- இன்று
- கடந்த வாரம்
- கடந்த மாதம்
- இன்று
- கடந்த வாரம்
- கடந்த மாதம்
- தே.மு.தி.க.,வுக்கு, 5 'சீட்' பேச்சில் முடிவு? பிப்ரவரி 22,2019
- திருப்பதி கோயிலுக்கு ராகுல் நடைபயணம் பிப்ரவரி 22,2019
- ஹபீஸ் சயீத்தின் பயங்கரவாத அமைப்புக்கு பாக்., தடை பிப்ரவரி 22,2019
- 'காஷ்மீர் தாக்குதலின் போது படப்பிடிப்பில் இருந்த மோடி' பிப்ரவரி 22,2019
- தனித்து விடப்பட்ட சிறு கட்சிகள்...திகைப்பு! பிப்ரவரி 22,2019
- இன்று
- கடந்த வாரம்
- கடந்த மாதம்
பதிவு செய்த நாள்
31 ஜன2011
00:00
கூடுதலாக ஒர்க் ஷீட்கள் வேண்டுமா?
எக்ஸெல் ஒர்க்புக் ஒன்றைத் திறந்தால் அதன் மாறாநிலைப்படி (டிபால்ட்-Default) மூன்று ஒர்க் ஷீட்கள் மட்டுமே இருக்கும். வேண்டும் என்றால் மீண்டும் புதிய ஒர்க் ஷீட்களை இணைத்துக் கொள்ளலாம். எனக்கு மாறா நிலையிலேயே அதிக எண்ணிக்கையில் ஒர்க் ஷீட்கள் வேண்டும் என நீங்கள் விரும்பினால் அதற்கேற்ற வகையிலும் எக்ஸெல் புரோகிராமினை செட் செய்து கொள்ளலாம். Tools மெனு சென்று Options தேர்ந்தெடுக்கவும். கிடைக்கும் விண்டோவில் உள்ள பல டேப்களில் General என்னும் டேபினைத் தேர்ந்தெடுக்கவும். Sheets in new workbook என்னும் இடத்திற்கு எதிராக உள்ள பாக்ஸில் 255க்குள்ளாக ஒரு எண்ணைத் தரவும். எண்களை அமைக்க இங்கு மேல் கீழாக அம்புக் குறிகளும் தரப்பட்டிருக்கும். அமைத்தபின் ஓகே கிளிக் செய்து விண்டோக்களை மூடவும். இனி நீங்கள் செட் செய்த எண்ணின் எண்ணிக்கையிலான ஒர்க் ஷீட்களுடன் எக்ஸெல் ஒர்க்புக்கை அமைக்கும்.
ஒரே நேரத்தில் பல ஒர்க்புக்குகளைத் திறக்க
எக்ஸெல் என்றாலே பல்வேறு தகவல்களை ஒன்றிணைத்து நமக்கு வேண்டிய வகையில் முடிவுகளை அமைக்கவும் உருவாக்கவும் ஏற்படுத்தப்பட்ட ஒரு புரோகிராம் ஆகும். எனவே ஒரே நேரத்தில் பல்வேறு வகை தகவல்கள் அடங்கிய பல ஒர்க்புக்குகளைத் திறந்து பணியாற்ற விரும்புவோம். ஒன்றிலிருந்து இன்னொன்றுக்கு தகவல்களை மாற்றுவோம். ஒன்றின் முடிவின் அடிப்படையில் இன்னொன்றை அமைப்போம். அப்படியானால் தினந்தோறும் பணி தொடங்குகையில் ஒன்றுக்கு மேற்பட்ட ஒர்க்புக்குகளைத் திறக்க வேண்டியதிருக்கும். ஒவ்வொன்றாகத் திறந்து அமைப்பது என்பது நேரத்தை வீணாக்கும் செயல். இதற்கென எக்ஸெல் ஒரு வழியைத் தருகிறது.
1.முதலில் நீங்கள் திறந்து பணியாற்ற விரும்பும் அனைத்து ஒர்க்புக்குகளையும் திறந்து கொள்ளுங்கள். நீங்கள் பணியாற்றும் இடம் எக்ஸெல்லில் ஒர்க் ஸ்பேஸ் என அழைக்கப்படுகிறது. இந்த ஒர்க் ஸ்பேஸில் அடுத்து இவை அனைத்தையும் கொண்டு வர வேண்டுமென்றால் அனைத்தையும் உள்ளடக்கி ஒரு பைலாக மாற்ற வேண்டும். எனவே இந்த குரூப்பில் தேவை இல்லாத ஒர்க்புக் இருந்தால் அதனை மூடிவிடவும்.
2.இப்போது தேவையான ஒர்க்புக்குகளைத் திறந்து இருப்பதை உறுதி செய்து கொண்டு File மெனு கிளிக் செய்து Save Workspace என்பதைத் தேர்ந்தெடுக்கவும். இப்போது கிடைக்கும் Save Workspace டயலாக் பாக்ஸில் புதிய பைல் பெயர் ஒன்றைக் கொடுக்கவும். பின் Save என்பதில் கிளிக் செய்து மூடவும்.
3. சரி, இதனை எப்படித் திறப்பது? பைல் மெனு சென்று Open என்பதில் கிளிக் செய்திடவும். இனி ஒர்க் ஸ்பேஸ் பைல் பெயரைத் தேர்ந்தெடுத்து ஓகே கிளிக் செய்தால் அனைத்து ஒர்க்புக்குகளும் திறக்கப்பட்டு நீங்கள் பணி புரிய தயாராக இருக்கும்.
ரூபாய்-பைசா புள்ளி வைத்திட
எக்ஸெல் ஒர்க் ஷீட்டில் கரன்சியான ரூபாய் எவ்வளவு என்று குறிப்பிடுகையில் சரியாகக் கணக்கிடும் வகையில் பைசாவையும் சேர்த்துக் குறிப்பிடுவோம். ஆனால் ஒவ்வொரு முறையும் ரூபாய்க்கும் பைசாவிற்கு இடையே புள்ளி அமைப்பது சற்று சிரமமாக இருக்கும். இதனை எக்ஸெல் புரோகிராமே அமைக்கும்படி செட் செய்திடலாம். எப்படி என்று பார்ப்போமா!
எடுத்துக்காட்டாக நீங்கள் பண மதிப்பைக் குறிப்பிடுகையில் ரூபாய் பைசா இணைந்த எண்ணை புள்ளி இடாமல் முதலில் அமைக்கவும். எடுத்துக்காட்டாக 11245, 2345, 5693, 236798 என அமைப்பதாக வைத்துக் கொள்வோம். நீங்கள் கீழ்க்காணும் முறையில் அமைத்துவிட்டால் இந்த எண்கள் 112.45, 23.45, 56.93, 2367.98 என அமைக்கப்படும். நீங்கள் செட் செய்திட வேண்டிய முறை:
1. “Tools” மெனு கிளிக் செய்து அதில் “Options” பிரிவைத் தேர்ந்தெடுக்கவும்.
2. இனி கிடைக்கும் “Options” என்னும் பல டேப்கள் அடங்கிய விண்டோவில் “Edit” என்னும் டேபில் கிளிக் செய்திடவும். இதில் “Fixed decimal” என்னும் பிரிவில் செக் செய்திடவும். இப்போது “Places” என்னும் இடத்தின் முன்னால் “2” என அமைத்திடவும். பின் ஓகே கிளிக் செய்து விண்டோவை மூடவும். இனி நீங்கள் அமைத்திடும் எண்களின் இறுதி இரண்டு இலக்கங்களுக்கு முன்னால் புள்ளி தானே அமைக்கப்படும். இந்த செயல்பாடு தேவையில்லை என்றால் “Fixed decimal” என்னும் பிரிவின் முன் உள்ள டிக் அடையாளத்தை எடுத்துவிடவும்.
- புதியவை
Copyright © 2019 Dinamalar - No.1 Tamil website in the world. Designed and Hosted by Web Division,Dinamalar. | Contact us