இளஸ்... மனஸ்...! (82)
Advertisement
 
 
 
Advertisement
dinamalar-advertisement-tariff-2018
 
Advertisement
 
எழுத்தின் அளவு:

பதிவு செய்த நாள்

13 அக்
2017
00:00

அன்புள்ள ஜெனி சகோதரிக்கு, உங்கள் அன்பு சகோதரி எழுதிக்கொண்டது. தனியார் அலுவலகத்தில் பணிபுரிகிறேன்;
என் பக்கத்து வீட்டில் நடக்கும் கொடுமையை, உங்களிடம் பகிர்ந்து கொள்ள விரும்புகிறேன். பதினைந்து வயது சிறுமியும், தாயும் வீட்டு வேலை செய்து, குடும்பத்தை ஓட்டுகின்றனர்.
அப்பா குடித்து வந்து, மாட்டை அடிப்பது போல் இருவரையும் அடிப்பார். வலி தாங்க முடியாத, தாய், மகளை விட்டு, உறவினர் வீட்டுக்கு ஓடி விடுவார். தகப்பனிடம், சிறுமி படும்பாடு கொஞ்சம், நஞ்சம் இல்ல. அவ்வப்போது சாப்பாடு, துணிகள், காசு கொடுத்து, உதவி செய்வேன்.
'அம்மா என்னால் இந்த உலகத்தில் வாழ முடியல...செத்துடப் போறேன்...' என்று புலம்பி, அழுவாள். என் வீட்ல வெச்சிக்கலாம் என்றால், அவள் தந்தை, தேவையில்லாமல் சண்டை போடுவார். எங்கு பார்த்தாலும், தற்கொலை சம்பவங்கள் தலை விரித்தாடுவதால், எத்தனை நாட்களுக்கு இந்தப் பெண்ணை, நான் காப்பாற்ற முடியும் சகோதரி! நீங்கள் தான் இதற்கு நல்ல தீர்வு சொல்ல வேண்டும்.
அன்பு சகோதரியே... இன்றைய உலகில், பெண் பிள்ளைகளுக்கு நடக்கும் கொடுமைகள் ஏராளம். பிறந்தவுடன், குழந்தை கடத்தல் என்ற பெயரில் ஆரம்பிக்கிறது. பெண் குழந்தைகளை, யாரிடமும், ஏன் உறவினரிடம் கூட, 'சற்று பார்த்துக்கோங்களேன்' என்று சொல்லி கொடுக்க முடியவில்லை; அவ்வளவு கொடுமைகள் நடக்கின்றன; குடிகார தகப்பன் என்று சொல்லும் போது, கேட்கவே வேண்டாம்.
இப்படிப்பட்ட பெண் குழந்தைகளை காப்பாற்றுவதற்கென்றே, 'சைல்ட் - லைன்' என்ற அமைப்பு, 1 - 18 வயது வரை உள்ள பெண் குழந்தைகள் மற்றும் மிகவும் அவசர உதவி என்றால், 25 வயது வரை பெண்களுக்கு உதவி செய்கின்றனர். தொலைபேசி எண், 1098. 24 மணி நேரமும் இலவச சேவை புரிகின்றனர்.
இந்த எண்ணில் தொடர்பு கொண்டால், அடுத்த, 60 நிமிடத்தில் உதவிக்கு வருவர்; போலீஸ் ஸ்டேஷனுக்கு அழைத்துச் செல்லுதல், மருத்துவ உதவி, பாதிக்கப்பட்டவர்களுக்கு உதவி செய்தல், தொடர்ந்து அந்த குழந்தையின் சூழ்நிலை மாறும் வரையில், உதவி செய்வர்.
குழந்தைகள் மீதான வன்கொடுமைகளை தடுப்பதற்கென, சில சட்டங்களை ஏற்படுத்தி உள்ளனர். அந்த சட்டங்கள் என்னென்ன என்பதை தெரிந்து கொள்வதன் மூலம், கண் முன்னால் பெண் குழந்தைகளுக்கு விரோதமாக நடக்கும் கொடுமைகளை வேரறுக்க முடியும்.
* குழந்தைகளை மனம் நோகும்படி கேலி செய்தல்; கல்வித் தேவைகளை புறக்கணித்தல்; பாதுகாப்பின்றி குழந்தைகளை தனியே வீட்டில் விட்டு விடுதல்; அவர்களது மருத்துவ தேவைகளை புறக்கணித்தல்
* சொந்த வீட்டிலேயே பணியாட்களை போல் பயன்படுத்துதல்; பள்ளியில் குழந்தைகளை அடித்து, துன்புறுத்தி தண்டனை கொடுத்தல்; அவர்களை பராமரிக்காமல் இருத்தல்
* கருத்துக்களை அலட்சியம் செய்தல்; உணர்வுகளை மதிக்காமல், அன்பு, ஆதரவு காட்டாமல் அவர்களது தேவைகளை புறக்கணித்தல்
* அவர்களது ஆசைகளை தூண்டி, தங்கள் சுயநலத்திற்கு பயன்படுத்துதல்; விருப்பத்திற்கு மாறாக தொடுதல்
* குழந்தைகளை கட்டாயப்படுத்தி தம்மை தொட வைத்தல்; கடும் சொற்களால் அவர்களை காயப்படுத்தி கொச்சை படுத்துதல், துன்புறுத்தல்
* ஆபாச படங்களை காட்டி, பார்க்க செய்தல், ஆபாச புத்தங்களை கொடுத்து, படிக்கச் செய்தல்.
அவர்களது நம்பிக்கையை குலைக்கும் விதமாக நடந்து கொள்ளுதல் போன்ற காரியங்களில், யார் ஈடுபட்டாலும், தண்டனைக்குரியவர்களே... இத்தகைய கொடுமைக்கு ஆளாகும் குழந்தைகளோ அல்லது அவர்களுக்காக யார் வேண்டுமானாலும், இந்த இலவச சேவை மையத்தை பயன்படுத்தி கொள்ளலாம்.
இந்த மையத்துக்கு போன் செய்து, அந்தப் பெண் குழந்தையை காப்பாற்றுங்கள் சகோதரி. அவளுக்கு நல்லது நடக்கட்டும்!
- நம்பிக்கையுடன், ஜெனிபர் பிரேம்

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X