இந்தியாவின் சேவைகள் ஏற்றுமதி 1370 கோடி டாலராக அதிகரிப்பு
Advertisement
 
 
 
Advertisement
Advertisement
dinamalar advertisement tariff
 
Advertisement
 
எழுத்தின் அளவு:

பதிவு செய்த நாள்

01 டிச
2017
00:00

இந்தியாவின் சேவைகள் ஏற்றுமதி 2017 ஆகஸ்டு மாதத்தில் 1370 கோடி டாலராக அதிகரித்துள்ளது. இம்மாதத்தில் சேவைகள் இறக்குமதி 866 கோடி டாலராக குறைந்து இருக்கிறது. பாரத ரிசர்வ் வங்கி இந்தத் தகவலை வெளியிட்டுள்ளது.

சேவைத் துறையின் பங்கு
சேவைகள் ஏற்றுமதியில் பயண ஏற்பாடு, போக்குவரத்து, கட்டுமானம், காப்பீடு, ஓய்வூதிய சேவைகள், நிதிச் சேகைவள், அறிவுசார் சொத்துரிமைப் பயன்பாட்டிற்கான கட்டணங்கள், தொலைத் தொடர்பு, கம்ப்யூட்டர் மற்றும் தகவல் தொழில் நுட்ப சேவைகள் மிக முக்கிய பங்காற்றுகின்றன. மொத்த உள்நாட்டு உற்பத்தியில் சேவைத் துறையின் பங்கு ஏறக்குறைய 55 சதவீதமாக உள்ளது.

பாரத ரிசர்வ் வங்கி 2011 ஜூன் மாதத்தில் இருந்து நம் நாடு மேற்கொள்ளும் சேவைகள் ஏற்றுமதி மற்றும் இறக்குமதி குறித்த புள்ளி விவரங்களை வெளியிட்டு வருகிறது. 2011 ஜூன் 15ம் தேதி அன்று முதல் முறையாக அந்த ஆண்டு ஏப்ரல் மாதத்திற்கான சேவைகள் வர்த்தகம் குறித்த தகவல் வெளியிடப்பட்டது. ஒரு குறிப்பிட்ட மாதத்திற்கான சேவைகள் ஏற்றுமதி விவரம் சுமார் 45 தினங்களுக்குப் பின் வெளியிடப்படுகிறது.

வர்த்தக உபரி
நம் நாட்டில் சரக்குகள் ஏற்றுமதியைப் பொருத்தவரை வர்த்தகப் பற்றாக்குறை (இறக்குமதிக்கும் + ஏற்றுமதிக்கும் இடையிலான வித்தியாசம்) நிலவுகிறது. அதாவது, ஏற்றுமதியைக் காட்டிலும் இறக்குமதி அதிகமாக உள்ளது. அதே சமயம், சேவைகள் பிரிவில் பொதுவாக இறக்குமதியைக் காட்டிலும், ஏற்றுமதி அதிகமாக உள்ளதால் பெரும்பாலும் அந்தப் பிரிவில் வர்த்தக உபரி காணப்படுகிறது.
2017 ஆகஸ்டு மாதத்தில் 1370 கோடி டாலருக்கு சேவைகள் ஏற்றுமதி ஆகி உள்ளது. சென்ற ஆண்டின் இதே மாதத்துடன் ஒப்பிடும்போது இது 2.4 சதவீத வளர்ச்சியாகும். இதே காலத்தில் சேவைகள் இறக்குமதி 7.5 சதவீதம் குறைந்து 866 கோடி டாலராகக் குறைந்துள்ளது. ஆக, இப்பிரிவில் 504 கோடி டாலர் அளவிற்கு வர்த்தக உபரி ஏற்பட்டுள்ளது. சென்ற 2016ம் ஆண்டு ஆகஸ்டு மாதத்தில் அது 533 கோடி டாலராக இருந்தது.
பாரத ரிசர்வ் வங்கியின் அண்மைக் கால ஆய்வறிக்கை ஒன்றில் இந்த புள்ளி விவரங்கள் இடம் பெற்றுள்ளன.
சரக்குகள் மற்றும் சேவைகள் ஏற்றுமதியை அதிகரிக்கும் வகையில் 2015-2020 வெளிநாட்டு வர்த்தக் கொள்கையை மத்திய அரசு மறு ஆய்வு செய்துள்ளது. விரைவில் வெளிவர உள்ள இந்த கொள்கையில் சரக்குகள் மற்றும் சேவைகள் ஏற்றுமதிக்கான புதிய இலக்கு அறிவிக்கப்படும் என்றும், ஏற்றுமதியாளர்களுக்குப் புதிய சலுகைகள் வழங்கப்படும் என்றும் எதிர்பார்க்கப்படுகிறது.
2017-2018 நிதி ஆண்டில் ஆகஸ்டு வரையிலான முதல் ஐந்து மாதங்களில் 6664 கோடி டாலருக்கு சேவைகள் ஏற்றுமதி ஆகி இருக்கிறது. சென்ற ஆண்டின் இதே காலத்துடன் ஒப்பிடும்போது இது 1.1 சதவீத வளர்ச்சியாகும். இதே காலத்தில் சேவைகள் இறக்குமதி 1.7 சதவீதம் குறைந்து 3829 கோடி டாலராக உள்ளது. எனவே வர்த்தக உபரி 2832 கோடி டாலராக உள்ளது. இது 5.3 சதவீத முன்னேற்றமாகும்.

சரக்குகள் ஏற்றுமதி
கடந்த செப்டம்பர் மாதத்தில் சரக்குகள் ஏற்றுமதி, மதிப்பு அடிப்படையில் 2861 கோடி டாலராக இருக்கிறது. சென்ற ஆண்டின் இதே மாதத்துடன் ஒப்பிடும்போது இது 25.67 சதவீதம் அதிகமாகும். ஆகஸ்டு மாதத்தில் ஏற்றுமதி 2381 கோடி டாலராக இருந்தது.
செப்டம்பர் மாதத்தில் நாட்டின் இறக்குமதி 3760 கோடி டாலராக உள்ளது. சென்ற ஆண்டின் இதே மாதத்தில் அது 3183 கோடி டாலராக இருந்தது. ஆக இறக்குமதி 18.09 சதவீதம் அதிகரித்துள்ளது.

புதிய இலக்குகள்
இந்திய ஏற்றுமதியாளர்கள் சங்கம், நடப்பு 2017-2018ம் நிதி ஆண்டிற்கான சரக்குகள் மற்றும் சேவைகள் ஏற்றுமதி இல்கை 50500 கோடி டாலராக நிர்ணயித்துள்ளது. இதில், சரக்குகள் ஏற்றுமதி 32500 கோடி டாலராகவும், சேவைகள் ஏற்றுமதி 18000 கோடி டாலராகவும் இருக்கும் என இச்சங்கம் தெரிவித்துள்ளது.

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X