ராகங்களின் அரசி
Advertisement
 
 
 
Advertisement
dinamalar-advertisement-tariff-2018
 
Advertisement
 
எழுத்தின் அளவு:
Advertisement

பதிவு செய்த நாள்

27 பிப்
2017
00:00

பெங்களூரூவில் இசைக் கச்சேரி. சென்னையிலிருந்து அம்மாவுடன் மகள் செல்கிறாள். கச்சேரியன்று ஆஸ்துமாவால் மூச்சுத்திணறல் அதிகரித்து அம்மாவால் பாட முடியாமல் போகிறது. உடனடியாக மகளை இசைமேடையில் ஏற்றினார் அம்மா. பின்னாளில் மிகப்பெரிய இசை கலைஞராக உருவான அந்த இளம்பெண். எம்.எல்.வசந்தகுமாரிதான்.
மெட்ராஸ் லலிதாங்கிக்கும், கூத்தனூர் அய்யாசாமிக்கும் மகளாக பிறந்தவர் வசந்தகுமாரி. 1920ன் தொடக்கத்தில் பெண்கள் மேடைக் கச்சேரி செய்யத் தொடங்கினர். கலைத்துறையான இசை, நடனம் போன்றவற்றில் பெண்களின் அடையாளம் மெல்ல மெல்ல மெருகேறத் தொடங்கியது.. இந்தியாவில் முதன்முதலில் சுதந்திர முழக்கப் பாடலை ஒலிநாடாவில் பாடியவர் மெட்ராஸ் லலிதாங்கி.
வசந்தகுமாரி, சிறுவயதிலேயே புரந்தரதாசர் கீர்த்தனைகளுக்கு ஸ்வரங்கள் எழுதியிருக்கிறார்.
புகழ்பெற்ற கலைஞராக இருந்த ஜி.என்.பாலசுப்பிரமணியம், வசந்தகுமாரியின் திறமையைப் பார்த்து முழு நேர பாடகியாக உருவெடுக்க பயிற்சி வழங்கினார். சிறுவயதிலேயே வசந்தகுமாரி அம்மாவோடு பல கச்சேரிகள் செய்திருக்கிறார். நன்கு பயிற்சி பெற்றபின் தனியாக பாடத் தொடங்கியதும் 'மெட்ராஸ் லலிதாங்கி வசந்தகுமாரி' என்று அறியப்பட்டார். சுருக்கமாக எம்.எல். வசந்தகுமாரி என்று அழைக்கப்பட்டார்.
வசந்தகுமாரியின் கச்சேரியை நேரில் பார்த்தவர்களுக்கும், அவருடன் சேர்ந்து மேடையில் வாத்தியங்களை வாசித்தவர்களுக்கும் ஒவ்வொரு நாளும் புதுவித அனுபவங்களே. ராகங்களையும், ஆலாபனைகளையும் மேடையில் எப்படி கற்பனை விரிகிறதோ அதற்கேற்றாற் போல் மெருகேற்றி, மேல் கட்டையில் சிறப்பாக பாடும் திறன் கொண்டவர். மேடையில் இசையில் புதிய பரிசோதனைகள் செய்ய தயங்கியது இல்லை. அவருடன் வாத்தியங்கள் வாசிப்பவர்களுக்கு தினம் தினம் சவால்கள் காத்திருக்கும். பலரது இசையை ஆழ்ந்து கேட்டாலும், அவருக்கென்று தனியொரு பாணியை கடைப்பிடிப்பது தான் எம்.எல்.வியின் தனிச்சிறப்பு என்று அவருடைய குரு ஜி.என்.பி குறிப்பிட்டுள்ளார்.
அம்மா லலிதாங்கியைத் தொடர்ந்து வசந்தகுமாரி புரந்தரதாசர் கீர்த்தனைகளைப் பிரபலப்படுத்தினார். பேசும் திரைப்படங்கள் வந்த சமயத்தில் எம்.எல்.வி திரைத்துறையில் பல நல்ல பாடல்களை பாடினார். 'சின்னஞ்சிறு கிளியே கண்ணம்மா' என்ற பாரதியாரின் பாடல், 'மணமகள்' படத்தில் இடம்பெற்ற 'எல்லாமே இன்ப மயம்' என பல பாடல்களைப் பாடியுள்ளார். திரைப்பாடல்கள் மூலம் தனிக்கவனம் பெற்றதோடு, பொருளாதாரத்திலும் உயர்ந்தார்.
புதிய இசை, மொழி என எப்போதுமே கற்றுக்கொள்ளும் ஆர்வம் சிறுவயது முதலே எம்.எல்.வி.க்கு இருந்தது. அதனால்தான் மராத்தி மொழியின் பக்திப் பாடல்களான அபங்கங்களையும் முறையாகக் கற்றுக்கொண்டார். அவருடைய இறுதி நாட்கள் வரை கற்றுக்கொள்வதையும், பிறருக்கு கற்றுக் கொடுப்பதையும் பெரிய கடமையாக வைத்திருந்தார்.

Advertisement

 

மேலும் பட்டம் செய்திகள்:



Advertisement
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X