விவசாய பசங்க
Advertisement
 
 
 
Advertisement
Advertisement
dinamalar-advertisement-tariff-2018
 
Advertisement
 
எழுத்தின் அளவு:

பதிவு செய்த நாள்

15 ஜன
2016
00:00

விதை கொட்டும் கருவி... களை வெட்டும் கருவி... தண்ணீர் சொட்டும் கருவியுடன் காலைப் பொழுதை விவசாயத்திற்காக அர்ப்பணிக்கின்றனர், மதுரை மேலூரைச் சேர்ந்த பள்ளி, கல்லூரி இளைஞர்கள்.
'சிறுபிள்ளை வெள்ளாமை வீடு திரும்பாது' என்கிற பழமொழியை உடைத்தெறிந்து விதைதூவி, களையெடுத்து நிலத்திற்கு புத்துயிர் பாய்ச்சுகின்றனர். இவர்களின் காலடி பட்டதும் நிலமும் துள்ளி எழுந்து சாகுபடிக்கு சந்தோஷமாக தயாராகிறது. மதுரை மேலூர் வெள்ளாலபட்டியைச் சேர்ந்த விவசாயி அருணாச்சலம் இவர்களை ஒருங்கிணைத்து விவசாய வேலைக்கு பழக்கியுள்ளார். மாணவர்கள் பாலகிருஷ்ணன், விஜய், வீரமாணிக்கம், சுந்தர், வீரமணிகண்டன், உலகநாதன், பழனிவேல், அருண், பூபதி, கண்ணன், பூமணி, கிருஷ்ணகுமார், அஜித், மணிகண்டன், கல்யாணசுந்தரம், சரவணன் ஆகியோர் இணைந்து குழுவாக செயல்படுகின்றனர்.

கால்நடைகளை கவனிக்கும் அப்பா-அம்மா
மாணவர்களுக்கு விவசாய பாடம் கற்றுத் தரும் அருணாச்சலம் கூறியது: மெக்கானிக்கல் இன்ஜினியரிங் டிப்ளமோ படித்துவிட்டு ஓசூரில் 'ஸ்டூல் ரூம் இன்சார்ஜ்' ஆக, மாதம் ரூ.40ஆயிரம் சம்பளம் வாங்கினேன். அதை விட்டுவிட்டு சொந்த ஊருக்கு வந்தேன். மதுரையில் ஒரு அலுவலகத்தில் வேலை பார்த்துக் கொண்டே விவசாயம் செய்கிறேன். தங்கை சரண்யா எம்.எஸ்சி., கணிதம் படித்துவிட்டு விவசாயம் செய்கிறார். அப்பா மகாராஜன் ஆடுகளை பார்த்துக் கொள்ள, அம்மா ராணி மாடுகளை வனிக்கிறார். நான்காவது படிக்கும் மகன் மருதீஸ்வரன் ஆடு, மாடுகளின் கோமியம், சாணத்தை சேகரித்து தருவான். பெரியவர்கள் விவசாயம் நஷ்டகணக்கு என்று விலகிச்
செல்கின்றனர். முறையாக செய்தால் லாபமில்லாத தொழில் எதுவும் இல்லை. இன்றைய இளைஞர்களுக்கு விவசாயத்தை உணர்த்த நினைத்தேன். இந்தநிலையில் மதுரை விவசாய கல்லூரி வேளாண் அறிவியல் மையத்தில், விவசாய கருவிகளை கையாளும் பயிற்சி
அளித்தனர். எங்க ஊர் பசங்களுக்கு சிறியரக டிரம் சீடர், கோனோ வீடர் ஓட்ட கற்று கொடுத்தேன். இதையே பகுதிநேர தொழிலாக
செய்கின்றனர். விவசாயத்தில் நெல் விதை தூவுவதும், களையெடுப்பதும் தான் செலவு கையை கடிக்கும் முக்கிய வேலை. சிறிய கருவி மூலம் விதைநெல் தூவுவது, களையெடுப்பது, உரமிடும் வேலையை மாணவர்கள் செய்கின்றனர். இதனால் விவசாயிகளுக்கு செலவு குறைகிறது. மாணவர்களின் உழைப்புக்கு பணம் கிடைக்கிறது, என்றார்.

விவசாய பசங்களின் அனுபவங்கள்
வீரமணிகண்டன், வக்புவாரிய கல்லூரி
வாரத்தில் இரண்டு நாட்கள் நான்கு மணி நேரம் வேலை செய்வேன். ரூ.400 கிடைக்கும். வீட்டுச் செலவிற்கு கொடுப்பேன். என் செலவுகளை பார்த்துக் கொள்வேன். இரண்டாண்டு பழக்கத்தில் எங்க வீட்டு 3 ஏக்கர் வயலில் விதை தூவுவது, களையெடுப்பதை நண்பர்களோடு சேர்ந்து நாங்களே செய்கிறோம். வெறும் அரட்டையாக இல்லாமல் விவசாயமாக செய்வது சந்தோஷமாக உள்ளது.

விஜய், விலங்கியல் வக்புவாரிய கல்லூரி
இரண்டாண்டுகளாக விவசாய வேலை பார்க்கிறேன். சிரமமின்றி விவசாயம் செய்யமுடியும் என்பதை கற்றுக் கொண்டேன். விடுமுறை நாட்களில் இதுவே நல்ல உடல் உழைப்பையும், பொழுதுபோக்கையும் தருகிறது. இயந்திரங்கள் இருப்பதால் வேலை எளிதாகவும், ஆர்வமாகவும் உள்ளது.

வீரமாணிக்கம், வக்புவாரிய கல்லூரி
மற்றவர்களின் வயலில் வேலை செய்த அனுபவம் எங்கள் வீட்டு 50 சென்ட் நிலத்தில் விவசாயம் பார்க்கத் தூண்டியது. படிப்புக்கும் வேலைக்கும் தொடர்பில்லை. சேற்றில் கால்வைத்து மற்றவர்களுக்கு சோறு அளிப்பது சுகமான விஷயம்.

சுந்தர், பிளஸ் 2, ஒத்தகடை அரசு பள்ளி
எங்கள் குழுவில் கடைசியாக சேர்ந்தவன் நான். ஆறுமாதமாக விவசாயம் செய்கிறேன். கருவிகளை எப்படி கையாள்வது என சொல்லி கொடுத்ததை அப்படியே செய்கிறேன். பகுதிநேர வேலை செய்ய ஆரம்பித்தபின், படிப்பு செலவுக்கு வீட்டில் பணம் கேட்பதில்லை. மற்றவர்களின் பசிக்காக வேலை செய்கிறோம் என்று நினைக்கும் போது, பிரமிப்பாக இருக்கிறது, என்றார்.
இவர்களை பாராட்ட : 99429 60167

எம்.எம்.ஜெ.,

Advertisement

 

மேலும் பொங்கல் மலர் செய்திகள்:



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X