மூன்று பெட்டிகள்!
Advertisement
 
 
 
Advertisement
dinamalar-advertisement-tariff-2018
 
Advertisement
 
எழுத்தின் அளவு:

பதிவு செய்த நாள்

13 அக்
2017
00:00

அமெரிக்க பார்லிமென்ட் தேர்தலில், இளைஞன் ஒருவன் வெற்றி பெற்றான்.
அவனிடம் தோற்றவர், ''தேர்தலில் வெற்றி பெற்று விட்டாய்; வாழ்த்துகள்! நீ அரசியலுக்கு புதியவன். இங்கு, உனக்கு பல சோதனைகள் ஏற்படும்; எதிர்ப்புகள் எழும். உன்னால் அவற்றை சமாளிக்க முடியாத சூழ்நிலை உண்டாகும்.
''அந்த குழப்பங்களிலிருந்து விடுபட வழி உள்ளது. எனக்கு முன் இருந்த பார்லிமென்ட் உறுப்பினர் தந்த அறிவுரை பெட்டி இது! இப்பெட்டிக்குள், மூன்று சிறு பெட்டிகள் உள்ளன. ஒவ்வொன்றிலும், அறிவுரை எழுதப்பட்டு உள்ளது.
“அரசியல் வாழ்வில், உன்னால் தீர்க்க முடியாத சிக்கல் ஏற்படும். அந்த நேரத்தில், முதல் பெட்டியை திறந்து பார்... அதில் எழுதப்பட்டு உள்ள அறிவுரைப்படி நடந்து கொள்; சிக்கல் தீரும். அதன்பின், மற்றொரு சிக்கல் ஏற்படும்; இரண்டாம் பெட்டியில் சொல்லப்பட்டது போல நடந்து கொள்.
“அப்படியும் சிக்கல் தீரவில்லையென்றால்... மூன்றாம் பெட்டியை திறந்து, அதன்படி நடந்து கொள்...” என்று, பெட்டியை தந்து புறப்பட்டார்.
அவன் பதவி ஏற்று, ஓராண்டு சென்றது.
அவனுக்கு எங்கும் எதிர்ப்பு கிளம்பியது.
என்ன செய்வது என்று சிந்தித்தான்; பெட்டியின் நினைவு வந்தது. முதல் பெட்டியை திறந்தான். அதில், 'எல்லா பிரச்னைக்கும், முன்னாள் உறுப்பினரான என் மீது குற்றம் சுமத்து' என்று எழுதப்பட்டு இருந்தது.
'ஆ... அருமையான வழியாக உள்ளதே... இதை பின்பற்றுவோம்; நம்மை யாரும் குறை சொல்ல மாட்டார்கள்' என்று நினைத்தான்.
'தோல்வியடைந்த முன்னாள் உறுப்பினரே, தொகுதியில் உள்ள எல்லா பிரச்னைக்கும் காரணம். அவர் தொகுதிக்கு நல்லது எதையுமே செய்யவில்லை; வளர்ச்சி பணிகளை என்னால், சிறிது சிறிதாகத்தான் செய்ய இயலும்; மக்கள் அமைதி காக்க வேண்டும்...' என்று விளக்கம் அளித்தான்.
அதற்கு பலன் கிடைத்தது.
ஒரு ஆண்டிற்கு பின் -
புதிய நெருக்கடிகள் பல தோன்றின; இரண்டாம் பெட்டியை திறந்தான்.
அதில், 'எதிர்க்கட்சியை தாக்கி, பிரசாரம் செய்க' என்று இருந்தது.
''எதிர்கட்சிகளுக்கு பொறுப்பு உணர்வே இல்லை... நாட்டு முன்னேற்றத்திலும், அவர்களுக்கு அக்கறை இல்லை. நாட்டில் எல்லா சிக்கல்களுக்கும் அவர்கள் தான் காரணம்...'' என்று பெரிய அளவில் பிரசாரம் செய்தான்.
இந்த முறையும், அவனுக்கு நல்ல பலன் கிடைத்தது.
அடுத்த தேர்தல் விரைவில் வர இருப்பதை அறிந்தான்.
'தொகுதியில், பெரிய அளவில் தனக்கு எதிர்ப்பு உள்ளது; தன்னால் வெற்றி பெற முடியாது' என்பது அவனுக்கு புரிந்தது.
'இந்நிலையில், தனக்கு வழி காட்ட கூடியது, மூன்றாவது அறிவுரை பெட்டி தான்; அதற்குள், ஏதேனும் நல்ல வழி சொல்லப்பட்டு இருக்கும்' என்று நினைத்தான்.
பெட்டியை, ஆர்வத்துடன் திறந்தான்.
அதில் எழுதப்பட்டிருந்த அறிவுரையை படித்து, அதிர்ச்சி அடைந்தான்.
அந்த மூன்றாம் பெட்டியில், என்ன அறிவுரை எழுதி இருக்கும் என்று நினைக்கிறீர்கள்... கொஞ்சம் யோசித்து பாருங்களேன்...
விடை: 'இதே போன்று, மூன்று பெட்டிகளை தயார் செய்து, தேர்தலில் வெற்றி பெறுபவருக்கு அன்பளிப்பாக கொடுக்கவும்' என்று எழுதியிருந்தது.

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (1)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
ji -  ( Posted via: Dinamalar Android App )
13-அக்-201702:49:11 IST Report Abuse
ji hahahahaha
Rate this:
Share this comment
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X