உடல் பருக்க நேந்திரனில் இருக்கு மந்திரம்!
Advertisement
 
 
 
Advertisement
Advertisement
dinamalar-advertisement-tariff-2018
 
Advertisement
 
எழுத்தின் அளவு:

பதிவு செய்த நாள்

19 பிப்
2017
00:00

ஆண்டு முழுவதும் தடை இல்லாமல் கிடைக்கும் பழம் இது. தினமும் இரண்டு வாழைப்பழங்கள் சாப்பிட்டு வந்தால், ரத்த அழுத்தம் இயல்பாக இருக்கும். வாழைப்பழத்தில் சோடியமும், கால்சியமும், மிக குறைவாக இருக்கின்றன. பொட்டாசியமும் மக்னீசியமும் அதிக அளவில் இருக்கின்றன. இது, உடலின் சமநிலையை பாதுகாக்க உதவும்.
தினமும் வாழைப்பழம் சாப்பிட்டு வருவோரின் உடல், நன்கு மெருகேறி பளபளப்புடன் இருக்கும். சரும நோய்களும் வராது. சொறி, சிரங்கு போன்ற குறைபாடுகள் உடல் சருமத்தில் ஏற்படாது. தினந்தோறும் இரவில் படுக்கச் செல்லும் போது, வாழைப்பழம் சாப்பிட்டு வந்தால் சரும நோய்கள் முற்றிலுமாக அகன்று, உடல் நல்ல மென்மை அடையும். மலச்சிக்கல் நிரந்தரமாக தீரும். இதுபோன்ற பொதுத்தன்மை எல்லா வாழைப்பழங்களிலும் உள்ளன.
செவ்வாழை: செவ்வாழைப்பழம் பல வகைகளில் சிறந்ததாகவும், பல வியாதிகளைக் குணப்படுத்தும் சக்தி வாய்ந்ததாகவும் உள்ளது. தினம்தோறும் ஒரு செவ்வாழைப் பழம் வீதம், தொடர்ந்து நாற்பது நாட்கள் சாப்பிட்டு வந்தால் போதும். உடலில் புதிய ரத்தம் உற்பத்தியாகும்.
நரம்புகளுக்கு நல்ல பலம் ஏறும். உடலில் புதிய சுறுசுறுப்பும், மனதில் உற்சாகமும் உண்டாகும். ஒரு புதிய மனிதனாகவே, மாறிவிட முடியும். இந்த அரிய, பெரிய சக்தி, செவ்வாழைப்பழம் ஒன்றுக்குத்தான் உண்டு. நோய்க்கிருமிகளை எதிர்த்தழிக்கும் ஆற்றல் செவ்வாழைக்கு உண்டு. பல், எலும்பு போன்ற உறுப்புகளை வலிமைப்படுத்தி உடலை ஆரோக்கிய நிலையில் வைத்திருக்கும்.
பூவன்: உடலுக்கு சக்தி அளிப்பதில், பூவன் வாழைப்பழத்துக்கு நிகர் வேறு இல்லை. இந்தப் பழம் உடலுக்கு பலத்தைத் தரும். ரத்த விருத்தி உண்டாக்கும்; மலச்சிக்கலைப் போக்கும். இரவு உணவை நீக்கி, மூன்று பூவன் வாழைப்பழத்தை உண்டு, சிறிது நேரம் கழித்து, வெந்நீர் அருந்தி வந்தால், நல்ல பலம் கிடைக்கும்.
ரஸ்தாளி: ரஸ்தாளி வாழைப்பழம், ருசியும் சத்தும் நிறைந்தது. அஜீரணத்தினாலும், உஷ்ணத்தினாலும் ஏற்படும், வயிற்றுப் போக்கை நீக்க, ரஸ்தாளி வாழைப்பழத்தை, தண்ணீரில் கரைத்து, மூன்று வேளை சாப்பிட்டால் போதும்.
மொந்தன் வாழை: மொந்தன் வாழைப்பழம், காமாலை நோயை குணப்படுத்தும் இயல்புடையது. உடல் உஷ்ணத்தை சமன்ப்படுத்தும். பித்தத்தை போக்கும் தன்மையுடையது.
மலை வாழை: இதற்கு ஒரு தனித் தன்மையும், ருசியும், வாசனையும் இருக்கும். தினந்தோறும் பகல், இரவு ஆகாரத்துக்குப்பின், ஒரு மலைப்பழம் வீதம் சாப்பிட்டு வந்தால், உடலில் புதிய ரத்தம் உண்டாகும். உடல் பலம்பெறும். உண்ட ஆகாரம் நல்ல முறையில் ஜீரணமாகும். மலச்சிக்கல் ஏற்படாது. மலம் சுலபமாக இறங்கும்.
நேந்திரன்: நேந்திரன் பழத்தை அடிக்கடி சாப்பிட்டு வந்தால், நல்ல பசி உண்டாகும். ஆகாரத்தின் மேல் ஆர்வம் உண்டாக்கும். உண்ணும் உணவு, நல்ல முறையில் ஜீரணமாகும். உடல் இளைத்தவர்கள் நேந்திரன் பழத்தை இட்லி தட்டில், அவித்து நெய்தொட்டு உண்டு வந்தால், உடல் தடித்து அழகு பெறுவர்.
பச்சை வாழை: நாடன் என்னும் பச்சை வாழை, குளிர்ச்சி இயல்பினை உடையது. இதை அனைவரும் சாப்பிடலாம். ஆனால் சீதள சரீரம் உள்ளவர்க்கும், வாத நோயாளிகளுக்கும் ஒத்துக் கொள்வதில்லை.

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X