Dinamalar

• Follow Us :
• 
• 
• 
• 
• 

• 

• 

• 

Advertisement

 

 

 

Advertisement

Advertisement

புகைப்பட ஆல்பம்

•  
• 

  ---

  ஊரெங்கும் தேசியக்கொடி !
• 

  ---

  தங்கம் வாங்கிய தங்கங்கள்

Dinamalar - World's No 1 Tamil News Website

அதிகம்
படித்தவை

அதிகம் விமர்சிக்க
பட்டவை

அதிகம் ஈ-மெயில்
செய்தவை

• இன்று
• கடந்த வாரம்
• கடந்த மாதம்

• இன்று
• கடந்த வாரம்
• கடந்த மாதம்

• 'ஸ்டன்ட் மாஸ்டர்' கனல் கண்ணன் கைது ஆகஸ்ட் 15,2022
• ஒரு வாரம் நிற்கப்போகிறது சீன உளவுக் கப்பல்...பெரும் அச்சுறுத்தல்! ஆகஸ்ட் 15,2022
• " ஊழலை ஒழிக்க மக்களே துணை நில்லுங்கள்" - பிரதமர் மோடி வேண்டுகோள் ஆகஸ்ட் 15,2022
• அடிக்கடி தாவும் 'சர்வகட்சி' சரவணன்: அரசியலில் 'யூ டர்ன்' இவருக்கு சாதாரணம் ஆகஸ்ட் 15,2022
• "25 ஆண்டுகளில் இந்தியா அனைத்தும் பெற்ற நாடாக இருக்கும்" - பிரதமர் மோடி சுதந்திர தின உரை ஆகஸ்ட் 15,2022

• இன்று
• கடந்த வாரம்
• கடந்த மாதம்

 

Advertisement

 

Colors:

எழுத்தின் அளவு:

மாணவர்களின் கேள்விகளுக்கு பதிலளிக்கிறார் த.வி.வெங்கடேஸ்வரன் மத்திய அரசு விஞ்ஞானி

செயற்கைப் பல் எதிலிருந்து தயாரிக்கப்படுகிறது?
யாஷ்னி, 3ம் வகுப்பு, ஊ.ஒ.து பள்ளி, பூலுவப்பட்டி, திருப்பூர்.
பல்வேறு காரணங்களால், பற்களை இழந்தோருக்கு செயற்கைப் பல் கட்டப்படுகிறது. ஒரு காலத்தில் தங்கப் பல் பிரபலமாக இருந்தது. தங்கமுலாம் பூசப்பட்ட உலோகத்தை வைத்து, செயற்கைப் பல் தயாரித்து வந்தனர். பின்னர், வெண் களிமண் எனப்படும் பீங்கான் அல்லது சுட்டாங்கல்லில் செய்து வந்தனர். நவீன காலத்தில் அக்ரலிக் பிசின் எனப்படும் ஒருவகை பிளாஸ்டிக் பொருளால் பற்கள் தயாரிக்கப்படுகின்றன. தற்போது, சிங்கப்பூரைச் சேர்ந்த தனியார் நிறுவனம்,'டென்டாஃபார்ம்' (DentaFarm) என்ற இயந்திரத்தை உருவாக்கியுள்ளது. இந்த இயந்திரம் பற்களை மிகத் துல்லியமாக முப்பரிமாண தொழில்நுட்பத்தில் உருவாக்கித் தருகிறது.

ஃப்ளாஸ்க்கில் ஊற்றி வைக்கும் வெந்நீர் எப்படி நீண்டநேரம் சூடாக இருக்கிறது?
எஸ்.தீபக், 7ம் வகுப்பு, ஊராட்சி ஒன்றியப் பள்ளி, குண்டல்நாயக்கன்பட்டி, தேனி.
பாத்திரத்தில் இருக்கும் வெந்நீர் எப்படி சற்றுநேரத்தில் குளிர்ந்து விடுகிறது? இதைப் புரிந்துகொண்டால் ஃப்ளாஸ்க்கில் ஊற்றி வைக்கும் வெந்நீர், எப்படி நீண்டநேரம் சூடாக இருக்கிறது என்பது விளங்கும். பாத்திரத்தில் வைக்கும் வெந்நீரின் வெப்பம், முதலில் வெப்பக் கதிர்வீச்சின் வழியாக வெளிக் காற்றை வெப்பமாக்கும். அதன்வழி நீரின் வெப்பம் குறையும். மேலும் வெப்பக் கடத்தலால், நீரின் வெப்பம் பாத்திரத்தில் படிந்து, பாத்திரத்தில் படியும் வெப்பம் காற்றில் படிந்து, மேலும் கூடுதல் வெப்பம் வெளியேறும். காற்று வீசுகிறது என்றால், சூடேறிய காற்று குவளையின் அருகே இருந்து அகன்று விடும். இதனால் மேலும் விரைவாக பாத்திர நீர் தனது வெப்பத்தை இழக்கும்.
வெப்பக் கதிர்வீச்சையும், வெப்பக் கடத்தலையும் தடுத்துவிட்டால்,வெந்நீர் சூடாகவே இருக்கும். அதைத்தான் ஃப்ளாஸ்க் செய்கிறது. ஃப்ளாஸ்க்கின் உள்ளே ஒரு குவளையும், வெளியே ஒரு குவளையும் உள்ளது. இரண்டும் கழுத்துப் பகுதியில் மட்டுமே சந்தித்துப் பிணைந்து இருக்கும். இரண்டு குவளைக்கும் இடையே உள்ள இடைவெளி வெற்றிடமாக இருக்கும். வெற்றிடம் வழியாக வெப்பக் கதிர்வீச்சு கடந்து செல்லாது. மேலும் கழுத்துப் பகுதியில் மட்டுமே உள் குவளை வெளிப்பகுதியை சந்திப்பதால், அதன்வழி ஏற்படும் வெப்பக் கடத்தல் அளவும் வெகுவாகக் குறைந்துவிடும். எனவே நீண்டநேரம் ஆனாலும், வெந்நீர், சூடு குறையாமலேயே இருக்கிறது.

டைனோசர் முட்டை கிடைத்தால், அதிலிருந்து மீண்டும் டைனோசரை உருவாக்க முடியுமா?
ஜே.ஜொஹானஸ், 2ம் வகுப்பு, சென் பீட்ஸ் ஆங்கிலோ இந்தியன் பள்ளி, சென்னை.
இதுவரை பல டைனோசர் முட்டைகளை, ஆங்காங்கே தொல்லுயிர் ஆய்வாளர்கள் கண்டெடுத்துள்ளனர். தமிழ்நாட்டில் கூட அரியலூர் அருகே உள்ள கிராமத்தில், நூற்றுக்கணக்கான டைனோசர் முட்டைகள் 2009ம் ஆண்டில் கிடைத்தன. இவை 65 மில்லியன் ஆண்டுகள் பழமையானவையாக இருக்கக்கூடும். அங்கு கிடைத்த முட்டைகள் கால்பந்து அளவில் இருந்தன. அவை, 'சொரோபோட்ஸ்' எனப்படும், கழுத்து நீண்ட தாவர உண்ணி டைனோசர் வகையைச் சேர்ந்தவை.
இப்படிக் கிடைக்கும் முட்டைகள் எதுவும் உயிர்ப்புடன் இருக்காது. ஒருவேளை எங்காவது பனிப்பிரதேசத்தில் சேதமடையாத டைனோசர் முட்டை கிடைத்தால், அதிலிருந்து டைனோசரை உருவாக்கலாம். எனினும் அம்முயற்சி மிகக் கடினமான ஒன்று. இதேபோல, பல லட்சம் ஆண்டுகளுக்கு முந்தைய தாவரத்தின், நல்ல விதைகளை எடுத்து வளர்த்துப் பார்த்த சோதனை முயற்சி வெற்றி பெறவில்லை. அதிலிருந்து தாவரம் வளர்ந்தது; ஆனால் அடுத்த தலைமுறை விதைகளை அந்தத் தாவரத்தால் உருவாக்க முடியவில்லை. இது போன்ற முயற்சிகளில், தாவரத்தைவிட விலங்குகளை மீள் உருவாக்கம் செய்வதில், சவால்கள் அதிகம் இருக்கின்றன.

முகத்தில் பருக்கள் தோன்றக் காரணம், பருவ வயதா, வெப்பநிலையா, தோலில் இருக்கும் எண்ணெய்ச் சுரப்பிகளா?
சி.முத்தீஸ்வரன், 10ம் வகுப்பு, டட்லி மேல்நிலைப் பள்ளி, திண்டுக்கல்.
பொதுவாக, 13 வயதில் முகப்பரு வரத் தொடங்கும். நம் அம்மா, அப்பாவுக்குப் பரு இருந்திருந்தால், நமக்கும் வர அதிக வாய்ப்புண்டு. நம் தோலின் இரண்டாம் அடுக்கில் எண்ணெய்ச் சுரப்பிகள் (Sebaceous glands) ஏராளமாக உள்ளன. இவை ஆண்ட்ரோஜன் என்ற ஹார்மோனின் தூண்டுதலால், 'சீபம்'(Sebum) எனும் எண்ணெய்ப் பொருளைச் சுரக்கிறது. இந்த எண்ணெய்ப் பொருள்தான், முகத்துக்குப் பொலிவு தருகிறது. பருவ வயது அடைவது அல்லது வேறு சில காரணிகளால், சீபம் உற்பத்தி அதிகரிக்கும். அப்போது மயிர்ப்பை மட்டுமல்லாது, மேல் தோலுக்குக் கீழும் சீபம் நிரம்பும்.
எண்ணெய்ப் பசையில், தூசும் அழுக்கும் சுலபமாக ஒட்டிக்கொள்ளும் அல்லவா? எனவே மயிர்ப்பையின் வாய்ப்பகுதி தூசால் மூடப்பட்டு, தோலுக்கு அடியில் சுரக்கும் சீபம் வெளியே வர முடியாமல் சிறைப்படும். அந்த சீபம் எண்ணெயைச் சாப்பிடுவதற்காக, அங்கு நுண்ணுயிரிகள் குடிபுகுந்து சில ரசாயனங்களை வெளிப்படுத்தும். இதன் காரணமாக சிவப்பான, எரிச்சலுடன் கூடிய முகப்பருக்கள் சீழ் பிடிக்கின்றன.
முகப்பரு உள்ளவர்கள், கொழுப்பு உணவைக் குறைத்து, நார்ச்சத்து நிறைந்த உணவை அதிகம் உண்ண வேண்டும். பருக்களைக் கிள்ளக் கூடாது. தண்ணீர் அதிகம் குடிக்கவேண்டும்.

வாசகர்களுக்கு ஓர் அன்பான வேண்டுகோள்.

1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.

2.ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.

3.அவதூறான வார்த்தைகளுக்‌கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும்.

4. வாசகர்கள் தெரிவிக்கும் கருத்துக்களை, அவர்கள் நடையிலேயே எவ்வித அடித்தல், திருத்தல் இன்றி வெளியிட வேண்டும் என்றே நா‌ங்கள் விரும்புகிறோம். அதற்கேற்ப உங்கள் கருத்துக்களை, விமர்சனங்களை நாகரிகமாக பதிவு செய்யுமாறு வேண்டுகிறோம்.

மேலும்

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய :

My Page

Login :

Email

Password

Log in

Forgot password ?

New to Dinamalar ?

Create an account

வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.

இருப்பினும் இந்த பகுதியில் வெளியாகும் வாசகர்கள் கருத்துக்கள் எவருடைய மனதையாவது புண்படுத்துவதாக கருதினால், அவர்கள் தங்கள் கருத்தாக அதைப் பதிவு செய்தால், அதைப் பரிசீலித்து, அந்த குறிப்பிட்ட கருத்தை தேவைப்பட்டால் திருத்தி வெளியிட உரிய முயற்சி மேற்கொள்ளப்படும். எனினும் இந்த பகுதியில் வெளியாகும் வாசகர்கள் கருத்துக்கள், அவர்களுடைய கருத்துக்களே; அதற்கு தினமலர் நிறுவனம் எந்த வகையிலும் பொறுப்பேற்க இயலாது.

மேலும்

(Press Ctrl+g   to toggle between English and Tamil)

Comment Here

Submit

அன்புள்ள வாசகர்களே!,

நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.