ஒளிமயமான எதிர்காலம்!
Advertisement
 
 
 
Advertisement
Advertisement
dinamalar-advertisement-tariff-2018
 
Advertisement
 
எழுத்தின் அளவு:

பதிவு செய்த நாள்

11 டிச
2016
00:00

டிச.,12 திருக்கார்த்திகை

உலகம் தோன்றிய காலத்திலேயே, நெருப்பின் முக்கியத்துவத்தை புரிந்து வைத்திருந்தான், மனிதன். இருளுக்கு பயந்து, வெளிச்சத்துக்காக, நெருப்பு மூட்டினான்; அவ்வெப்பத்தை கண்டு, விலங்குகள் அஞ்சி ஓடின. அதனால், நெருப்பை தன் பாதுகாப்பு அரணாக மாற்றி கொண்டதுடன், அதை தெய்வமாகவும் வணங்க ஆரம்பித்தான்.
நெருப்புக்கான மாதம், கார்த்திகை; இம்மாதத்தில், கார்த்திகை நட்சத்திரத்தன்று கொண்டாடப்படும், கார்த்திகை விளக்கு வழிபாடு, தொன்று தொட்டு இருந்து வருகிறது.
சென்னை மயிலாப்பூரில், தனக்கு நிச்சயம் செய்த, பூம்பாவை என்ற பெண், திடீரென மரணமடையவே, வீடுகளில் விளக்கேற்றுவது பற்றி குறிப்பிட்டு,'விளக்கீடு காணாதே போதியோ பூம்பாவாய்...' என்று வருத்தப்பட்டு பாடினார், ஞானசம்பந்தர்.
இதிலிருந்து இவ்விழாவின் மேன்மையை, அறிந்து கொள்ளலாம்.
நெருப்பை, அக்னி என்றும் கூறுவர். அக்னி சொரூபமாக, சிவனின் நெற்றிக்கண் அமைந்துள்ளது. அதில் எழுந்த ஞானஜோதியில் பிறந்தவர், முருகன். இதனால், கார்த்திகை திருநாள், முருகனுக்கு முக்கியத்துவம் வாய்ந்தது ஆயிற்று.
மாதந்தோறும், கார்த்திகை நட்சத்திரம் வந்தாலும், கார்த்திகை மாதத்தில் வரும் கார்த்திகை நட்சத்திரமே மக்களால் விழாவாக கொண்டாடப்படுகிறது.
அத்துடன், ஜோதி வடிவாகிய சிவன், கருணையோடு நமக்கு அருள் புரியும் நாள் தான், திருக்கார்த்திகை.
இந்நாளில், கார்த்திகைப் பொரியை இறைவனுக்கு படைப்பது மரபு. வெல்லம் சேர்த்த பொரி உருண்டையோடு, அப்பம், பாயசம், பிடி கொழுக்கட்டை ஆகியவையும், பிரசாதத்தில் இடம்பெறும்.
திருக்கார்த்திகை நாளில், பிரதான திருவிளக்கோடு, இருபுறமும் துணை விளக்குகளையும் ஏற்ற வேண்டும். குறைந்தபட்சம், ஆறு விளக்குகள் ஏற்ற வேண்டும் என்பது விதி.
பொதுவாகவே, சூரியோதயத்திற்கு முன், பிரம்ம முகூர்த்த வேளையான, காலை, 4:30லிருந்து 6:00 மணிக்குள் விளக்கேற்றினால், பெரும் புண்ணியம் கிடைப்பதுடன், முன்வினை பாவம் விலகும். வழக்கமாக மாலை, 6:00 மணிக்கு விளக்கேற்றும் பழக்கம் நம்மிடையே உள்ளது. ஆனால், மாலை, 4:30 - 6:00 மணிக்கு, இடையே உள்ள பிரதோஷ வேளையில், சிவபெருமானையும், நரசிம்ம மூர்த்தியையும் மனதில் நினைத்து விளக்கேற்றினால், வாழ்க்கை பிரகாசமாக அமையும். மாலையில் தீபமேற்றினால், திருமணத்தடை, கல்வித்தடை நீங்கும் என்பது ஐதீகம்.
திருக்கார்த்திகை திருநாள், நமக்கு ஒளிமயமான எதிர்காலத்தை தர, சிவனையும், முருகனையும் வேண்டுவோம்!

தி.செல்லப்பா

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (1)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
PR Makudeswaran - Madras,இந்தியா
17-டிச-201616:41:43 IST Report Abuse
PR Makudeswaran Poompaavi marriage fixation something different. Poompaavai herself developed thoughts. Sambandhar not in the scene
Rate this:
Share this comment
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X