இனி கம்ப்யூட்டர் காலம் | பட்டம் | PATTAM | tamil weekly supplements
இனி கம்ப்யூட்டர் காலம்
Advertisement
 
 
 
Advertisement
Advertisement
dinamalar-advertisement-tariff-2018
 
Advertisement
 

பதிவு செய்த நாள்

28 மார்
2016
00:00

இன்றைய அறிவியல் உலகத்தில் கணினி அல்லது இன்டர்நெட் வசதியுடன் கூடிய ஸ்மார்ட்போன், அடிப்படைத் தேவைகளில் ஒன்றாக ஆகிவிட்டது. விரல் நுனியில் தகவல்கள்; இமைக்கும் நேரத்தில் தகவல் பரிமாற்றம் என உள்ளங்கைக்குள் உலகத்தைச் சுருக்கிய கணினியின் ஃப்ளாஷ்பேக் தெரியுமா?

கணினி வரலாறு: உலகின் முதல் கணினி 'மார்க் - 1'. ஐ.பி.எம். (IBM) நிறுவனத்திற்காக, 1944ல் ஹார்வார்டு பல்கலைக் கழகப் பேராசிரியர் டாக்டர். ஹோவார்டு (Howard) உருவாக்கினார். இரண்டு ஆண்டுகளுக்குப் பின் 1946ல் பிரஸ்பெர் எக்கெர்ட் (Presper Eckert), ஜான் மவுக்ளி (John Mauchly) இருவரும் சேர்ந்து 'எனியாக்' (ENIAC - Electronic Numerical Interpreter And Calculator) என்னும் பெரிய்ய்ய... கணினியை, ராணுவத் தேவைகளுக்காக உருவாக்கினர். இதன் எடை 30 ஆயிரம் கிலோ, நீளம் 100 அடி, உயரம் 8 அடி.
முதன்முதலாக, 1951ஆம் ஆண்டில்தான் கணினி விற்பனைப் பொருளாக அறிமுகம் செய்யப்பட்டது. 'யுனிவாக்1' (UNIVAC1: Universal Automatic Computer1) என்கிற கணினியை மார்ச் 31, 1951ல் அமெரிக்க அரசு விலைக்கு வாங்கி, மக்கள்தொகைக் கணக்கெடுப்புக்குப் பயன்படுத்தியது. அதன் பிறகே, கணினியின் பயன்பாடு அதிகரிக்க ஆரம்பித்தது.

முதல் தலைமுறைக் கணினி: (1944 - 1955) : ஐ.பி.எம். - 650
இரண்டாம் தலைமுறைக் கணினிகள்: (1956 - 1963): ஐ.பி.எம்.- 70, யுனிவாக் பி - 5000, ஜி.இ. - 635.-
மூன்றாம் தலைமுறைக் கணினிகள்: (1964 - 1971): ஐ.பி.எம். 360/370, ஸ்பெக்ட்ரா - 70
நான்காம் தலைமுறைக் கணினிகள்: கணினி வரலாற்றில் ஒரு திருப்புமுனையாக 1971ஆம் ஆண்டில் நுண்செயலி (Microprocessor) கண்டுபிடிக்கப்பட்டது. இதுதான் இன்றைக்கு நாம் பயன்படுத்தும் எல்லாவித மின்னணுக் கருவிகளிலும் இதயமாகச் செயல்படுகிறது.

விசேஷப் பயன்பாடுகள்
* தொலை மருத்துவம் (Tele Medicine)
* மின்னணு மேலாண்மை (E - Governance)
* உயிரி தொழில்நுட்பம் (Bio technology)
* நேனோ தொழில்நுட்பம் (Nano technology)
* மின்னணு வணிகம்(E-Commerce)

Advertisement

 

மேலும் பட்டம் செய்திகள்:



We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X