அந்துமணி பதில்கள்!
Advertisement
 
 
 
Advertisement
Advertisement
dinamalar-advertisement-tariff-2018
 
Advertisement
 
எழுத்தின் அளவு:

பதிவு செய்த நாள்

10 டிச
2017
00:00

எல்.ரகுபதி, சென்னை: தன் தவறை மனிதன் உணருவது எப்போது?
இரண்டு விஷயங்கள் நடந்த பின்னர் உணர்கிறான்; ஒன்று, பணத்தை இழந்த பின்; இரண்டு, மனதை கெடுத்துக் கொண்ட பின். இவை இரண்டையுமே இழக்காத போது, தவறை உணருவோர் சிலரே. இவர்கள் சந்தோஷமாக வாழ்கின்றனர்.

எம்.மகாராஜன், தேனி: லஞ்சம் வாங்கிக் கொழுப்பவர்கள், கடைசியில் அதை யாரிடம் கொண்டு கொட்டுவர்?
எம்.பி.பி.எஸ்., - எம்.எஸ்., - எம்.டி., முடித்தவர்களிடம் தான்!

* வி.பார்த்தசாரதி, விருதுநகர்: மற்றவர்களை கவர்ந்திழுக்க என்ன செய்ய வேண்டும்?
ஒரே ஒரு வேலைதான் செய்ய வேண்டும்... அது முகஸ்துதி! இன்றைய உலகில் முகஸ்துதிக்கு மயங்காத மனிதன் உண்டோ... 'ஆஹா... உங்களைப் போல் உண்டா... உங்கள் அறிவு கூர்மையை எப்படி பாராட்டுவது... உங்கள் தயாள சிந்தையை எப்படி மெச்சுவது...' என, அவிழ்த்து விடுங்கள். மற்றவர்களை சுலபமாக கவர்ந்து விடலாம்.

* அ.லட்சுமி, கோவை: பெண்கள் வேலைக்குப் போவதால் நன்மை அதிகமா... தீமை அதிகமா?
தொண்ணுாறு சதவீதம் நன்மை தான். வேலைக்கு செல்லும் பெண்ணுக்கு, தன்னம்பிக்கை கிடைக்கிறது; அடக்குமுறைக்கு தலை வணங்கி நடக்கும் நிலை மாறுகிறது; குடும்ப பொருளாதாரம் உயருகிறது. இன்னும் எத்தனையோ அடுக்கிக் கொண்டே போகலாம்!

டி.வாசுதேவன், ஒட்டன்சத்திரம்: 'இவன் வாழத் தெரிந்தவன்' என, யார் யாரை குறிப்பிடலாம்?
தன்னைப் பற்றி, பிறர் தவறாக, அவதுாறாக பேசும் போதும், சொல்லும் போதும் அதை சாதாரணமாக சிரித்துக் கொண்டே ஏற்றுக் கொள்கிறவன், கேட்டுக் கொள்கிறவனைச் சொல்லலாம்!

க.சந்திரன், மதுரை: தற்போதைய சூழ்நிலையில் ரசிகர்கள், சிறப்பான கதையோட்டமுள்ள படங்களை விரும்புகின்றனரா, கவர்ச்சி ஆட்டத்தை விரும்புகின்றனரா?
இடை, தொடை, கவர்ச்சி ஆட்டங்களைப் பார்த்து, அவற்றை ரசிக்க பழகி விட்ட ரசிகர்களுக்கு, அவற்றை முற்றிலும் துறக்க விருப்பமில்லை. அதே நேரம், நல்ல கதையம்சத்தையும் எதிர்பார்ப்பவர்களாகவும் இருக்கின்றனர்!

* பி.இந்திரா, புதுச்சேரி: குற்றம் செய்யும் அரசியல்வாதிகளையும், அதிகாரிகளையும் மக்களே தண்டிக்க ஆரம்பித்து விட்டால்...
நாடு உருப்படுவதில் நம் மக்களுக்கு அவ்வளவு சீக்கிரம் ஆர்வம் உண்டாகுமென்று பகல் கனவு காண, நான் தயார் இல்லை.

எஸ்.ராணி, கம்பம்: எந்த மொழி மீது உங்களுக்கு பற்று அதிகம்?
மழலை மொழி மீது. மழலைக்கு எந்த பேதமும் கிடையாதே!

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X