ஸ்மார்ட் போன் அபாயங்கள்
Advertisement
 
 
 
Advertisement
dinamalar-advertisement-tariff-2018
 
Advertisement
 
எழுத்தின் அளவு:

பதிவு செய்த நாள்

18 செப்
2016
00:00

தொலைபேசி, பேஜர், அலைபேசி வரிசையில், முக்கிய இடத்தை பிடித்துள்ளது ஸ்மார்ட் போன். இரவு படுக்கும் போதும் குட்நைட் சொல்லி, காலையில் எழுந்து குட்மார்னிங் சொல்வது ஸ்மார்ட் போன் முகத்தில் தான். அந்தளவுக்கு இதன் பயன்பாடு அதிகரித்து விட்டது. பள்ளி மாணவர்களிடம், ஏன், குழந்தைகள் கையில் கூட, ஸ்மார்ட் போன் இருக்கிறதென்றால், நவீன தொழில்நுட்பத்தை மெச்சித்தான் ஆக வேண்டும். ஆனால், இதற்குள் பல்வேறு அபாயங்கள் ஒளிந்திருக்கின்றன என்பதை, ஒவ்வொருவரும், கட்டாயம் தெரிந்து கொள்ள வேண்டும்.
சட்டை பாக்கெட்களில், ஸ்மார்ட் போன்களை வைக்க வேண்டாம் என, ஆராய்ச்சியாளர்கள் தெரிவிக்கின்றனர். இருதயத்துக்கு அருகில் வைக்கும் போது, இருதய பாதிப்பு உண்டாகும் என, ஆராய்ச்சி முடிவில் தெரிவிக்கப்பட்டுள்ளது.
மன அழுத்தம்: ஸ்மார்ட் போன்களில் இருந்து வெளியாகும் கதிர்வீச்சு, மூளையின் வளர்சிதை மாற்றத்தை சீர்குலைக்கும். இதனால், மனநிலை மாற்றங்கள் உண்டாகலாம். ஆய்வு ஒன்றில், ஸ்மார்ட் போன்களை அருகிலேயே வைத்து உறங்கும் நபர்களுக்கு மன அழுத்தம் அதிகம் உண்டாகிறது என்ற தகவல் வெளியாகியுள்ளது.
அதிகமாக ஸ்மார்ட் போன்களை பயன்படுத்துவதால், உறக்கத்திலும் பாதிப்பு வரும். சரியாக தூக்கம் இருக்காது. இதனால், இரவு நேரத்திலாவது ஸ்மார்ட் போன்களை, தலையணைக்கு அருகில் வைத்து உறங்க வேண்டாம். பல இடங்களில், அலைபேசியின் பேட்டரி வெடித்து விட்டது என்ற செய்தி, தினமும் வந்து கொண்டு இருக்கிறது.
இதிலிருந்து தப்பிக்க, கைக்கு எட்டாத தொலைவில், ஸ்மார்ட் போன்களை வைத்து விடுங்கள். நமது மூளையில், மின்சார ஓட்டம் உள்ளது. அலைபேசியில் இருந்து வெளியாகும் மின்காந்த கதிர்வீச்சு மூளையின் மின்னோட்டத்தைப் பாதிக்கிறது. தொடர்ந்து, 20 நிமிடம் அலைபேசியில் பேசினால், நமது உடம்பின் வெப்பநிலை, ஒரு டிகிரி அதிகரிக்கும் அபாயம் உள்ளது.
குழந்தையை பாதிக்கும்: குழந்தையிடம், அலைபேசியை கொடுத்து பேசச் சொல்வது, அவர்களுக்கு பாதிப்பை ஏற்படுத்தும். பெரியவர்களை விட
குழந்தைகளுக்கு, மண்டை ஓடு மிகவும் மெல்லியதாக இருப்பதால், அலைபேசியின் கதிர்வீச்சு நேரடியாக மூளையைப் பாதிக்கும். இதை தவிர்க்க, அலைபேசியை, வைப்பரேட் நிலையில் இருப்பதை தவிர்க்க வேண்டும். வலது பக்க காதில் வைத்துப் பேசாமல், இடது பக்கக் காதில் வைத்துப் பேச வேண்டும். வலது பக்கத்தில் தான், மூளை பாதிக்கப்பட அதிக வாய்ப்பு உள்ளது.
அலைபேசியில் அதிகமாக, விளையாட்டுகளை விளையாடாமல் இருப்பது நல்லது. காரணம், நம் கண்களில் உள்ள லென்ஸ் பகுதி பாதிக்கப்படும். காதில் வைத்துப் பேசுவது, ஹெட்போனில் பேசுவது போன்றவைகளை விட, அலைபேசியின் ஸ்பீக்கர் வசதியை பயன்படுத்தி பேசுவது சிறந்தது.
அலைபேசியில் சார்ஜ் தீரும் கடைசி நேரத்தில் பேசுவது மிக ஆபத்தானது. சார்ஜ் தீரும் போது, அலைபேசியிலிருந்து அதிகமான கதிர்வீச்சு வெளிவிடுவதால், நம் மூளையை அக்கதிர் பெரும் பாதிப்புக்கு உள்ளாகி விடும். அலைபேசியை கையில் பிடிக்காமல், தோளில் வைத்து கழுத்தை சாய்ந்து பேசுவதாக இருந்தால், உடனடியாக தவிர்த்து விடுவது நல்லது. இச்செயல் தொடர்ந்தால், நாளடைவில் கழுத்து வலி ஏற்பட்டு தீராத உபாதையை கொடுக்கும். முக்கியமான விஷயங்களாக இருந்தால், அலைபேசியில் பேசலாம்; வரும் அழைப்புகளுக்கு, செவி கொடுத்தால் நல்லது.

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X