நார் சத்துள்ள காய்கறி மலச்சிக்கலுக்கு தீர்வு
Advertisement
 
 
 
Advertisement
Advertisement
dinamalar advertisement tariff
 
Advertisement
 
எழுத்தின் அளவு:

பதிவு செய்த நாள்

11 ஜூன்
2017
00:00

இன்று ஆரோக்கியமான உணவை தேர்வு செய்து, அதை உரிய நேரத்தில் சாப்பிட்டு, சரியான நேரத்துக்கு தூங்க செல்வது என்பது, ஒரு போராட்டமாகவே உள்ளது. நல்ல உடல் ஆரோக்கியத்துக்கு, முடிந்த வரை இயற்கையான முறையில், கிடைக்கும் காய்கறிகளை சாப்பிடுவது சிறந்தது.
காய்கறிகளில் மனித உடலுக்குத் தேவையான, அனைத்து சத்துக்களும் உள்ளன. எல்லா காய்கறிகளையும், போதுமான அளவு தினமும் எடுத்துக் கொண்டால் தான் உடலுக்கு பலன் முழுவதும் கிடைக்கும். காய்கறிகளை நாம் எந்த விதத்திலும் சாப்பிடலாம். அதாவது ஜூஸ், சாலட், டாப்பிங்ஸ், சாஸ் அல்லது அனைத்து வகையான உணவுகளிலும், காரம் சேர்த்து சமைத்து சாப்பிடலாம். ஆனால் காய்கறிகளை சமைத்து சாப்பிடுவதற்கு பதில், பச்சையாக சாப்பிட்டால் தான், முழு பலனும் கிடைக்கும். சமைத்தால் அதில் இருக்கும் சத்து குறையக்கூடும்.

எல்லா காய்களிலும் நோய் எதிர்ப்பு சக்தி தரும் அதிக, ஆன்டிஆன்ஸிடன்ட்கள் இருக்கின்றன. இவை, புற்றுநோயை ஏற்படுத்தக்கூடிய, தீங்கு விளைவிக்கும் நோய் தொற்றுகளை அழிக்கக்கூடியது. அவை ஏற்படாமலும் தடுத்துவிடும். ஆரோக்கியமான இதயம் பெற, "மருத்துவர்கள் காய்கறிகளை அதிகமாக சேர்த்துக் கொள்ளுங்கள்' என்கின்றனர்.
பலவீனமான இதயம் உள்ளவர்களுக்கு, பச்சை காய்கறிகள் தான் மிகச் சிறந்த உணவாகும். காய்கறிகளில் உள்ள அனைத்து சத்துக்களும் இதயத்திற்கு பலத்தைக் கூட்டுகிறது. உடல் எடையை குறைக்க பலர் உணவு முறைகளை மாற்றுவர். ஆனால், அவற்றால் உடல் எடை அதிகரிப்பதுதான், பெரும்பாலும் நடக்கும்.
ஆனால், அதுவே காய்கறிகளை உணவில் அதிகமாக சேர்த்துக் கொள்ளும் போது அதில் உள்ள அதிகப்படியான நார்ச்சத்துக்கள், நம் வயிற்றை விரைவில் நிரப்பி விடும். அதனால் நம்மால் அதிகமாக சாப்பிட முடியாது. உடல் எடையும் விரைவில் குறைந்துவிடும்.
ரத்த அழுத்தத்தைக் கட்டுக்குள் கொண்டு வர, உணவில் உப்பை குறைத்துக் கொள்ள வேண்டும். காய்கறிகளில் உப்புச்சத்து மிகவும் குறைவு என்பதால்தான், நம் உடலின் ரத்த அழுத்தத்தைக் கட்டுக்குள் வைத்து கொள்ள முடிகிறது. எனவே, தினமும் சில காய்கறிகளை, உணவில் சேர்த்துக் கொண்டால் நம் உடலை ஆரோக்கியமாக வைத்துக் கொள்ள முடியும்.
மலச்சிக்கலால் அவதிப்படுவோர், காய்கறிகளை அதிகமாக சேர்த்துக் கொள்ளலாம். ஏனென்றால், காய்கறிகளில் அதிகப்படியான நார்ச்சத்து உள்ளது. இது உடலில் உள்ள நச்சுக்களை தங்க விடாமல் வெளியேற்றி விடும். காய்கறிகள் சாப்பிடுவதன் மூலம், உங்கள் சிறுநீரகத்தை ஆரோக்கியமாக வைத்துக் கொள்ள முடியும். சிறுநீரகத்தில் உள்ள நெப்ரான்களை பாதிக்கக் கூடிய, எந்த ஒரு வேதிப்பொருளும் காய்கறிகளில் இல்லை. இயற்கை முறையில் விளைவிக்கப்படும் காய்கறிகளை, அதிகம் சேர்த்துக் கொள்வது நல்லது.
பொலிவான சருமத்திற்கு தேவையான வைட்டமின்கள், காய்கறிகளில் அதிகமாக உள்ளன. சருமத்தின் ஈரப்பதத்தை இது தக்க வைக்கிறது. தலை முடி உதிர்வதில் இருந்து, அனைத்து விதமான தலைப்பிரச்னைக்கும் வைட்டமின் மற்றும் புரதச்சத்துக் குறைபாடு தான் முக்கியக் காரணம். இதனால் தான், மருத்துவர்கள் அதிக அளவில் காற்கறிகளை சேர்த்துக் கொள்ள கூறுகிறார்கள். சில நாள்பட்ட வியாதிகளுக்கு, நம் வாழ்க்கை முறை தான் காரணம். இந்த பிரச்னைகளில் இருந்து தப்பிக்க, தினசரி உணவில் காய்கறிகளை நிச்சயம் சேர்த்துக் கொள்ள வேண்டியது அவசியம். காய்கறிகளில் அதிக நார்ச்சத்து உள்ளது. இது குடலின் இயக்கத்திற்கு பெரிதும் உதவுகிறது. பெருங்குடல் புற்றுநோய் ஏற்படாமல் சுலபமாக தடுக்கலாம்.

புதிய செய்திகளுக்கு தினமலர் சேனலை Subscribe செய்யுங்கள்
Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
Upload Photo
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X