முள் மரத்தில் மூலிகை
Advertisement
 
 
 
Advertisement
dinamalar-advertisement-tariff-2018
 
Advertisement
 
எழுத்தின் அளவு:

பதிவு செய்த நாள்

20 நவ
2017
00:00

கல்யாண முருங்கை
ஆங்கிலப் பெயர்கள்: 'டைகர்ஸ் கிளாவ்' (Tiger's Claw), 'இன்டியன் கோரல் ட்ரீ' (Indian Coral Tree), 'சன்ஷைன் ட்ரீ' (Sunshine Tree)
தாவரவியல் பெயர்கள்: 'எரித்ரினா வெரிகட்டா' (Erithrina Variegata), 'எரித்ரினா இன்டிகா' (Erithrina Indica)
தாவரக் குடும்பம் : 'ஃபபாசியே' (Fabaceae)
வேறு பெயர்கள்: முள் முருங்கை, முருக்க மரம், பாரிஜாதா (சமஸ்கிருதம்)
ஏராளமான மருத்துவக் குணம் கொண்ட மூலிகை மரம் கல்யாண முருங்கை. முட்களையும், மென்மையான தண்டுப் பாகத்தையும் உடையது. சுமார் 85 அடி உயரம் வரை வளரும். இலையுதிர் காடுகளிலும், வெப்ப மண்டலப் பகுதிகளிலும் இயல்பாகவே வளரும். வீட்டுக்கு வேலியாகவும் வளர்க்கப்படுகிறது. பிறப்பிடம் கிழக்கு ஆப்பிரிக்கா. பின் தெற்கு ஆசியா, வட ஆஸ்திரேலியா, இந்தியப் பெருங்கடல் தீவுகள் மற்றும் பிஜி தீவுகளில் பரவியது.
இலைகள் அகலமாகவும், பெரியதாகவும் இருக்கும். இலைகளுக்கு இடையே கூர்மையான முட்கள் அமைந்திருக்கும். அடர்த்தியான சிவப்பு நிறத்தில் பூக்கள் பூக்கும். பூக்கள், இலைகள் துவர்ப்பும், கசப்பும் கலந்த சுவையுடையவை. காய்கள் முருங்கைக் காயின் தோற்றத்தில் இருக்கும். கணுக்கள் மூலமும், விதை மூலமும் இந்த மரம் இனப்பெருக்கம் செய்யப்படுகிறது. கணுக்களை வெட்டி ஈர மண்ணில் நட்டால் வளரும்.
இந்த மரத்தின் இலை, பூ, விதை, பட்டை ஆகியவை, இயற்கை மருத்துவத்தில் பயன்படுகின்றன. நிலங்களைப் பாதுகாக்க அமைக்கப்படும் வேலிகளாகவும் இதன் கணுக்கள் நடப்பட்டு வளர்க்கப்படுகின்றன. இலைகள் முயல் மற்றும் கால்நடைகளுக்கு உணவாகப் பயன்படுகிறது. மிளகுக்கொடிகளைப் படரவிடவும், காபிப் பயிர்களுக்கு இடையில் நிழலுக்காகவும் இதை வளர்க்கிறார்கள். தோட்டங்களில் அலங்காரச் செடியாகவும் வளர்க்கப்படுகிறது.
சோயா விதை போல இருக்கும் இதன் கொட்டையை தரையில் உரசிவிட்டு உடலில் வைத்தால் கொப்பளித்துவிடும். 'சூடு கொட்டை' எனப்படும் இதன் விதையை வைத்து சிறுவர்கள் விளையாடும் வழக்கம் உண்டு. எடை குறைவாக உள்ளது என்பதால், தெருக்கூத்து அணிகலன்கள் செய்ய இந்த மரத்தின் கட்டை பயன்படுகிறது.

மருத்துவப் பயன்கள்:
கபம் எனப்படும் நெஞ்சு சளி, இருமல், காய்ச்சல், வயிற்று வலி போன்றவற்றைக் குணப்படுத்தும் சக்தி கொண்டது. இது ஓர் இயற்கை மலமிளக்கி, சிறுநீர் பெருக்கி.

- கி.சாந்தா

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X