நூறு கோடி இந்திய மொபைல் பயனாளர்கள் | மொபைல் மலர் | Mobilemalar | tamil weekly supplements
நூறு கோடி இந்திய மொபைல் பயனாளர்கள்
Advertisement
 
 
 
Advertisement
Advertisement
dinamalar-advertisement-tariff-2021
 
Advertisement
 

பதிவு செய்த நாள்

11 ஜன
2016
00:00

இந்தியா, அக்டோபர் மாத இறுதியில், தன் மொபைல் பயனாளர்களின் எண்ணிக்கையை நூறு கோடியாக உயர்த்தி சாதனை படைத்துள்ளது. செப்டம்பரில், இந்த எண்ணிக்கை 99 கோடியே 67 லட்சமாக இருந்தது. இந்த தகவலை, இந்தியாவில் தொலை தொடர்பு நிறுவனங்களைக் கண்காணித்து வழி நடத்தும் 'ட்ராய்' (Telecom Regulatory Authority of India (TRAI)) அமைப்பு அறிவித்துள்ளது. உலக அளவில், சீனாவிற்கு அடுத்தபடியாக, மொபைல் போன் இணைப்பு கொண்டவர்களில், அதிகமானவர்களைக் கொண்டவர்களை இந்தியா பெற்றுள்ளது.
அண்மையில், இந்தியாவில், ஸ்மார்ட் போன்களின் விலை, அனைவரும் வாங்கும் வகையில் குறையத் தொடங்கியது. அதே போல, மொபைல் சேவை கட்டணமும் பல நிறுவனங்களால், அனைவரும் பெறும் வகையில் குறைக்கப்பட்டது. இதற்குக் காரணம், மொபைல் சேவை நிறுவனங்கள், அதிக எண்ணிக்கையில் வாடிக்கையாளர்களைப் பெற பலத்த போட்டியில் இறங்கியதும் ஆகும்.
டிசம்பர் இறுதியில், மத்திய தொலை தொடர்பு அமைச்சர், இந்தியாவில் இணைய இணைப்பு பெற்றிருப்பவர்கள் 40 கோடி என அறிவித்திருந்தார். இது, மொபைல் வழி இணைய இணைப்பு பயன்படுத்தியவர்களையும் உள்ளடக்கியதாகும். நடப்பு ஆண்டில், இது விரைவில் 50 கோடியை எட்டும் எனவும் தெரிவித்தார். இங்கு மொபைல் சேவை பயன்படுத்துவோரில், 50 வயதுக்கும் அதிகமானவர்கள் 6 சதவீதம் மடுமே. இதிலிருந்து, இந்தியாவின் மூத்த குடிமக்கள், மொபைல் வழி இணையத்தினைப் பயன்படுத்துவது மிகவும் குறைவு என்று தெரிகிறது. இதே நிலை, ஆசிய நாடுகளான தாய்லாந்து, பாங்காக் மற்றும் மலேசியாவிலும் காணப்படுகிறது.

Advertisement

 



We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X