மனசே மனசே... குழப்பம் என்ன!
Advertisement
 
 
 
Advertisement
Advertisement
dinamalar-advertisement-tariff-2018
 
Advertisement
 
எழுத்தின் அளவு:

பதிவு செய்த நாள்

08 அக்
2017
00:00

வாழ்க்கையின் மேல் எந்த நம்பிக்கையும், பிடிப்பும் இல்லாமல், பெற்றோர் அவர்களின், பிளஸ் 1 படிக்கும் மகளுடன், என்னிடம் வந்தனர். சில வாரங்களுக்கு முன் வரை, நாட்கள் எந்த பிரச்னையும் இல்லாமல், அமைதியாகவே போய் கொண்டிருந்தன.
ஒரே வீட்டில், ஒருவரோடு ஒருவர் அதிகம் பேசிக் கொள்ளாமல், தனித்தனித் தீவுகளாக வாழ்ந்தாலும், பிரச்னை ஒன்றும் ஏற்பட்டது இல்லை. எதிர்பாராமல், அவர்களின் மூத்த மகள் இறந்துவிட, நெருங்கிய உறவினர்கள் யாரும், மகளின் மறைவிற்கு வரவில்லை. குறிப்பாக, அமெரிக்காவில் இருக்கும் பெண்ணின் தாய் மாமா வரவில்லை. இது மிகுந்த அதிர்ச்சியை தர, மூன்று பேரும் அதீத மன உளைச்சலில், ஒருவரை ஒருவர் புகார் கூறி, தொடர்ந்து வாக்குவாதம். ஒரு கட்டத்தில், சாப்பிடுவது, துாங்குவது என, அன்றாட வேலைகளின் போது கூட, அவர்களால் இயல்பாக பேசிக் கொள்ள முடியவில்லை. அந்த அளவிற்கு மூவரும் பதற்றம், மனஅழுத்தத்தில் இருந்தனர். சேர்ந்தும், தனித்தனியாகவும் தொடர்ந்து பேசிப் பார்த்ததில், மகள் இறப்பதற்கு முதல் நாள் வரையிலும், அவர்களுக்கு மத்தியிலும் சரி, நெருங்கிய உறவுகளுடனும் சரி, தாங்கள் உண்டு, தங்கள் வேலை உண்டு என, விலகியே தான் இருந்திருக்கின்றனர். இதுவரை, அதற்கான தேவையும் வாய்க்கவில்லை. மகளின் இழப்பு தாங்க முடியாத மன உளைச்சலைத் தர, தங்களுக்கு ஆதரவாக யாருமே இல்லை என்ற எண்ணமும் சேர்ந்து, பிரச்னை பெரிதாகி விட்டது.
குறைந்தபட்சம், மனம் விட்டுப் பேசி, ஒருவரோடு ஒருவர் அன்பாக, ஆதரவாக இருந்திருந்தால், மகளின் தற்கொலையைக்கூட தவிர்த்திருக்க முடிந்திருக்கும் என்பதை, கவுன்சிலிங்கிற்கு பின் புரிந்து கொண்டனர். 'அக்கம்பக்கத்தில், உறவினர்களுடன் பேசினால், ஏதாவது வம்பு வரும். இது தேவையில்லாத டென்ஷன்; சரி உங்கள் குழந்தைகளோடு மனம் விட்டு பேசவதில் என்ன சிக்கல்?' எனக் கேட்டதற்கு, 'குழந்தைகளிடம் என்ன பேச... சாப்பாடு தர்றோம். தேவையானது எல்லாம் இருக்கு. இதற்கு மேல்ல அவர்களிடம் என்ன பேச...' என்றனர். 'விதவிதமாக சமைத்துக் கொடுத்து, தேவையான பொருட்களை எல்லாம் வாங்கிக் கொடுப்பது மட்டுமே போதாது. குழந்தைகள் வளரும் போது, அவர்கள் உடல் மட்டும் வளருவதில்லை; மனமும் கூடவே வளருகிறது. 'வளரும் பருவத்தில், எதைப்பற்றியும் ஒரு தெளிவான அபிப்ராயம் இல்லாமல், குழப்பமும், பயமும் இருப்பது இயல்பு. 'குழந்தைகள் பள்ளிக்குச் செல்ல ஆரம்பித்த நாள் முதல், பள்ளியில், வகுப்பறையில் என்ன நடந்தது என, அனைத்து விபரங்களையும் இயல்பாக கேட்க வேண்டும். 'எப்போதும் குழந்தைகளிடம், நண்பர்களை போல பழகினால், எல்லா விஷயத்தையும் வீட்டில் பகிர்ந்து கொள்ள முடியும் என்ற நம்பிக்கை அவர்களுக்கு ஏற்படும். 'குழந்தைகள் வளர வளர, அவர்களுக்குள் ஏற்படும் பிரச்னைகள், குழப்பங்களையும் பகிர்ந்து கொள்வர். தங்களின் அனுபவத்தின் மூலம் பொறுமையாக விளக்கினால், குழந்தைகளால் எளிதாக புரிந்து கொள்ள முடியும்' என, விளக்கினேன். அவர்களின் இளைய மகள் அடிக்கடி எனக்கு போன் செய்து, அவளின் தனிப்பட்ட விஷயங்களையும் பகிர்ந்து கொள்கிறாள்.
எப்போதும் குழந்தைகளிடம், நண்பர்களை போல பழகினால், எல்லா விஷயத்தையும் வீட்டில் பகிர்ந்து கொள்ள முடியும் என்ற நம்பிக்கை, அவர்களுக்கு ஏற்படும்
டாக்டர் அபிலாஷா, மனோதத்துவ நிபுணர், சென்னை.abilasha999@gmail.com

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X