கனவுகளை நனவாக்கியவர்
Advertisement
 
 
 
Advertisement
Advertisement
dinamalar-advertisement-tariff-2018
 
Advertisement
 
எழுத்தின் அளவு:

பதிவு செய்த நாள்

24 ஜூலை
2017
00:00

ஜே.ஆர்.டி. டாடா
29.7.1904 - 29.11.1993
பாரீஸ், பிரான்ஸ்


விண்ணில் பறக்க வேண்டுமென்ற அவருடைய நீண்ட நாள் கனவும், ஆசையும் 1929ல் நிறைவேறியது. அதுமட்டுமில்லாமல் இந்தியாவின் முதல் விமானி என்ற பெருமையும் ஜே.ஆர்.டி. டாடாவுக்குக் கிடைத்தது.
டாடாவின் தந்தை இந்தியர், தாய் பிரெஞ்சுக்காரர். அதனால் அவர் பிரான்சில் பிறந்து, வளர்ந்து அந்த நாட்டின் ராணுவத்தில் சிறிது காலம் பணியாற்றினார். ஜெஹாங்கிர் ரத்தன்ஜி தாதாபாய் டாடா (Jehangir Ratanji Dadabhoy Tata )என்பதுதான் ஜே.ஆர்.டி. டாடா வின் முழுப்பெயர். ரத்தன்ஜி அவரது தந்தையின் பெயர்.கேம்பிரிட்ஜில் பொறியியல் படிக்க லண்டன் சென்ற டாடாவை, அவரது தந்தை இந்தியாவுக்கு அழைத்தார். டாடா ஸ்டீல் நிறுவனத்தில், சம்பளம் பெறாத தொழிலாளியாக, 21ம் வயதில் சேர்ந்தார். தொழில் நுணுக்கங்கள் அனைத்தையும் வேகமாகக் கற்றுக்கொண்டு, டாடா ஸ்டீல் குழுமத்தின் தலைவராக 34வது வயதில் தேர்ந்தெடுக்கப்பட்டார்.
டாடா குழுமத்தின் தலைமைப் பொறுப்புக்கு வந்த பின்பு அவர் 1932ல் உருவாக்கிய டாடா ஏர்லைன்ஸ் நிறுவனம் 1953ல் 'ஏர் இந்தியா' வாக மாற்றமடைந்தது. திறமையான இளைஞர்களைக் கண்டுபிடித்து, அவர்களை தன் நிறுவனத்துக்கு அழைத்துவந்து, முக்கியப் பொறுப்புகளை ஒப்படைத்தார். இதுதான் அவரது தொழில் வளர்ச்சிக்கும் வெற்றிக்கும் காரணமாக அமைந்தது.
இந்தியா சுதந்திரம் அடைந்த பிறகு, உள்நாட்டு உற்பத்திக்கான தேவை அதிகரித்தது. அதனால், அப்போதைய பிரதமர் நேருவுடன் இணைந்து தன் நிறுவனத்தின் உதவியுடன் உற்பத்தியை அதிகரிக்கச் செய்தார். 53 ஆண்டுகள் தலைமைப் பொறுப்பில் இருந்து நிறுவனத்தை வழிநடத்தினார். அவர் பொறுப்பேற்றபோது 14 நிறுவனங்களைக் கொண்டிருந்த டாடா குழுமம், 50 ஆண்டுகளில் 97 நிறுவனங்களாகக் கிளை பரப்பி பெரிய விருட்சமாக நின்றது.
தொழிலதிபர்களையோ, தொழில் நிறுவனங்களையோ பற்றிப் பேச நினைத்தால் உடனே நினைவுக்கு வருவது 'டாடா'. அந்த அளவுக்கு முன்னணி நிறுவனமாக மாற்றிக் காட்டினார். ஏர் இந்தியா, டி.சி.எஸ், டைட்டன், டாடா மோட்டார்ஸ் என இவரது ஒவ்வொரு கனவும் பெரும் வெற்றியுடன் நனவானது.
எளிமையான வாழ்வு, சமூக நலனில் அக்கறை, கடின உழைப்பு, விடாமுயற்சி என, எல்லாவற்றுக்கும் உதாரணமாக இருந்தார்.
இந்திய தொழில் துறை வளர்ச்சியில் பங்களித்தமைக்காக, 1992ம் ஆண்டு டாடாவுக்கு பாரத ரத்னா விருது அளிக்கப்பட்டது. இந்த விருதைப் பெற்ற முதல் தொழில் அதிபர் டாடாதான்.

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X