டம். 'சாதித்தால் இப்படியல்லவா சத்தமின்றி சாதிக்க வேண்டும்...' என்று சொல்லாதவர் பாக்கி இல்லை.
காற்றாலைக்காரர்களுக்கு இடம் பார்த்துக் கொடுப்பது, இதில் உற்பத்தியாகும் மின்சாரத்தை அரசிற்கு விற்று, இதற்கான காசை வசூலித்துக் கொடுப்பது என்று சேவைத் தொழிலை எளிதாக ஆரம்பித்தவர், இன்றைக்கு, இவர் இன்றி காற்றாலை உலகம் இல்லை என ஆகிவிட்டது. சைக்கிள் வாகனம், ஸ்கோடா காராக ஆகிப் போனது. ஓட்டு வீடு, 4,000 சதுர அடி வீடாகிப் போனது, மகளுக்கும் பெரிய இடத்தில் சம்பந்தமாம்.
'வாழ்வில் நான் தோற்றதும், சமூகத்தால் புறக்கணிக்கப்பட்டேன். எந்தச் சமூகத்தால் வெறுக்கப்பட்டேனோ, அதனால், அங்கீகரிக்கப்பட வேண்டுமானால், நான்கு காசு அல்ல; 40 காசு சம்பாதிக்க வேண்டும் என்று கோபம் வந்தது. அதைச் சாதிக்கும் வரை, சமூகத்தோடு தொடர்பே வேண்டாம் என, ஒதுங்கி நின்று உழைத்தேன். மார் தட்டுவதை விட, என்னைப் பட்டை தீட்டிக் கொள்வது என முடிவு செய்தேன்; உழைத்தேன். அறிகுறி காட்டாத வளர்ச்சி தான், நமக்குச் சரிப்பட்டு வரும் என்று முடிவு செய்தேன். நினைத்தது நிறைவேறியதும் தான், இப்போதெல்லாம் வெளியே வருகிறேன்...' என்று அசத்தினாரே பார்க்கலாம்!
சத்தமின்றி சாதிப்பவர்கள், ஒரு விஷயத்தில் தெளிவாக இருக்கின்றனர். 'நான் யார் தெரியுமா?' என்று வீண் பேச்சுப் பேசாமல், தன்னை யார் என்று சமூகம் தானாகத் தெரிந்து கொள்ளும் வரை, பேச்சில் கவனம் செலுத்தி, இதில் வீணாக்கும் சக்தியை, செயலில் வடித்துக் காட்டுவோம் என்று இறங்கி விடுகின்றனர்.
கேலி பேசி, வார்த்தை அம்புகளால் தாக்கி, பிறரை உருக்குலைக்க முன்வரும் சமுதாயம், ஏனோ கை தூக்கி விட மட்டும் முன் வருவது இல்லை. மேலைநாடுகளில், அவரவர், தானுண்டு, தங்கள் கடமை உண்டு என வாழ்கின்றனர். அடுத்தவர் விஷயத்தில் மூக்கை நுழைப்பதே இல்லை.
முதுகில் குப்பையை சுமந்து, 'உன் சட்டையில், 'இங்க்' கறை இருக்கிறது; இப்படியா கவனிக்காமல் சட்டை அணிவது...' என்று பிறரைச் சுட்டு விரல் காட்டும் நபர்கள், இங்கு மிக அதிகம்.
வீண் வம்பு பேசும் இச்சமூகத்திற்கு, நீங்களும் உங்கள் செயல்களால், ஆற்றலால், திறமையால், உழைப்பால், திரண்டதொரு கும்மாங்குத்து விடத் தயாராகுங்கள்.
வெட்டிப் பேச்சாளர்களை கட்டிப் போட, இதுவே சிறந்த வழி!
- லேனா தமிழ்வாணன்

Advertisement

 



Advertisement
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (4)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Milirvan - AKL,நியூ சிலாந்து
13-நவ-201503:48:19 IST Report Abuse
Milirvan நிறைய பேருக்கு நேர்மறையான தூண்டுதலாக இருக்கும். நன்றி
Rate this:
Share this comment
Cancel
skv - Bangalore,இந்தியா
11-நவ-201521:01:40 IST Report Abuse
skv<srinivasankrishnaveni> என் உறவுக்கார அம்மாள் இப்போது வயது 90+ நான் சின்னவளா இருக்கும்போது அவ்ளோ ஏழை அவங்க ஒரேவேளை சோறுவைத்து குழம்பும் செய்து இரவு வரை அதேதான் உணவு எல்லோருக்கும் வரும் விருந்தினரும் அதிகம் . அந்தம்மாகூட பிறந்தவா 12பெர் , எல்லோருமே விசிட் பண்ணிண்டு இருப்பாங்க தன 4 பிள்ளைகளையும் +2வரை படிக்கவச்சு அரசு வேலைக்கும் போகவச்சுட்டாங்க ன்று அவங்களுடைய பொண்ணு பிள்ளைகலேல்ல்லாம் ஓய்வுபெற்று சொந்தவீடும் மாசபென்க்ஷன் என்று சுகமா இருக்காங்க , சொந்த வீடும் வாங்கிண்டு செட்டில் ஆயிட்டா . அந்தம்மா இன்னமும் குடும்பத்தை வீட்டுக்கு பெரியவரா ஆசிவசங்கிண்டு இருக்காங்க
Rate this:
Share this comment
Cancel
Ananth Kumar - MADURAI  ( Posted via: Dinamalar Android App )
09-நவ-201521:48:01 IST Report Abuse
Ananth Kumar very good post sir. really helpful:)
Rate this:
Share this comment
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X